Nyökit 9:18 - Bibilia Buk na Ŋun nagon koti luŋu a

¹⁸ A nan ’dorone kak ko MATAT i komor perok merya Iŋwan mora ko tuparan ko tukwaje gwoso na kokwe nu; nan a ko nyesu kinyo kode möju pioŋ; kogwon nutoron nasu liŋ na toroŋdi ta, i koŋdya na ŋo nagoŋ a naron ko MATAT i komor, i towoŋa na lepeŋ.

Nyökit 9:18 ပူးပေါင်းရင်းမြစ်များ

2 Samuele 12:16

Nyenagon a Dawidi ga ’yi ŋun parik kogwon ŋilo lupudi; a nye miŋdye miŋdya a lupöni kadi, a pirikine kak i ŋutu i tukwaje liŋ.

1 Moran 19:8

A nye ŋine ŋien, a nyesi nyesu, a möji möju, a nye jölöjine perok merya iŋwan ko riŋit na ŋilo kinyo tojo ko mere lo Ŋun logon a Orebe.

Ejira 10:6

A Ejira wuddye wuddya i komor na kadi na Ŋun a iti ko Yokanan kadi ŋuro lo Eliasiba, a lepeŋ iŋge doto nyu a ko nyesu nene ŋo ma ’di ambata kode möju na pioŋ; kogwon lepeŋ gwon ko durwe a kwe na kulya ti ŋutu lo yitwe i to ’dupien logon a kalaak.

Saumajin 106:23

Nyenagon a Ŋun kulyani adi nye mo tatatu lepeŋat, ko ködyö Mose logon nye a wulun lo a ko rikija kiko, i nyököddu na woran nanyit bot an nye ko tatuja se.

Yuörö 34:28

A Mose gwe nyu ko MATAT perok merya Iŋwan tuparan ko tukwaje; a nye gwe a ko nyesu kinyo kode möju pioŋ. A nye wuŋe kulyaesi ti tomoret logon a saresi puök kulo i ŋurupö na ’dayatak.

Yuörö 34:9

A nye kulyani adi, ŋon MATAT, ko ködyö soŋinana nan a ryö ’busan konut i komor, böŋö ti do MATAT moraddi koyi, ma ’di nagon se a Ŋutu logon ko murutö a nawo ’duŋak. Ti do böŋö pitökiŋdye yi i lyaŋesi kaŋ ko i toron nikaŋ, ko wuji yi a Ŋutu kulök lomore.

Nyökit 10:10

A nan mönuŋdye i mere ki perok merya Iŋwan gwoso na kokwe nu, a MATAT yiŋge nan i nu diŋit köti; a MATAT tine ’dekan tukaŋu ta.

Nyökit 9:17

Nyena a nan aje ’dumuŋdya kine ŋurupö murek a nan gubakiŋdye se kak köyö i könisi, a nan gwagwalaggi se kasu i komor.

Nyökit 9:25

A nan ’dorone kak ko MATAT i komor i kilu perok merya Iŋwan lo ’doro ’i nan kulo; kogwon MATAT aje kulya adi nye mo tutukar ta.

Nyökit 9:9

I diŋit na tiri nan i mere ki i wuju na ŋurupö na ’dayatak nagoŋ a ŋurupö ti tomoret na teten MATAT ko ta nu, a nan mönuŋdye i mere perok merya Iŋwan mora ko tuparan ko tukwaje; a nan gwe a ko nyesu kinyo kode möju pioŋ.