Osea 1:4 - Bibilia Buk na Ŋun nagon koti luŋu a

⁴ A MATAT takiŋdye Osea adi, Gwije Lepeŋ a Yejerele; kogwon i diŋit a na ’dit nan mo ririŋ kotumit na Yeu kogwon rima na ’buköŋ Yejerele yu kunu, a nan mo to ’duddye tumatyan na Yisaraele.

Osea 1:4 ပူးပေါင်းရင်းမြစ်များ

2 Moran 10:1

A Aba gwe ko ŋwajik lulyan merya buryo Samaria yu. A Yeu wuŋe waragalan, a soŋdi se Samaria, i kasarak ti ŋinu köji, ko i temejik, ko i kawowoak ti ŋwajik ti Aba, adi,

2 Moran 10:17

A nye ko ’dure Samaria, a nye tatuje se liŋ logon a pitöki Aba Samaria yu tojo ko nye a togirökin se liŋ adi sit, gwoso kulyaet lo MATAT logon nye a jamakin Eliya köju lu.

2 Moran 15:29

A i perok ti Peka mor lo Yisaraele, a Tigilat-pileser mor lo Asura poni ŋo, a te ’yi Iwon ko Ebele-bete-maka, ko Yanoak, ko Kedese, ko Kasor, ko Gilada, ko Galilaya, ko jur liŋ lo Napatali; a nye joŋgi kilu ŋutu Asura yu a ’dupi.

2 Moran 15:8

A i kiŋa tomerya musala wot budök na gwoŋdi Ajaria a mor lo Yuda nu, a Takaria ŋuro lo Yerobama gwe a kasaranit lo Yisaraele Samaria yu yaŋa la buker.

Yisaya 7:14

Nyena a MATAT ko mugun nanyit mo tiŋdi ta kweyet. Mete, a ’diet mo gwe ko pele, a mo ta ’duuŋdye ŋuro, a mo gwije lepeŋ a Imanuele.

Yisaya 8:3

A nan luponi ko nakwan nio yu, a nye piŋge pigga, a yuŋuŋdye ŋuro lulalet. A MATAT kulyani ko nan adi, Gwije karin kanyit a Maer-salala-kasa-baja;

Yisaya 9:6

Kogwon lupudi a yugweki yi, a ŋuro lo ’dokarikin yi; a tumatyan mo gwe kanyit i kido, a karin kanyit mo luguni a Kajujuwanit katusörönit, a Ŋun Kabulönit, a Monye lo yeŋ nyin, a Mor lo taliŋ.

Yeremia 20:3

A ko ’bure nanyit naŋon Pasur aje yukuuŋdyö Yeremia kaŋo i kaden rerekesi nu, a Yeremia takiŋdye lepeŋ adi, MATAT ti luŋgu karin kunök a Pasur, ama luŋgu adi, Maŋormisabiba, kweja adi, Kujönö duma kata i swötön liŋ.

Yeremia 23:2

Nyenagon nan MATAT ŋun lo Yisaraele lo jambu i kulya ti kayukuk lo yuggu ŋutu kwe kulo adi, Ta aje torekiŋdya teŋ na köbilu kwe, ta aje rikörö se mu ’diŋ, a ta gwe a ko met se ’bura. Mete ta, nan mo memet ta kogwon konesi kasu narok, ŋilo a nan MATAT lo jambu.

Yeremia 3:8

Lepeŋ a met nan i sunyukiŋdyö na Yisaraele nagon tu kaŋo köyö na, nan a sunyukin lepeŋ ko waraga yanyet kogwon lulupesi kanyit liŋ, a kiaser nanyit Yuda nagon a kadumanit na nyuŋ ti kujönö, ama a lepeŋ köti biryeri mugun gwoso kalupe.

Ejikele 23:10

A lepeŋat iŋge kwekin to ’busön nanyit köke, a momokaddi ŋwajik kanyit lulyan ko nawate, a tatuje lepeŋ ko baŋdu. A nagon lepeŋ aje ’duŋöki putet nu, a ŋutu wate jamaddi karin kanyit a ligirit.

Ejikele 23:31

Do aje kebbu kiko lo kiösur; nyena nan mo titikin kopo lo riŋet lo möji nye lo konut i könin.

Osea 1:6

A nu ŋuto koti ŋiŋge ŋigga a yuŋuŋdye ŋuro nanakwan. A MATAT takiŋdye Osea adi, Gwije Lepeŋ a Paya, kogwon nan mo koti ti won konyen ko kotumit na Yisaraele kwoŋ i pitokiŋdyo na Lepeŋat asut.

Osea 1:9

A MATAT kulyani adi, Gwije Leŋeŋ a Lupai, kogwon ta ’bayin a ŋutu kwe, a nan tine gwon a Ŋun losu.

Osea 2:13

A nan mo riŋge lepeŋ kogwon perok ti roriot logon konaki Balajin, i diŋit nagon lepeŋ ’yurakiŋdye se bökur, a tokweleŋdi mugun ko re ti swo se ko palia ti murut. a galaddi kanyarak kanyit, a boponi nan nu. Kilo a kulyaesi kwe ti MATAT.

Osea 2:22

A kak mo ruddye ruggo ’bolot, ko binyo, se ko welet, a kine ŋo mo ruddye ruggo Yejerele,

Osea 9:17

Ŋun lio mo gugubara se kaŋo, kogwon se a ko yiŋga Lepeŋ, a se mo wöröni abur i kiden na jurön.

Amosa 9:8

Dene ta den adi nan MATAT ŋ un gwon i meddya na ŋina tumatyan naron, a nan mo tukaŋi nye i kak ni, ake kötumit na Yakobo nagon nan mo ti tukar asut. Kilo a kulyaesi kwe ti MATAT.

Matayo 1:21

A nye mo ta ’duuŋdye ŋuro lulalet, a do mo gwije lepeŋ a Yesu, kogwon lepeŋ mo Iwolwok ŋutu kanyit i toronjin kase.

Luka 1:13

A malaikatat lo kulyani ko lepeŋ adi, Takaria, an do ko kujönö; kwakwaddu inot aje yiŋa: Elisabeta nakwan inot mo yuŋwekiŋdyo do ŋuro lulalet, a do mo gwije lepeŋ a Yoane.

Luka 1:31

Nyena, mete, do mo pipigga a mo ta ’duuŋdye ŋuro lulalet, a do mo gwije lepeŋ a Yesu.

Luka 1:63

A Takaria piyuŋdye ŋo anyen nye wuwur, a wuŋe adi, Karin kanyit a Yoane. A ŋutu liŋ iŋge soŋu.

Yoane 1:42

a nye joŋdi Simona ko Yesu ni. A Yesu diŋe lepeŋ, a kulyani adi, Do a Simona ŋuro lo Yoane; do mo luŋu a Kepa. (Kepa nyönyökö adi Petero, kweja adi Lurutar.)

Yosua 19:18

A lokökorit lose gwe a Yejerele, ko Kesulot, ko Sunem;