Nyökit 7:23 - Bibilia Buk na Ŋun nagon koti luŋu a

²³ Ama a MATAT Ŋun losu mo pakiŋdye ta se, a mo köbuŋe se ko koburet duma tojo ko se a tukara.

Nyökit 7:23 ပူးပေါင်းရင်းမြစ်များ

Yuörö 23:27

A nan mo soŋdi tokujönöet nio kasu ŋerot, a nan mo köbuŋe Ŋutu liŋ logon ta mo ’durökin kase yu kulu, a nan mo tiŋdi merok kasu liŋ i wöriŋökiŋdyö na ta ki ’dirinö kase.

Yisaya 13:6

Gwine ta, kogwon lor lo MATAT gwe nyona; a nye poŋdi gwoso tukaret logon Kabulönit lo go liŋ lo soŋdu!

Yeremia 17:18

Ti kasasanyak kwe tikine yu na kwe, ama ti nan gwe ti tiki yu na kwe;ti lepeŋat torigwököni torigwökö, ama ti nan gwe ti torigwökö; jaki lepeŋat lor loron kulya narok kata; tukare lepeŋat a tömönik daŋin murek.

Yoele 1:15

Woidio ŋilu lor! Kogwon lor lo MATAT gwe nyona ko po, nye a lor tukaret logon Kabulönit lo ŋo lio lo sunyuŋdyo.

Nyökit 2:15

Kogwon könin lo MATAT gwon i möro ko se, i tukaŋu na se i mera tojo ko se a tutuŋö.

Nyökit 31:5

A MATAT mo pakiŋdye se kasu i könisi, a ta mo konakiŋdye se gwoso i kilo saresi liŋ logon nan a saŋi ta kilo.

Nyökit 8:20

Iŋkoi ta mo totoliki gwoso jurön logon MATAT a tolikin kasu i komor kulu, kogwon ta ti ’bon yiŋga gworo lo MATAT Ŋun losu.

Nyökit 9:3

I lo lor dene ta den adi, ŋilo a MATAT Ŋun losu lo laŋaddu kasu ŋerot, nye a kimaŋ na tototumbö, nye lepeŋ mo tukaŋu se, a nye lepeŋ mo gubakiŋdye se kak kasu i komor. Nyena a ta ködyö riköddi se kaŋo, a tolikiŋdye se ’de ’de gwoso nagoŋ MATAT aje jamakiŋdye ta na.

2 Tesalonike 1:9

Riŋet nase mo gwon a korit na yeŋ nyin, a se mo riköjine kaŋo ko Matat i komor ko i kwelen na riŋit nanyit.

Yosua 10:10

A MATAT köbuŋe se ko ŋutu ti Yisaraele i komor, a nye tatuje se Gibeon yu gwak, a kepoddi bot nase i kiko lo kiyaddu Bete-koron, a rembi se tojo ko Ajeka, ko Makeda.

Ka’duŋök 4:15

A MATAT kobuŋe Sisera se ko arabiajin kanyit liŋ ko kamörök kanyit liŋ ko Barak i komor, i tatuja na se ko baŋdujin; a Sisera labu kak kanyit i arabia a wöki wökön komok.