Nyökit 7:25 - Bibilia Buk na Ŋun nagon koti luŋu a

²⁵ A ta ködyö ’yuŋe Ŋunyen kase lo gigiru; an ta ko be ’ya pödo kode dakap nagoŋ gwon kase i mugunya, kode i joŋga na se a kasu, an ta ko loka ko se; kogwon kine a ŋo nagoŋ MATAT Ŋun losu maman kune.

Nyökit 7:25 ပူးပေါင်းရင်းမြစ်များ

2 Moran 23:14

A nye gwagwalaggi ŋurupö lo togwi ’diki ki gwoso kumutan kulo, a toggi kaden ti mian kak logon a Asera, a töjoreji ŋinu pirit ’bukuluŋ ko kuyu ti ŋutu.

1 Dekat 14:12

A ŋutu ti Pelesete kölökiŋdye nyömuejin ti punyen kase nyu, a Dawidi tiŋdi saret anyen kinu nyömuejin ’yu ’yura.

Yuörö 20:17

Do ködyö ti be ’ya kadi na marate ilot; do ködyö ti be ’ya narakwan na marate ilot, kode köliŋönit lonyit, kode köliŋönit nanyit, kode dwöt lonyit, kode kaine nanyit, kode nene ŋo na gwon ko marate ilot.

Yuörö 32:20

A nye joŋgi ŋina tagwok na teten se na, a ’yuŋe nye ko kimaŋ, a nyö ’buŋe a naliliŋök, a nye kwikwikiŋdye se i pioŋ loki, a ripakiŋdye Ŋutu ti Yisaraele i möju na se.

Yuörö 8:26

A Mose kulyani adi, Ti gwon a na ’but i koŋdya sona, kogwon yi de ’duŋökiŋdyö MATAT Ŋun likaŋ ru baŋgajin logon Ŋutu ti Ejipeto maman kulo. Nyena ko Ŋutu ti Ejipeto a met yi i ’duŋgö na rubaŋgajin logon se maman kulo a se de ti gugubuja yi ko ŋurupö le?

Yisaya 30:22

A kirut a ta mo toluddye nyömuejin kasu lo gigiru lo mulua ko pödö se ko nyön mejin kasu lo ninitö lo mulua ko dakap. A ta mo totoreji se gwoso ŋo nagon a lut; a ta mo kulyani ko lepeŋat adi, Iŋgo ta!

Yisaya 41:24

Meddi ta, ta gwon a go kana, kita nasu gwon a go kana; ŋuto logon a wuluŋdyö ta lo a manatti.

Lewi 13:52

A nye ködyö ’yuŋe nu boŋgo, kode lu twanti gwon i patala kanyit mönikön, kode i patala kanyit gweyesi ti kupir, kode ti waratat, kode a nene ŋo na gweye i ’böriköt, kogwon nye a buggi lo nyönyööddu; a ŋinu boŋgo ködyö ’yurani ’yura ko kimaŋ.

Lewi 19:4

Ko wöriööddu ta i nyömuejin kode i tetenakiŋdya na ’börik ŋunyen lo ninitö: nan a MATAT Ŋun losu.

Jepania 1:3

Nan mo susukoro ŋutu ko kijakwa lio kaŋo; a nan mo reyaddi kwen ti ki se ko somot ti tor na ’balaŋ A nan mo to ’doroji ŋutu lorok; a nan mo tukaŋi ŋutu liŋ kaŋo lo gwon i kak ni kulo. Kilo a kulyaesi kwe ti MATAT.

Nyökit 12:3

A ta ködyö dukakiŋdye piritön ’yuresi ti rubaŋgajin liŋ kak, a gwagwalaggi ŋurupö kase ka ’de ka ’de logon a togwi ’diki ki i kwakwasa kulo, a ’yuŋe kaden kase ti mian logon a Asera; a ta ködyö ’be ’beleŋgi kak nyömuejin lo gigiru ti Ŋunyen kase, a tolikiöddi karin kase kaŋo i nu pirit.

Nyökit 13:16

A ta ködyö kwokwötuŋdye mokat ti nu köji liŋ i kiden na terere nanyit, a ta ’yuŋe nu köji ko mokat kanyit liŋ, gwoso rubaŋga lo ’yuraki MATAT Ŋun losu ’buluŋ; a nu köji mo yeŋoro a ruba ŋupi, a mo tine ’dukö köti.

Nyökit 17:1

Ta ködyö ti ’duŋökiŋdyö MATAT Ŋun losu dwot kode kobilityo logon gwon ko yuyuket, kode nene ŋo naron asut; kogwon na a ŋo nagoŋ MATAT Ŋun losu maman na.

Nyökit 23:18

An ta ko joŋdya i kadi na MATAT Ŋun losu ’doket na milye nagoŋ a ŋutut ropesi ti kalupejin, kode ti ŋutu lyan logon a toluŋ ko ’börik; kogwon kine murek liŋ MATAT Ŋun losu maman.

Nyökit 27:15

ŋuto a lömö logon a teteŋdya nyömue na gigiru, kode na ninitö nagoŋ MATAT maman, nagoŋ a kita na bodo na, ko a togwi ’dikin ŋina nyömue ki a lwön. A ti ŋutu liŋ ruŋge adi, Amin.

Nyökit 7:16

A ta ködyö tukaŋi gweyajin liŋ ti ŋutu logon MATAT Ŋun losu mo pakin ta kulo; a ta tine won konyen ko se; a ta koti tine kitakiŋdya Ŋunyen kase. Ko ta a won konyen ko se a ta mo lokajine lokaji.

Nyökit 7:5

Ama ta ködyö konakin se sona; kweja adi ta ködyö dukakin kak piritön ’yuresi ti rubaŋgajin kase, a ta gwagwalaggi ka ’de ka ’de ŋurupö kase logon a togwi ’diki ki i kwakwasa kulo, a ta tukukiŋdye kak kaden ti mian kase logon a Asera, a ’yuŋe ko kimaŋ nyömuejin kase lo gigiru.

Yosua 7:1

Ama a ŋutu ti Yisaraele laŋgi saret i kulya ti ŋo nagon a gelwe a na rurwan kunu; kogwon Akana ŋuro lo Karmi, ŋuro lo Tabedi, ŋuro lo Jerak, lo kötumit na Yuda, a ’dumuŋdya kunie ti ŋo na rurwan; a woran na MATAT tuleki i ŋutu ti Yisaraele.

Yosua 7:21

na meddi nan boŋgo muit nakwekwelen na Jwe Sinar i kiden na tito na ryakwe kune nu, ko sekelejin miajin murek ti podo, ko tupet na dakap nagon temuŋdya a sekelejin merya mukanat kine, a nan be ’yi be ’ya se, a ’dumaddi se; nyena mete, se kunu a ’bokaki kak i lukata na kemia nio, se ko nu podo kase lukak.

Kweyatti 17:5

A karin nagon mumukö iŋge wuröki kanyit i komor adi, Babela duma, ŋote kawutejin ko na ŋo na mamana ti kak.