Roma 2:3 - Bibilia Buk na Ŋun nagon koti luŋu a

³ Do ŋilo ŋuto, do ’duŋokiŋdyo ŋutu arabat logon koŋdya ŋo gwoso kine kulo, kölumbö do ko mugun inot kökon se. Do yeyeju adi do ŋona mo rwörwöddu putet lo Dun le?

Roma 2:3 ပူးပေါင်းရင်းမြစ်များ

2 Samuele 10:3

Ama a kimak ti ŋutu ti Amon kulyani ko Kanun duma lose adi, Do ’diri yeyeju adi Dawidi aje bu ’ya munyi i sunyukiŋdyö na do kilo kasukak? Ti gwon adi Dawidi sunyuŋdyö kilo köliŋönök kanyit konut ni anyen ko wöŋu köji ’bukuluŋ, i wiŋa na lepeŋ, ko i te ’ya na lepeŋ le?

Eyobo 35:2

Do kulya adi do a lo ’but ko Ŋun i komor,

Saumajin 50:21

Kine kulya do a kon, a nan yiŋani taliŋ; do yeyeju adi nan jojo gwoso do liŋ. Ama soŋinana nan ririŋ do, a nan petakindye kulya na kon do kine konut i komor.

Saumajin 56:7

Pon Ŋun, ropakindye se lyaŋesi kase; gubakindye gweyajin ti ŋutu kak i woran inot.

Tolupesi 11:21

’Diri gwak ŋuto loron mo ti köloji kana ’bak riŋet, ama a se logon ko loti lo rigwo mo lwokoni lwoko.

Tolupesi 16:5

MATAT maman ŋutu liŋ kabulak ti ’borik; dene ta den adi se mo ti tu kana ’bak riŋa.

Ejikele 17:15

Ama a ŋilo mor lo Yuda renyani sara ko lepeŋ, a soŋdi luyökie kanyit Ejipeto yu i mu-luŋdyö na kusanjin se ko kamörök jore. Ŋuto gwoso ŋilo ŋona jujukin te ’ya le? Ŋuto lo koŋdya ŋo gwoso kine lo ŋona bubulö kölöki ’bak konaki arabat le? Lepeŋ ŋona bubulö ’beleŋgu tomoret a tine riŋa le?

Ejikele 17:18

Kogwon mor lo Yuda a lauŋdya milye a ’beleŋgi tomoret; lepeŋ köju a kwekiŋdya twöyit ama kölumbö lepeŋ kökon kine ŋo liŋ. Lepeŋ mo ti kölöki ’bak riŋet kwöŋ.

Daniele 10:19

A nye kulyani adi, Do ŋuto lo nyanyara parik, an do ko kujönö, ti taliŋ gwe ko do. Gwe do a iŋgo ko a purutat. A nagon nye nyuŋ jajambu ko nan nu, a nan iŋge golon, a kulyani adi, Ti do duma lio jambi, kogwon do aje togo ’yuman.

Matayo 23:33

Ta munuö, ta torela ti munuö katatuak, ta rwöddu ada i ’duŋöki i Geena?

Matayo 26:53

Do yeyeju adi nan ti bulö mo ’yu Baba, a ’de ’de nye de sunyukiŋdye nan teŋon ti malaikajin lwölwöŋ puök wot murek le?

Luka 12:14

A nye waddi adi, Do ŋilo ŋuto, ŋa lo ’burukiŋdya nan kasu ŋerot a ka ’duŋonit kode a kakoranit?

Luka 22:58

Diŋit a na ’dit, a lele ŋuto meddi lepeŋ, a kulyani adi, Do köti a lele lose. Ama a Petero waddi adi, Ŋuto lo, nan ’bayin a nye.

Luka 22:60

Ama a Petero waddi adi, Ŋuto lo, nan ti den ŋo nagon do jajam kine. ’De ’de nagon nye nyuŋ kukulya nu, a sukuri lo sirani.

Roma 1:32

Ma ’di nagon lepeŋat deden saret lo Ŋun adi ko ŋuto logon a koŋdya ŋo gwoso kine lo, lepeŋ jujukin tatua, a se yeoe koŋdya a nyaŋi ŋutu logon koŋdya se kulo.

Roma 2:1

Nyenagon do ŋilo ŋuto ma ’di do a ŋa, ko do a ’duŋökin lele ŋuto arabat do ’bak kulya nagon do renyuŋdye mugun kaŋo. Kogwon i ’duŋökiŋdyo inot na lepeŋ do ’duŋökiŋdyö mugun arabat, kogwon do logon a ka ’duŋonit lo koti kökon ŋo nagon do a jam adi a narok kine.

Roma 2:2

Kode do ŋona bubulö ruggö adi, Yi deden adi Ŋun a lo rigwo i ’duŋgo na putet lo ŋutu logon koŋdya ŋo gwoso kine kulo.

Roma 9:20

Ama do ŋuto kana, do a ŋa anyen ŋetakiŋdya Ŋun kulya? Sape ŋona bubulö pija kagweyanit lonyit le adi, Ko nyo nagon do gweja nan sona?

1 Tesalonike 5:3

A na kulyari ŋutu adi ŋo liŋ gwe taliŋ ko gwe ’bura nu, a ’de ’de kijek körit ’duki i se gwoso na pokiŋdye ta ’du i ŋuto na gwon ko pele na, a se tine rwoddu kwöŋ.

Ebere 12:25

Kunyar ta, an ta ko renya ta nye lo jajambu lo. Ŋutu logon a renya yinga nye lo kukuju se köju i kak ni kulo, lepeŋat a ko rwöddu i twan, a bia parik yi mo rwöddi ada koyi a löpu-köddu kano i yinga na nye lo kukuju yi ki yu lu.

Ebere 2:3

nyena koyi gwe ti yeyeju lwökit duma parik, a yi mo rwoddi riŋa ada? Matat ko mugun nanyit a kokwe a laŋa ŋina lwökit, a ŋutu lo yiŋga lepeŋ kulo iŋge tukokin yi adi a gwak.