Osea 2:9 - Bibilia Buk na Ŋun nagon koti luŋu a

⁹ Nyena nan mo nyonyökörö ’bolot kwe i diŋit nase, ko binyo kwe i diŋit nase; a nan mo ’dumaddi kupir ti köbilu se ko waratat nio pisite nagon gweya a boŋgwat nagon ködyo muggo to ’buson nan-yit.

Osea 2:9 ပူးပေါင်းရင်းမြစ်များ

Ejikele 16:27

Nyenagon meddi, nan a rioro ko-nin lio kaŋo i riŋga na do, a nan iŋge ’duŋoro kinyo ilot kak logon a tiki do lo, a ŋutukiŋdye do i pusok na ŋutu wa-te ti Pelesete nagon maman do kune, kusik kase koti a yu kogwon gwiliŋit ilot lo towuton.

Ejikele 16:39

Nan mo puŋutukin do i könisi ti kanyarak kulök, a se mo duka-kiŋdye pirit inot kak na ’du ’duluru do ki a najo ŋina, a tuŋe piritön kunök na ’du kak, a se mo rusuŋdye boŋgwat kaŋo konut i mugun, a se mo ’dumaddi minyo-jin kunök nakwekwelen, a kölökiŋdye do ’busön ko a limu kana.

Ejikele 23:26

A lepeŋat mo köti rusuŋdye boŋgwat kaŋo konut i mugun, a ’dumaddi minyojin kunok nagon a ŋurupö nakwekwelen kine kaŋo.

Daniele 11:13

Kogwon mor lo lobot mo köti momora lodir lo kamörök a duma parik lwölwöŋ ti köju kulu; a i mukök na kiŋajin kulye, a lepeŋ molu poŋdi po ko kamörök jore ko toro ’bo jore köti.

Osea 2:3

an nan rusun boŋgwat kanyit kaŋo, a kolokiŋdye Lepeŋ a limu kana gwoso i lor lo yuŋwe ’i nye koju lu, a koŋdi Lepeŋ gwoso yobu kana, a tiŋdi Lepeŋ i gwon gwoso kak nateyon, a kolokiŋdye Lepeŋ i twan ko kure.

Osea 8:7

Kogwon se aje weja köbuoöt a se mo pepi libibiu. ’Bolot aje wora a muni, lepeŋat mo ti toran a konyen; a ko ködyö se a toran, a Lwaka ködyö lo nyesi se.

Osea 9:2

Piritön gwutesi ti ’bolot se ko piritön ryokesi ti binyo mo ti jukin tunyeju se, a binyo luduko mo gwe ku ’dik kase.

Yoele 2:14

ŋa lo deŋdya kode ŋona nye koti mo lolopuggo i ŋo nagon konaki i ŋutu, a kolokiŋdye ’boriet kanyit i mukok? ŋina ’boriet a jukin i ’dokesi ti ’bolot se ko rubaŋgajin ’bu ’buke-si logon wuki MATAT ŋun losu.

Jepania 1:13

A tito kase mo ryakani ryaka, a kadijik kase mo koroni koro. Ma ’di se a ’duggo kadijik, ama se mo ti si ’da kata; ma ’di se a ’yuddu lukobiot ti kaden ti binyo, ama se mo ti mat binyo kase.

Malaki 1:4

A ko ŋutu ti Edom kulya adi, Yi a toreki, ama a yi mo nyoggi ’duggo rubajin kaŋ, a nan MATAT lo kurumi kulyani adi, Ma ’di se a to ’duk, ama a nan mo duŋge kadijik kase kak, a ŋutu mo luŋgi se a Jur lo toron, adi a ŋutu logon MATAT a wöŋi asut.

Malaki 3:18

A ta mo yitwene i kuruŋdyo na tuka ’de i kiden na ŋuto lo loti lo ’but se ko ŋuto loron, ko i kiden na ŋuto lo kitakiŋdya ŋun se ko nye logon ti kitakiŋdya lepeŋ lo.