Nyökit 9:10 - Bibilia Buk na Ŋun nagon koti luŋu a

¹⁰ A MATAT aje tiŋdu nan ŋurupö murek na ’dayatak nagoŋ nye Ŋun lo wuŋö ko morinet lonyit; a kulyaesi liŋ lo jam MATAT ko ta i mere kulu i lukata na kimaŋ, i lor lo momoret lu gwe i kine ŋurupö.

Nyökit 9:10 ပူးပေါင်းရင်းမြစ်များ

Yuörö 31:18

A na tutuŋge MATAT i jambu ko Mose i mere Sinai ki nu, a nye tiŋdi lepeŋ go ’boro murek nagon a tökoresi nagon a ŋurupö na ’dayatak, kine ŋurupö ŋun a wur ko morinet lonyit.

Matayo 12:28

Ama ko nan kita ko Mulökötyo lo Ŋun anyen rikoddu muloko lorok kaŋo, nyena dene ta den adi Tumatyan na Ŋun ’diri aje yepuŋdya kasu.

Luka 11:20

Ama ko nan kita ko morinet lo Ŋun anyen rikoddu muloko lorok kaŋo, nyena dene ta den adi, Tumatyan na Ŋun ’diri aje yeŋundya kasu.

2 Korinto 3:3

Kogwon meta köke adi ta a leta nagon po ko Kristo, a iŋge tiki yi anyen yeyek. Ŋina leta a ko wuro ko inka, ama wuro ko Mulökötyo lo Ŋun lo gwon jorun lo, a ko wuroki i ŋurupo na ’dayatak ama wuroki ko ŋutu i toilyet.

Nyökit 10:4

A MATAT wurökiŋdye Saresi Puök logon nye a jambi ko ta i mere, i kiden na kimaŋ lukata i lu lor lo momoret kulu, i ŋurupö gwoso wuresi ti kokwe kulu: a MATAT tiŋdi nan se.

Nyökit 18:16

gwoso i ŋo liŋ na mulun ta ko MATAT Ŋun losu Orebe yu i lor lo momoret lu, na kulyari ta adi, Ti yi gwe ti yiŋga gworo lo MATAT Ŋun likaŋ köti, ko ti yi gwe ti met ŋina kimaŋ duma koti kwoŋ, an yi ko twatwa.

Ebere 8:10

Ama na a tomoret nagon nan mo tetenakin i kötumit na Yisaraele i mukök na kilu perok, nan Matat lo kulya; nan mo titin saresi kwe kase i yeyeesi, a wurökiŋdye se kase i töilyet, a nan mo gwe a ŋun lose, a se mo gwe a ŋutu kwe.