Saumajin 109:3 - Bibilia Buk na Ŋun nagon koti luŋu a

³ Se a jamaddu kulya kwe i swötön liŋ ko mandu, a se möröni ko nan ’bak kwe na kulya.

Saumajin 109:3 ပူးပေါင်းရင်းမြစ်များ

Saumajin 69:4

Ŋutu logon maman nan ’bak kwe na kulya kilo gwe jore totoŋun kupir ti kwe nio; se logon ’dek tukaŋu nan kulo gwon ko riŋit, iŋkoi, se lo gwon a merok kwe ’bak kwe na kulya kilo. Nan ködyo nyönyökorö ŋo nagon nan a ko kokolun ada?

Saumajin 35:7

Kogwon se a ’delakindya nan widi nase kana, se a ’bokakindya nan meyi ko kulya kana.

Saumajin 88:17

Tuparani liŋ do gögömökin nan kiden gwoso pioŋ; do a tumakin nan i swötön liŋ.

Saumajin 35:20

Kogwon se ti jambu ko töjulin, ama se pipilundya ’burönö i ŋutu logon si ’da ko taliŋ i jur kulo.

Osea 11:12

Epuraima aje lopakin nan kiden ko ’burönö, iŋkoi, kötumit na Yisaraele lorga nan ko mumulugga, ama nan ŋun nyuŋ deden Yuda, nan Loke aje yinikin lepeŋ a lio.

Saumajin 22:12

Merok jore a lopakindya nan kiden gwoso dwönin, iŋkoi, se a dumokindyö nan kiden gwoso mekora ti jur lo Basan.

Saumajin 17:11

Soŋinana se tumakindya gwo-kiot kaŋ kiden; se a tiriku gubakindya nan kak.

2 Samuele 15:12

A nagon Abisaloma gwe i ’duŋgö na rubaŋgajin nu, a nye luŋgi Akitopele ŋuto lo Gilö, kajujuwanit lo Dawidi, anyen po kanyit i köji nagon a Gilö. A ŋutu kamwönyök kulo gwe jore a löpukuŋdye ko Abisaloma i swöt.

1 Samuele 26:18

A nye pije adi, Nyo nagon do duma liŋ gwon i kekebbu na nan? Nan ŋona a koŋdya nyo? Toron a nyo nagon kata köyö i könisi?

Saumajin 35:19

Ti kulo ŋutu logon a merok kwe kulo gwe ti kweni ’e nan ko kana, ti ŋutu logon maman nan ’bak kwe na kulya kilo, ti gwe ti mimi ’digga nan ko konyen le kase.