Osea 2:2 - Bibilia Buk na Ŋun nagon koti luŋu a

² Ŋuti ’bayin a nakwan nio, a nan tine gwon a lalet lonyit, ama tiddye ta takiŋdya Leŋeŋ adi ti nye koloki meddya ko komor na towuton, ko ti nye koloki momoka na kinasi kanyit ti kaluŋe;

Osea 2:2 ပူးပေါင်းရင်းမြစ်များ

Yisaya 11:12

A nye mo ’bilikiŋdye beret ki i jurön, a nye mo momoruŋdye ŋutu ti Yisaraele lo riköji, a nye mo tutunuŋdye ŋutu ti Yuda lo rekin i goŋesi iŋwan ti kak kulo.

Yisaya 50:1

MATAT lo kulya sona adi, Niya waraga yanyet na ŋuti nagon nan a yaŋdi lepeŋ na? Kode nan a tugwörökiŋdyö ta ko lon ŋuto logon nan a kuŋö gurut ko lepeŋ? Meddi ta, ta a tugwörö kogwon ŋonyesi kasu a ŋuti aje yanya kogwon tyapesi kasu.

Yisaya 58:1

Wogoro ki parik; an do ko dara, ti gworo ilot woge gwoso tore, tukökiŋdye ŋutu kwe tukwölöŋesi kase, takiŋdye kötumit na Yakobo toronjin kase.

Yeremia 19:3

A do mo kulyani adi, Ta moran ti Yuda se ko ŋutu lo si ’da Yerusalema kulo, yiŋge ta kulyaet lo MATAT. MATAT lo kurumi Ŋun lo Yisaraele lo kulya adi, Mete ta, nan mo jojoŋdya ŋo naron i ŋina pirit, anyen swö ti ŋutu liŋ lo yiŋga kine kulya kilo mo gigiŋga.

Yeremia 2:2

Iti, laije laŋa anyen ŋutu ti Yerusalema yiyiŋ adi nan MATAT lo kulya adi, Nan a yeye twöju nasu na nan köju nu gwoso twöju na ŋuro ’diet, iŋkoi, nan a yeye nyaŋu nasu gwoso na ’diet na pete yema, i diŋit nagon ta köju kebbu nan i yöbu, i kak nagon a ko kuru a gwe a ko ’yutuki kinyojin nu.

Yeremia 3:1

Ko ŋuto a yaŋdu nakwan nanyit a ŋina ŋuto kö ’yi nye a yemani ko lele lalet, ŋilo ŋuto ŋona bubulö yitö ko ŋina ŋuto yu le? ŋina nakwan ŋona a ko toluta parik le? Do aje biryeri mugun gwoso kalupe ko kanyarak jore, do ŋona bubulö yitwe köyö ni le? ŋilo a nan MATAT lo pija.

Yeremia 3:13

Ama ka ’de ruŋge toron inot nagon do renyari nan MATAT ŋun ilot na, ruŋge adi do aje tu i ŋunyen logon a lepelok lo gwon i mukökö ti kaden liŋ lo rurwan, gwoso kalupe nagon wöröji abur i lyan, ruŋge adi do a ko twöju gworo lio. Kilo a kulyaesi kwe ti MATAT.

Yeremia 3:18

A i kilu perok a kötumit na Yuda molu morakiŋdye i kötumit na Yisaraele, a lepeŋat liŋ mo poŋdi kaŋo i jur lo lobot tojo i jur logon nan aje tikin merenyejin kasu a lomore lo.

Ejikele 16:20

a do ’dumuŋdye ŋwajik kulok lulyan ko nawate, logon do a yuŋwekin nan kulo, a wukiŋdye kilo nyomuejin a kinyo lose. Do yeyeju adi ŋina ŋo a na ’dit Iwolwoŋ wuton inot le?

Ejikele 16:25

a do ’du’dulukiŋdye mugun piriton na ’du i kere-si ti kikolin liŋ, a do koŋi kwelen inot, a pakiŋdye mokosi kulok i ŋutu liŋ lo Iwolwoŋoddu, a do ’yaladdi wuton inot ŋerot.

Ejikele 20:4

Ŋuro lo ŋuto, do ŋona ti lilija lepeŋat? Do ŋona ti ’duŋökiŋdyö lepeŋat putesi le? Ti lepeŋat dene den ŋo na mamana na kon merenyejin kase kune,

Ejikele 23:43

A nan yeyeji adi, Kine ŋutu doŋa-kiŋdya i kita nase na toluŋ! Kilo ŋutu mo totoluŋ ko ŋutu nagon gwakine!

Ejikele 23:45

A ŋutu lo rigwo mo ’duŋökiŋdye lepeŋat putet logon a putet lo ’dupöki ŋutu wate nagon a kalupejin, se ko putet lo ’dupöki ŋutu wate nagon a katatuak, kogwon se a wate nagon a kalupejin, a könisi kase ’buköddi rima.

Osea 1:2

Kulo a kulyaesi ti MATAT suluesi lo jama ko Osea. Lepeŋ a takiŋdya Osea adi, iti, ko yemakiŋdye mugun narakwan nagon a kawute, ko yuŋwe-kine ŋwajik logon rye i kiko lo wuton, kogwon lo jur aje koŋdya towuton parik i kolokiŋdyo na nan MATAT.

Osea 2:1

Nyena a do mo kulyani ko lupösurök adi, Ta a ŋutu kwe, koti a mo kulyani ko kiosurok adi, Ta aje woŋorikin konyen.

Osea 2:5

Kogwon ŋote nase a koŋdya towuton; nye na yupuŋdyö se na a koŋdya arabat ’bak yu na kwe, kogwon Lepeŋ kulya adi, Nan de tutu ko kanyarak kwe yu, logon titikin nan kinyo lio se ko pioŋ kwe na mamata, a tiŋdi nan kupir ti köbilu se ko waratat pisite nagon gweya a boŋgwat kwe, ko welet nio se ko yawa kwe.

Osea 4:5

Ta mo kököŋukö i diŋit na tuparan, nebijin koti mo kököŋukö ko ta i ŋirit na geleŋ i diŋit na tukwaje; a nan mo tukaŋi Jur losu logon a ŋote nasu.

Mika 2:13

A ŋuto lo tulokiŋdyo pirit lupet i gorom lupoddi kaŋo kase ŋerot, a se burunyuŋdye kaŋo a Iwoŋoddi kotumit. A mor lose iti kase ŋerot, nan MATAT lo nyomoddu lepeŋat.

2 Korinto 5:16

Nyenagon suluja soŋinana yi ti lilija kulya ti lele ŋuto ko yeyeesi ti na kak, ma ’di köju yi a lilija kulya ti Kristo ko yeyeesi ti na kak kune, a yi tine koŋdya sono köti kwöŋ.