Nyökit 9:1 - Bibilia Buk na Ŋun nagon koti luŋu a

¹ Yiŋge ta pon kötumit na Yisa-raele, ta de laŋaddu i nu pele na Yardene i lo lor, i lubbö lukata i morga na jurön logon toto Ŋun ta i tojore ko i riŋit nase kulo, ko i morga na köjinö temejik na gwon ko mariŋan nagoŋ yeŋga i ’diko,

Nyökit 9:1 ပူးပေါင်းရင်းမြစ်များ

Suluet 11:4

A se tokulyaki adi, Po ta, ti yi ’dukökiŋdye ta ’börik köji, Köti ko bilili logon kwe nanyit yeŋga i ’diko, Ti yi tiŋdi ta karin kaŋ i kuörö kaŋo, an yi rekin i kak ’bukuluŋ.

Yuörö 32:1

A nagon Ŋutu kulo ko mete adi Mose a karakin i ŋo nanyit kak i mere nu, a se momoruŋdye ’borik ko Arona ni, a kulyani ko lepeŋ adi, Ŋine ki, tetenaki yi punyen logon nyömbu yi; kogwon ŋilo Mose lo joŋdya yi kaŋo i jur lo Ejipeto lo, yi ti den ko nyo a ŋokin ko leperi.

Daniele 4:11

ŋilo ködini a ’duŋö, a iŋge wora a iŋgo, ko kwe nanyit ’bo ’yu ’diko, a metani meta i ’dutesi ti kak ’bukuluŋ.

Amosa 2:9

Kolumbo a nan tukaŋi ŋutu ti Amori ko lepeŋat i komor, kilo ŋutu a lojo gwoso kaden tika ko a iŋgo gwoso kaden logon a rinö. A nan tukaŋi se liŋ ju ludweki ko kokori.

Kenet 13:22

A se iti tojo i jur lo loki, a se poŋdi tojo Keberon; a Akiman ko Sesai se ko Talemai logon a nyakwariat ti Anak kulo gwe nyu. (Ama a Keberon iŋge ’dukö kiŋajin buryo a kokwe na ’duköri Sona Ejipeto yu nu.)

Kenet 33:51

Taki ŋutu ti Yisaraele adi, Ko ta mo laŋaddu i nu pele na Yardene tojo i jur lo Kanana,

Nyökit 1:28

Yi de tu da? Luŋasirik kaŋ aje tomunyaŋdu töilyet kaŋ adi, Kulu ŋutu a temejik ko a lojo totoŋun yi; a kunu köjinö a temejik ko gwon ko mariŋan nagoŋ yeŋga i ’diko; ko lwolwöŋ ŋo liŋ yi köti a meddya ŋutu ti Anak nyu.

Nyökit 11:23

a MATAT mo riköddi kilu jurön liŋ kaŋo kasu i komor, a ta mo morgi jurön logon toto Ŋun ta i tojore ko i riŋit nase.

Nyökit 11:31

Kogwon ta laŋaddu i nu pele na Yardene i lupö lukata i morga na lu jur logon MATAT Ŋun losu tikin ta lu; a ta ködyö morgi lepeŋ a si ’dani nyu,

Nyökit 27:2

A i lor logon ta mo laŋaddu i nu pele na Yardene tojo i jur logon MATAT Ŋun losu mo titin ta lu, a ta ködyö togwi ’dikiŋdye ŋurupö temejik ki, a we ’yi se ko buya lokwe;

Nyökit 3:18

A nan saŋi ta i nu diŋit adi, MATAT ŋun losu aje tiŋdu ta lu jur i si ’da kata; a ŋutu purwat kasu liŋ logon ködyö a jupu ko tito möriesi kulo ködyö laŋaddi i ŋerot na luŋösu-rök logon a ŋutu ti Yisaraele.

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 4:38

i riköddu kaŋo kasu i komor jurön logon a temejik ko a iŋgo lwölwöŋ ta kulu, i tolupuŋdyö na ta lukata, ko i tiŋdu na ta jur lose a lomore gwoso i lo lor na.

Nyökit 6:10

MATAT ŋun losu mo joŋdya ta i jur logon nye a milyekin merenyejin kasu, logon a ko Abarayama, ko Yisaka, ko Yakobo, adi nye mo tiŋdu ta lepeŋ. Ŋilo jur gwon ko köjinö temejik na ’but nagoŋ ta a ko ’duggö kune,

Nyökit 7:1

A na joŋdi MATAT Ŋun losu ta i lu jur logon ta lubbi i morga lu, a ’dotoddi gweyajin ti ŋutu jore kaŋo kasu i komor, logon a ŋutu ti Kiti, ko ti Girigisi, ko ti Amori, ko ti Kanana, ko ti Peŋi, ko ti Kiwi, ko ti Yebusi, kilo a jurön buryo temejik logon toto-Ŋun ta i tojore ko i riŋit nase;

Yosua 1:11

Wöröjine ta i kiden na mera, ko saŋi ta kilo ŋutu adi, Tetenakiŋdye ta ’borik kinyo; kogwon i kiden na perok musala ta de laŋaddu i nu pele na nilo Yardene, i morga na jur logon MATAT Ŋun losu titin ta i morga lu.

Yosua 1:15

tojo ko MATAT aje tiŋdu luŋosurök i yukan gwoso nasu na, a se köti morgi lu jur logon MATAT Ŋun losu titin lepeŋat lu; nyena a ta mo yitöni i jur lomore losu, a mo ’debbi lepeŋ, kweja adi ŋilu jur logon Mose kölipönit lo MATAT a tikin ta i nu pele na Yardene i swöt lo nyeruŋdye kolor lu.

Yosua 14:12

Nyenagon soŋinana tiŋdi nan lo jur logon a merya, logon MATAT aje jambu kulya kanyit i ŋilu lor lu; kogwon do aje yiŋ i ŋilu lor adi ŋutu ti Anak lo gwon nyu kulu, se ko köjinö nago na titiyu nagon ko mariŋan. Kode ŋona MATAT mo gwon ko nan, a nan mo riköddi se kaŋo gwoso na kulyari MATAT nu.

Yosua 3:14

A ko gwe sona na yuöddi ŋutu kalor kase i kemialan anyen laŋaddu i nu pele na Yardene nu, a koanejin lo ’doggu saŋduk na tomoret kulo iti ŋerot ko ŋutu i komor;

Yosua 3:16

a piŋo na poŋdya i swöt lo ki kune gwo ’de gwo ’dan a poŋdi a ’dome pajo Adama yu, nu köji na diŋö ko Saretan, a se nagon ’dukun kak tojo i tör na Araba nagon a tör nagon piŋo kanyit a ’balaŋ parik kune a ’duŋöji kalor liŋ; a kulu ŋutu laŋaddi i swöt lo metaddu Yeriko.

Yosua 3:6

A Yosua kulyani ko kulu koanejin adi, ’Biluddi ta saŋduk na tomoret ki, ko laŋaddi ta ko kulu ŋutu ŋerot. A se ’biluddi saŋduk na tomoret ki, a iti tu ko kulu ŋutu ŋerot.

Yosua 4:19

A i perok puök ti yapa to geleŋ, a ŋutu liŋ poŋdi kalor Yardene kata, a se mönuŋdye Giligala i lokökorit lo Yeriko i swöt lo ’yure.

Yosua 4:5

a Yosua kulyani ko se adi, Laŋaddi ta i ŋerot na saŋduk na MATAT ŋun losu tojo i kiden na Yardene, ko ’dumuŋdye ta ŋurupö ŋutu liŋ geleŋ geleŋŋadi kanyit i gele, gwoso i kenet na kötumitön ti ŋutu ti Yisaraele,