Nyökit 9:5 - Bibilia Buk na Ŋun nagon koti luŋu a

⁵ Ta a ko lupuŋdyo i morga na lu jur lose kogwon lötiöt kasu lo rigwo kode töilyet kasu lo gwon gwogwo kulo, ama MATAT Ŋun losu mo riköddu kilo jurön kaŋo kasu i komor kogwon se a lorok, anyen MATAT böŋö togwi ’dikiŋdya kulyaet logon nye a milyekin merenyejin kasu logon a ko Abarayama, ko Yisaka, ko Yakobo.

Nyökit 9:5 ပူးပေါင်းရင်းမြစ်များ

Suluet 12:7

a MATAT puköki ko Abarama, a kulyani adi, Nan titin nyakwariat kulök lo jur. A Abarama dipakiŋdye MATAT ’yuret na rubaŋgajin nyu, ŋilo a MATAT logon a pukökin ko lepeŋ lo.

Suluet 13:15

kogwon kak liŋ nagon do memet nu, nan mo titikin do ko i nyakwariat kulok ŋupi ŋupi.

Suluet 15:16

A i nyakwari toiŋwan a se mo yitwene bot ni koti; kogwon ŋonyan na Ŋutu ti Amori a ko nyuŋ jukin i riŋa.

Suluet 15:7

a nye kulyani ko lepeŋ adi, Nan a MATAT lo joŋdya do kaŋo i Ur na Ŋutu ti Kaledea, i tiŋdu na do lo jur a lomore.

Suluet 17:8

A nan mo tiŋdi do se ko nyakwariat kulok lo gwon konut i mukök kilo, jur lo mönuŋdye do kata lu, iŋkoi, jur lo Kanana liŋ, anyen gwon a lomore lo yeŋ nyin; a nan mo gwe a Ŋun lose.

Suluet 19:29

Nyena a ko gwe sona, na köŋi Ŋun kunu köjinö ti jur lo kare nu, a Ŋun yeyeji Abarayama, a sonyoddi Loto kaŋo i kiden na tukaret nagon nye a sopuggo kunu köjinö na si ’dari Loto kunu.

Suluet 26:4

A nan mo tuŋdije nyakwariat kulök gwoso kaser ti ki, a mo tiŋdi nyakwariat kulok kilo jurön liŋ; nyena a gweyajin liŋti kak mo mo ’yi nan i ’boroja na se gwoso na ’boroji nan nyakwariat kulok na.

Suluet 28:13

Mete, a MATAT gwo ’de gwo ’dan kanyit nyona, a kulyani adi, Nan a MATAT Ŋun lo munyi Abarayama, ko a Ŋun lo Yisaka; nan mo titikin do se ko nyakwariat kulök kak nagon do a piriki kata ŋina;

Yuörö 32:13

Yeyene Abarayama, ko Yisaka, ko Yisaraele köliŋönök kulök, logon do aje milyekin se ’diŋdya mugun inot adi, ’Diri ’diri nan mo tupöijö nyakwariat kasu gwoso kaser ti ki, a nan mo tiŋdi nyakwariat kasu na kak liŋ nagon nan aje jambu i kulya kanyit na, anyen gwon a lomore nase ŋupi ŋupi.

Ejikele 20:14

Ama a nan iŋge kita kogwon kulya ti karin kwe anyen ködyö gwon ti körö i metet na ŋutu ti jurön logon a met nan i joŋdya na se kaŋo kulu.

Ejikele 36:22

Nyena kulyani ko kötumit na Yisaraele adi, MATAT ŊUN lo kulya adi, Ta kötumit na Yisaraele, nan gwe nyona ko koŋdya na nene po; nan koŋdya ŋina po ti gwon i kulya kasu, ama nan koŋdya nye kogwon kulya ti karin kwe nake na rurwan nagon ta aje kör kune i kiden na jurön logon ta a tu kata kulu.

Ejikele 36:32

Nan MATAT ŊUN lo kulya adi, Ta kötumit na Yisaraele, dene ta den ’bura adi nan ti koŋdya kine kulya i kulya kasu. Gwe ta ko yu na kusik se ko delya kogwon kulya ti kikolin ti gwiliŋisi kasu.

Lewi 18:24

Ta ködyö ti toluddya ’börik ko nene na kine kulya, kogwon gweyajin ti ŋutu logon nan mo gubara kaŋo kasu i komor kulo aje toluddya ’börik ko kine ŋo liŋ;

Lewi 18:25

a jur iŋge toluta, nyena ko Ŋina kwe a nan riŋge ŋonyan nanyit, a jur jauŋdye ŋutu kanyit kaŋo.

Mika 7:20

A do mo kwekiŋdye kotumit na Yakobo to ’diri, iŋkoi, do kwekiŋdya nyaŋu inot nagon ti ’duddyo kwoŋ na i kotumit na Abarayama, gwoso na milyekiŋdye do merenye-jin kaŋ i perok ti koju kulu.

Konesi 3:25

Taa ŋutu lo paruŋdya kulya na jam nebijin kune, ta paruŋdya tomoret nagon Ŋun a milyekin merenyejin kasu na, na takiŋdye nye Abarayama adi kötumiton liŋ ti kak mo ’bo ’boria kogwon nyakwariat kanyit.

Roma 11:28

Nyena kogwon se a renya Loŋe Lo ’but a Yudayaki gwe a merok ti Ŋun i kulya kasu ta ŋutu ti jurön, ama kogwon Ŋun a wulun lepeŋat, a se gwe a ŋutu kanyit lo nyanyara kogwon kulya ti merenyejin kase ti ’beron kulu.

Roma 15:8

Kogwon nan takiŋdya ta adi Kristo a wora a köliŋönit lo Yudayaki anyen kweja adi Ŋun a lo to ’diri, kogwon nye a tutuŋökiŋdyö ŋo nagon Ŋun köju a milyekin tiŋdu merenyejin kunu,

Nyökit 1:8

Meddi ta, nan aje tiŋdu ta lo jur kasu i komor; lupöni ta lukata ko morgi ta lu jur logon nan MATAT aje milyekin tiŋdu merenyejin kasu, logon a ko Abarayama, ko Yisaka, ko Yakobo, ko nyakwariat kase i mukök kilo.

Nyökit 12:31

A ta ködyö tine konakiŋdya MATAT Ŋun losu sona; kogwon se a konakiŋdya Ŋunyen kase ŋo narok parik liŋ nagoŋ MATAT maman; kogwon se a ’yurakiŋdya Ŋunyen kase lulyan ko nawate.

Nyökit 18:12

Kogwon ŋutu liŋ logon koŋdya kine kulya kulo MATAT maman; nyena kogwon kine ŋo na mamana a MATAT Ŋun losu gwe i riköddu na se kaŋo kasu i komor.

Nyökit 18:9

A ko ta mo a ’dur i lu jur logon MATAT Ŋun losu titin ta lu, a ta ködyö tine jujumbu i mirakiŋdya na ŋo na mamana ti kulu jurön.

Nyökit 20:18

adi an se ko todi-nikin ta i koŋdya gwoso i ŋo kase liŋ na mamana nagoŋ se aje konakin Ŋunyen kase kune, a ta toroŋdi MATAT Ŋun losu.

Tito 3:5

a lepeŋ iŋge lwok yi. Lepeŋ lwöggu yi ’bayin kogwon kitajin na ’but nagon yi a kon kune, ama kogwon lepeŋ a kayatanit. Lepeŋ Iwoggu yi kogwon lalai nikaŋ, ko yuŋwe nikao a ludukö i riŋit na Mulökötyo Loke logon a toluduggo yi lo.