Nyökit 8:10 - Bibilia Buk na Ŋun nagon koti luŋu a

¹⁰ A ta mo nyesi a yimönöni yimönö, a ta mo bu ’ye MATAT Ŋun losu kogwon lo jur lo ’but logon nye aje tikin ta lo.

Nyökit 8:10 ပူးပေါင်းရင်းမြစ်များ

1 Dekat 29:14

Ama nan a ŋa, ko ŋutu kwe a ko ŋa anyen yi ködyö ’dogga ko tupalikan na töilyet kaŋ sona? Kogwon ŋo liŋ popo konut, ko kine a kunök nagon yi aje tin do kine.

Saumajin 103:2

Do töili lio, pupurje MATAT, an do ko böŋö konesi kanyit na ’but liŋ.

Tolupesi 3:9

Bu ’ye MATAT ko ŋo kunok se ko ludweki waŋesi ti kinyojin kulök liŋ;

Yisaya 5:1

Ti nan yuluki nyaratti liŋ köli nyaret lo melesen nanyit na binyo Nyaratti liŋ gwon ko melesen na binyo i goŋet lo mere logon a lo kinyo.

Yoele 2:26

Ta mo nyenyesu a duma a yimönöni yimönö, a pupurje karin kwe ti MATAT ŋun losu, logon a konakiŋdya ta ŋo sorösi. A ŋutu kwe mo köti tine toyuö kusik kwöŋ.

Matayo 14:19

A kirut nye sarakiŋdye lodir lo ŋutu anyen si ’daki kak i doru loki. A nye ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye ambatajin kune, a tiŋdi ŋutu kanyit kajujumuk, a kajujumuk tiŋdi ŋutu kulo.

Yoane 6:23

Nyenagon a ki ’bojin lo po Tiberia kulo ’dure i pirit nagon MATAT aje tiŋdu Ŋun tinate a ŋutu iŋge nyesu ambatajin kata nu.

Roma 14:6

Nye lo ’debba lor lo, lepeŋ ’debba ŋilo lor anyen bu ’ya Matat; a nye logon nyesu ŋo liŋ lo köti nyesu anyen bu ’ya Matat, kogwon nye titiŋdu Ŋun tinate. Nye logon ti nyesu ŋo liŋ lo köti ti nyesu anyen bu ’ya Matat, kogwon nye titiŋdu Ŋun tinate.

1 Korinto 10:31

Waset lio gwon sona adi, Kode ta nyenyesu, kode mömoju, kode koŋdya nyo, koŋdi ta po liŋ i bu ’ya na Ŋun.

Nyökit 31:20

Kogwon molu ko nan aje joŋdya se i jur logon ko le ko siwatat ’do ’dokon kata lu, logon nan a milyekin merenyejin kase lu, a ko se aje nyesu, a yimönöni yimönö, a pire pirön, a se mo löpu-köddi i kulye Ŋunyen a kitakiŋdye se, a mo lauŋdye nan, a mo ’beleŋgi tomoret nio.

Nyökit 8:9

Ŋilo a jur logon ta mo nyesi kinyo ’bak tolo-merian, logon ta mo ti wanya nene ŋo, iŋkoi nye a jur logon ŋurupö kanyit a witiöt, logon ta bubulö ’bokuŋdya mölwö kanyit i merya.

1 Tesalonike 5:18

Tiŋdi ta tinate i ŋo liŋ, kogwon ŋun ’de ’dekan ta koŋdya sona ko Kristo Yesu i mugun.