Osea 11:2 - Bibilia Buk na Ŋun nagon koti luŋu a

² Ama bia parik ko nan luŋgu ŋutu kanyit, a se kölumbö iti ŋajo köyo; lepeŋat ’debba wukiŋdya na Balajin rubaŋgajin, a ’yurakiŋdye nyömuejin bökur.

Osea 11:2 ပူးပေါင်းရင်းမြစ်များ

1 Moran 12:33

a nye kije ki i pirit ’yuret na rubaŋgajin nagon nye a teten Betele nu, i perok puök wot mukanat ti yapa tobudök, i yapa logon nye a yeyeji kanyit i töili; a nye tetenakiŋdye ŋutu ti Yisaraele rorwe, a kije ki i nu pirit ’yuret na rubaŋgajin i ’yuŋa na bökur.

1 Moran 18:19

Nyenagon soŋinana sonyoddi lore ko momoraki nan ŋutu liŋ ti Yisaraele i mere Karmela, se ko nebijin ti Bala miajin iŋwan ko merya mukanat kulo, ko nebijin ti Asera miajin iŋwan logon tunyei ko ŋebele kulo.

Nemaya 9:30

Do a yeŋon tiŋdu ’busan inot ko lepeŋat kiŋajin jore, a kunyari i lepeŋat ko Mulökötyo ilot lo jambu ko nebijin kulök i kutusen; ama lepeŋat ti yiŋ. Nyenagon a do wukiŋdye lepeŋat i könisi ti ŋuto ti jurön.

Yisaya 65:7

tukwölöŋesi kase ko tukwölöŋesi ti komonye i pirit na geleŋ, nan MATAT lo kulya; kogwon se aje ’yuŋa bökur i merya loki a iŋge lauŋdya nan i lurwat ki, a nan mo tembi a kokwe ropet na konesi kase a mo robbi robba asut.

Yeremia 18:15

Ama ŋutu kwe aje boŋori nan, a lepeŋat ’yurakiŋdye gunyen kana bokur. A kilo gunyen tiŋdi lepeŋat i kopuko kase i kikolin loron a ti ’beron kulu, a tiŋdi se i wöröji i gwokiot ’bayin i kiko duma.

Yeremia 35:13

MATAT lo kurumi Ŋun lo Yisaraele lo kulya adi, Iti ko kulyani ko ŋutu ti Yuda se ko ŋutu lo si ’da Yerusalema kulo adi, Ta ŋona ti wuju todinesi i yiŋga na kulyaesi kwe le? Ŋilo a nan MATAT lo pija.

Yeremia 44:5

Ama lepeŋat a ko tiŋdu swö kase i yiŋga, anyen lölöpuggö i toronjin kase nagon se a ’yurakiŋdye kulye ŋunyen bökurön kune.

Osea 11:7

Ŋutu kwe a tiŋdu töilyet kase i kukutörö bot köyö; nyena ma ’di nagon se a luŋgu Ŋun lose duma, ma ’di sona a nye mo tine nyökörö se bot.

Osea 2:13

A nan mo riŋge lepeŋ kogwon perok ti roriot logon konaki Balajin, i diŋit nagon lepeŋ ’yurakiŋdye se bökur, a tokweleŋdi mugun ko re ti swo se ko palia ti murut. a galaddi kanyarak kanyit, a boponi nan nu. Kilo a kulyaesi kwe ti MATAT.

Osea 4:13

ŋutu kase dibba rubaŋgajin i kusik ti merya, a ’yuŋe rubaŋgajin i lurwat loki i mukökö ti kaden temejik logon a ti mian kulo, kogwon tölimösi kase a na ’but. Nyena ŋwajik kasu nawate toto-wutön, a wate ti ŋwajik kasu luŋöni luŋö.

Osea 4:17

ŋutu ti Epuraima aje morakin-dya i nyömuejin logon a ŋunyen; iŋgo, ti Lepeŋat gwe ka ’de.

Jakaria 1:4

An ta ko gwon ta gwoso merenyejin kasu. Lepe-ŋat a yiŋ nebijin ti koju kulu i jamakin-dya na lepeŋat adi, MATAT lo kurumi lo kulya adi, Lopukuŋdye ta kaŋo i kiko-liŋ kasu lorok ko i konesi kasu narok. Ama a se gwe a ko tiŋdu swo i yiŋga na nan, nan MATAT lo kulya.

Jakaria 7:11

Ama a se iŋge renya yiŋga, a löpukökiŋdye ki ’dirino kase, a ’dije swö an se ko yiŋga.

Luka 13:34

A, Yerusalema, Yerusalema, ŋutu kulök a katatuak ti nebijin, a gugubuje ŋutu logon a sunyuki do kilo ko ŋurupö! Diŋitan muda nagon nan ’de ’dekan sukuŋdyö ŋwajik kulök köyo ni i pirit na geleŋ, gwoso sukuri nagon sukokiŋdyö torela kanyit i köpukön na, ama a ta tine ’bon!

Yoane 3:19

Nyena ’duŋet na putet gwon sona adi parara aje po i na kak, ama kölumbö a ŋutu nyaŋi mudwe lwölwöŋ parara, kogwon lepeŋat koŋdya Ŋo narok.

Konesi 7:51

Nyena ta ŋutu logon ko muruto a nawo ’duŋak, logon toilyet se ko swo kasu gwon gwoso ti ŋutu logon ti yubbö ŋun, ta ŋupi renya Mulökötyo Loke. Ta kelaji ko merenyejin kasu.

Ka’duŋök 10:6

A ŋutu ti Yisaraele köti koŋdi ŋo nagon a naron ko MATAT i komor, a kitakiŋdye ŋunyen logon a Balajin ko Asatarot, ko ŋunyen ti Suria, ko ŋunyen ti Sidona, ko ŋunyen ti Moaba, ko ŋunyen ti ŋutu ti Amon, ko ŋunyen ti Pelesete; a se kö ’yi MATAT, a tine kitakiŋdya lepeŋ.

Ka’duŋök 2:13

A se kö ’yi MATAT, a kitakiŋdye Bala se ko ŋun nagon luŋu a Asatarot.

Ka’duŋök 3:7

A ŋutu ti Yisaraele koŋdi a naron ko MATAT komor, aböŋöni MATAT ŋun lose, a kitakiŋdye ŋunyen logon a Balajin se ko kaden ti mian logon a Asera.