Nyökit 7:3 - Bibilia Buk na Ŋun nagon koti luŋu a

³ An ta ko tiŋdu ta ŋwajik kasu i yema ko ŋwajik kase, kode toyemakiŋdya ŋwajik kasu kö ’disi kase.

Nyökit 7:3 ပူးပေါင်းရင်းမြစ်များ

Suluet 24:3

a nan de tomilyeji do i karin ti MATAT Ŋun lo ki ko kak, adi do ti jakin ŋuro lio narakwan nagon a nene na Ŋutu ti Kanana, logon nan gwolor kase kiden kulo,

1 Moran 11:2

i kilu jurön logon MATAT a takin ŋutu ti Yisaraele adi, Ta ködyö ti yemba ŋwajik kase köti se ti yemba ŋwajik kasu, kogwon ’diri se mo totogirara töilyet kasu anyen keŋoddu ŋunyen kase; a Solomona ’depakiŋdye i nyaŋu na se parik.

1 Moran 16:31

A ŋina gwe gwoso ŋo nagon pölilyö kanyit i wörö i toronjin ti Yerobama ŋuro lo Nebat, kölum a nye moröddi ŋerot a joŋdi ŋebele, ŋuro na Ete-bala mor lo ŋutu ti Sidona a narakwan nanyit, a nye iti tu a kitakiŋdye Bala, a kwakwaddi lepeŋ.

Ejira 10:3

Nyenagon ti yi koŋdi ta tomoret ko Ŋun likaŋ anyen yi paju kine wate liŋ ko ŋwajik kase, gwoso i jujuwet inot pon duma lio, ko gwoso i jujuwesi ti ŋutu logon kukuk saret lo Ŋun likaŋ kilo; ko ti konani gwoso i saresi.

Ejira 9:12

Nyenagon an ta ko tiŋdu ta ŋwajik kasu i yema ko ŋwajik kase, kode toyemakiŋdya ŋwajik kasu kö ’disi kase, a ta ködyo tine ga ’yu taliŋ nase kode ’busan nase ŋupi, anyen ta böŋö gwon a iŋgo i nyesu na kinyo lo ’but lo lu Jur, anyen ta kölökiŋdyö ŋilu Jur a lomore lo ŋwajik kasu ŋupi ŋupi.

Nemaya 10:30

yi mo ti tiŋdu ŋwajik kaŋ i yema ko ŋutu ti kulye jurön kode joŋga ŋwajik kase i yema ko ŋwajik kaŋ.

Ka’duŋök 14:3

A monye ko ŋote pipije lepeŋ adi, Nene ŋuto ’bayin i kiden na ŋwajik ti karu kulök kode luŋa i kiden na ŋutu kaŋ liŋ le, anyen do tiri i ga ’yu na narakwan i kiden na ŋutu ti Pelesete logon a ko tawero kulu na? Ama a Simasona waddi monye adi, Böŋö jaki nan lepeŋ, kogwon lepeŋ tutulyöŋ nan parik.