Nyökit 9:7 - Bibilia Buk na Ŋun nagon koti luŋu a

⁷ Yiyiuŋdye ta, an ta ko böŋö nu diŋit na towopi ta MATAT Ŋun losu i yöbu nu; ta gwon a kare-nyak ti MATAT suluja i lu lor lo yuöddi ta kaŋo i jur lo Ejipeto lu, tojo ko ’dur nasu i na pirit.

Nyökit 9:7 ပူးပေါင်းရင်းမြစ်များ

Yuörö 14:10

A Paro ko ’dure nyona, a Ŋutu ti Yisaraele ko ’doggi konyen kase ki a meddi Ŋutu ti Ejipeto wöwökun kase i mukök; a se kujönöni kujönö parik. A Ŋutu ti Yisaraele gwiki ko MATAT;

Yuörö 14:11

a se pipije Mose adi, Do a joŋdya yi kaŋo anyen yi ko twatwa i yöbu kogwon gulömö ’bayin Ejipeto yu le? Ko nyo do a konakiŋdya yi sona i joŋdya na yi kaŋo i Ejipeto yu?

Yuörö 16:2

A momoret liri na Ŋutu ti Yisaraele poki i woŋon ko Mose ko Arona i yöbu yu,

Yuörö 17:2

Nyena a Ŋutu kulo woŋe ko Mose adi, Tiŋdi yi pioŋ anyen yi mamat. A Mose pipije se adi, Nyö ta woŋon ko nan? Nyö ta möŋu MATAT?

Yuörö 23:21

Tiki ta swö kasu i yiŋga na kulyaesi kanyit, an ta ko renya ta lepeŋ, kogwon nye mo ti pitokin toronjin kasu na kona aka kine; kogwon karin kwe gwon kanyit.

Yisaya 48:8

Do kwöŋ a ko yiŋ, do kwöŋ a koden, suluja ’beron swö kulök a ’diya. Kogwon nan a den adi;do ti bulö yiniki, do a kadumanit, köti adi suluja i yuŋwe inot do a dena adi do ti ’bön sara.

Yeremia 11:10

Lepeŋat aje löpu­köddu bot i toronjin ti merenyejin kase logon a renya yiŋga kulyaesi kwe kulo. Lepeŋat a kepoddu kulye ŋunyen, a kitakiŋdye se; a kötumit na Yisaraele se ko na Yuda iŋge ’beleŋgu tomoret nio nagon nan se ko merenyejin kase köju a teten na.

Yeremia 32:30

Ko­gwon ŋutu ti Yisaraele ko ti Yuda a ko koŋdya nene ŋo na ’but ama tuŋ koŋdya ŋo narok köyö i komor suluja i toteton nase; iŋkoi, ŋutu ti Yisaraele a ko koŋdya nene ŋo na ’but, ama tuŋ towoŋa nan ko konesi kase, ŋilo a nan MATAT lo jambu.

Yeremia 44:9

Ta ŋona aje böŋö ŋonyesi ti merenyejin kasu, ko ŋonyesi ti moran ti Yuda, ko ti wate kase ko ŋonyesi kasu, ko ti wate kasu nagon se a kon i jur lo Yuda ko i kikolin ti Yerusalema kune le?

Ejikele 20:13

A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 20:43

Nyu a ta mo yeyeji kikolin kasu ko konesi kasu liŋ nagon ta koju a toluddye ’borik kune, a ta mo maŋdi ’börik kogwon po narok liŋ nagon ta köju a kon kune.

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 36:31

A kirut ta mo yiyiuŋdye kikolin kasu lorok se ko konesi kasu nagon köju ’bayin a na ’but kune, a ta mo maŋdi ’börik kogwon kulya ti toronjin kasu se ko konesi kasu na mamana kune.

Kenet 11:4

A lodir lo ŋutu ka ’de ka ’de lo gwon kase kiden kulo iŋge moka ko rinyuŋ; a ŋutu ti Yisaraele poki i gwien köti, a pipije adi, Ŋa lo tiŋdu yi lokore anyen yi nyönyö?

Kenet 14:22

kulu ŋutu liŋ logon a met minyo liŋ, ko kweyesi kwe na kon nan Ejipeto ko i yöbu yu kunu, logon a temba nan daŋin puök a gwe a ko yiŋ gworo liŋ kilo,

Kenet 17:10

A MATAT kulyani ko Mose adi. Nyököki ture lo Arona lo i komor na ŋurupö tökoresi anyen ’depa a kweyet i ŋutu karerenyak, anyen do tu ’baka ’yu rerenyesi kase na rerenyari se ko nan kune, an se ko twatwa.

Kenet 21:5

A ŋutu jambi arabat i kulya ti Ŋun ko Mose adi, Nyö ta a joŋdya yi kaŋo i Ejipeto anyen ko twatwa i yöbu? Kogwon kinyo ko pioŋ ’bayin, a kamulak kaŋ tine ’dekan ŋilo kinyo logon ’bak ’bulit.

Kenet 25:2

A kine ŋutu luŋgi kilo ŋutu i rubaŋgajin ti ŋunyen kase, a kilo ŋutu iŋge nyesu, a dulakine kak i twöju na nyömuejin kase.

1 Korinto 15:9

Kogwon nan a lo ’dit lo luyökie liŋ, nan ti jukin lupu a luyökie kogwon nan aje sasaŋdu kanisa na Ŋun.

Epeso 2:11

Nyenagon yeyeji ta kulya kasu, ta ŋutu logon i yuŋwe nasu a ŋutu ti Jurön kulo; ŋutu logon luŋu a lo tawero kulo luŋgu ta adi ta a ŋutu logon ti tawero. (Ama tawero nase a ŋo nagon ŋutu kokon ko könisi kase.)

Nyökit 31:27

Kogwon nan a den adi ta a ŋutu karerenyak ko logon ko murutö a nawo ’duŋak; meddi ta, temba i gwolor nio ko ta i lo lor, ta aje rerenya ko MATAT, a mo kirut gwe ada i mukök na twan nio?

Nyökit 8:2

A ta ködyö yiyiuŋdye lu kiko liŋ logon MATAT Ŋun losu a nyömuŋdye ta i kilo kiŋajin merya Iŋwan i yöbu, anyen nye böŋö to ’diddya ta, i möŋu na ta, ko i deŋdya ko nyo na gwon kasu i töilyet, kode ta ’de ’deŋ saresi kanyit, kode ’bayin.

Nyökit 9:24

Ta aje renya MATAT suluja i lu lor lo deŋdi han ta lu.

Nyökit 9:4

A i mukök nagoŋ MATAT Ŋun losu a riköddu se kaŋo kasu i komor nu, an ta ko jambu ta kasu i töilyet adi, MATAT a tolupuŋdyö yi lukata i morga na lo jur kogwon yi a ŋutu ti löti lo rigwo; nagoŋ kölumbö MATAT a riköddu ŋutu ti kilo jurön kaŋo kasu i komor kogwon se a lorok.