Osea 4:3 - Bibilia Buk na Ŋun nagon koti luŋu a

³ Ko ŋina kwe Jur dedelya, a ŋutu liŋ lo si ’da i lukata nanyit kulo tomunyane tomunyan, koti a kijakwa ti mu ’diŋ se ko kwen ti ki worani a lomunyak, a ma ’di somot ti kare ’du ’dumani kaŋo.

Osea 4:3 ပူးပေါင်းရင်းမြစ်များ

Yisaya 33:9

A tomoresi aje ’be ’beleŋo, a katokorok aje lawe, a ŋutu tine yeyeo kwöŋ. A kak delyani delya a nogara nogara; a Libanon aje yitwe kak a lilikara lilikara; a Saron gwe gwoso yöbu na sese; a koropo ti Basan ko ti Karmela ’do ’done kak.

Yeremia 12:4

Diŋit ŋornan nagon jur ŋoŋoŋga a döru liŋ lo mu ’diŋ teteyone teteyon? Kijakwa ko kwen a likin kogwon toronjin ti ŋutu lo si ’da kata kulu, kogwon ŋutu kulya adi, Ŋun ti met ŋo nagon yi kökon kune.

Yeremia 23:10

Kogwon jur a jore ko kalupök, jur a senya, a delyani delya, a piritön yukisi na gwon i yöbu yu kunu iŋge teteyon. Gwiliŋit lo kilo ŋutu wöröji a loron, a riŋitön kase kitani a narok.

Yeremia 4:25

Nan a meddya, mete, a ŋutu gwe ’bayin, a kwen iŋge wokon.

Yeremia 9:10

Nan pokin i gwien ko i lulujö i kulya ti merya, a nan delyani delya i kulya ti piritön yukisi na gwon mu ’diŋ kunu, kogwon se aje körö, a ŋutu gwe ’bayin lo lwöŋöddi nyin, a woŋon na toro ’bo tine yiŋa; kweja adi ko kwen ko kijakwa aje wökön, a gwe ’bayin kwöŋ.

Yeremia 9:9

Nan MATAT lo pija adi, Nan ŋona mo ti riŋ se kogwon kune ŋo le? Nan ŋona mo ti ropakin jur logon gwoso lo toron nase le?

Ejikele 38:20

A somot ti tör, ko kwen ti ki, ko kijakwa ti mu ’diŋ, ko po liŋ lo gwöŋtu kak, se ko ŋutu liŋ lo gwon i kak ni kulo mo böŋdi böŋdu köyö i komor, a merya mo dukani kak, iŋkoi, a merya logon ko wilön mo ’do ’done ’do ’do, a goroma liŋ mo duyömökine kak adi yurum.

Yoele 1:18

Kijakwa wuwuŋi parik! Teŋon ti toro ’bo wiwirto kogwon se ’bak leme; ma ’di tenon ti yidin ŋoŋoŋga.

Amosa 1:2

A lepeŋ kulyani adi; MATAT maraŋgu Siona, a gworo lonyit kuörö kaŋo Yeru-salema. A piriton na yuggi kayukuk yidin kase kune nopara nopara, a Karmela teteyone teteyon i loki nanyit.

Amosa 5:16

Nyenagon nan MATAT ŋun lo kurumi kulya adi, ŋutu mo lulujö i piriton liŋ nagon a terereki; a kulye mo gwine i kikolin liŋ adi, Wöidiö, woidio! A kakuruk luŋuni i delya, a ŋutu logon a mirya ti delya kulo luŋuni i lulujö,

Amosa 8:8

Lo jur mo böböŋdu kogwon kine kulya, a ŋutu liŋ lo si ’da kata kulo mo delyani delya, a jur liŋ mo burokuŋdye ki gwoso Supiri, a ya ’yi abur, köti a rorokara kak gwoso Supiri Ejipeto yu.

Naum 1:4

Lepeŋ ririŋ tor na ’balaŋ a toliliŋge nye adi kworok, a towere ’yi karya liŋ; a Basan ko Karmela riŋe riŋon, a ŋo ti Libanon na wilun kune nopara nopara.

Jepania 1:3

Nan mo susukoro ŋutu ko kijakwa lio kaŋo; a nan mo reyaddi kwen ti ki se ko somot ti tor na ’balaŋ A nan mo to ’doroji ŋutu lorok; a nan mo tukaŋi ŋutu liŋ kaŋo lo gwon i kak ni kulo. Kilo a kulyaesi kwe ti MATAT.

Jakaria 5:4

A MATAT lo kurumi kulyani adi, Nan aje sonyoro lomit, a ŋina lomit mo luponi i kadi na kolanit, se ko i kadi na ŋuto logon a milyeju a wuya kana i ’diŋdya na karin kwe ti MATAT; a lomit mo si ’dani kanyit kadi a tutuŋge lepeŋ, ko kaden ko ŋurupo liŋ.