Nyökit 7:21 - Bibilia Buk na Ŋun nagon koti luŋu a

²¹ A ta ködyö tine böŋdu kogwon se; kogwon MATAT Ŋun losu lo gwon kasu kiden a Ŋun duma lo kukujönö-rikin.

Nyökit 7:21 ပူးပေါင်းရင်းမြစ်များ

2 Dekat 32:8

Lepeŋ gwon ko riŋit na mugun, ama yi gwon ko MATAT Ŋun likaŋ i parakiŋdya na yi i moro na gor likaŋ. A ŋutu iŋge yimönö kulyaesi ti Kijikia mor lo Yuda.

Nemaya 1:5

A nan momo ’yi adi, Pon MATAT ŋun lo ki, do ŋun duma lo kukujonorikin, logon ’debba tomoret inot ko nyaŋu inot nagon ti ’duddyo kwöŋ i ŋutu logon nyanyar do ko tiju saresi kulok kilo;

Nemaya 4:14

A nan ko boŋgi, a nan ŋine ki a kulyani ko ŋuto lokukwon, ko temejik, se ko kulye ŋuto liŋ adi, An ta ko kujono ta lepeŋat. Yeyeji ta MATAT logon a duma ko a lo kukujonorikin, ko moroni ta ko kulya ti luŋösurök, ko ŋwajik kasu lulyan ko nawate, se ko wate kasu ko midijik kasu.

Nemaya 9:32

Nyenagon pon Ŋun likaŋ, do a Ŋun duma ko riŋit ko a lo kukujönörikin, do ’de ’debba tomoret inot se ko nyaŋu nagon ti ’duddyö kwöŋ na. Böŋö ti na ŋoŋga nikaŋ liŋ gwe ti meta a ŋo na ’dit konut i komor. ŋiŋa ŋoŋga a pokin kayaŋ loki, ko i moran kaŋ, ko i temejik kaŋ. ko i koanejin kaŋ, ko i nebijin kaŋ, ko i merenyejin kaŋ, se ko i ŋuto kulök liŋ suluja i diŋit na moran ti Asura tojo ko lo lor.

Saumajin 27:1

MATAT gwon a parara nio ko a kalwökönit lio; nan ŋona kukujönö lon ŋuto? MATAT a mera nago na ru nio; ŋa ŋona logon bubulö tokujöndu nan?

Saumajin 46:11

MATAT lo kurumi gwon koyi; Ŋun lo Yakobo gwon a ŋirit ’danaet nikaŋ nago!

Saumajin 46:5

Ŋun gwon i nu köji, nu köji ti bulö koro; Ŋun de ŋaparakin lepeŋ i baŋun na kak.

Saumajin 46:6

ŋutu ti juron wowoŋon ko kujono, tumatyanjin a tela; Ŋun rurumön, a kak lilikara lilikara adi kuyum.

Saumajin 46:7

MATAT lo kurumi gwon koyi; Ŋun lo Yakobo gwon a ŋirit ’danaet nikaŋ nago!

Saumajin 47:2

MATAT Katoŋanit lo ki liŋ kukujönörikin, nye a mor duma lo kak ’bukuluŋ.

Saumajin 68:35

Ŋun lo gwon i ŋirit nanyit nake na rurwan lo kukujönörikin nye a Ŋun lo Yisaraele, nye tindu ŋutu kanyit riŋit ko tuwalan. Ti Ŋun bulani bula!

Saumajin 89:8

Pon MATAT Ŋun lo kurumi, ŋa logon ko riŋit gwoso do ŋon MATAT? Kulya kunök ti to ’diri gwon konut i swötön liŋ.

Saumajin 95:3

Kogwon MATAT a Ŋun duma, ko a mor duma lwölwöŋ ŋunyen kulye liŋ.

Yuörö 29:45

A nan mo gwolope i kiden na Ŋutu ti Yisaraele, a mo gwe a ŋun lose.

Daniele 9:4

A nan kwakwaddi MATAT Ŋun lio, a nan tuŋge toronjin adi, Pon MATAT, Ŋun duma lo kukujönorikin, logon ’debba tomoret inot ko nyaŋu inot nagon ti ’duddyö kwöŋ i kilo logon nyanyar do ko ’de ’dep saresi kulök,

Kenet 13:9

i kötumit na Benyamina a Paleti ŋuro lo Rapu;

Kenet 14:14

a se mo takiŋdye ŋutu ti lo jur. Kilo ŋutu a yiŋ adi do MATAT gwon i kiden na kulo ŋutu; kogwon do MATAT a meta a lokomor, a luru ilot gwo ’de kase loki, a do iti kase ŋerot i bilili lo luru i tuparan se ko i bilili lo kimaŋ i tukwaje.

Kenet 14:42

Ko tu ta ŋerot kogwon MATAT ’bayin kasu kiden, an merok kasu gwugwut ta kak.

Kenet 14:9

Ama tuŋ an ta ko renya MATAT; köti ko kujönö ta ŋutu ti lu jur, kogwon se a kinyo likaŋ; a tölimöt nase iŋge ’dumaji kaŋo kase, a MATAT lo gwe koyi; ko kujönö ta se.

Kenet 16:3

a se pepenakiŋdye ’börik i pirit na geleŋ i rerenya ko Mose ko Arona, a kulyani ko se adi, Kulya kasu aje lwöŋgu parik! Momoret na ŋutu liŋ geleŋ geleŋ a loke liŋ, a MATAT gwe kase kiden; ko nyo ta a ’dukukin ’börik ki i ŋerot na pepenet na MATAT?

Kenet 21:34

Ama a MATAT kulyani ko Mose adi, Ko kujönö lepeŋ; kogwon nan aje tikin lepeŋ konut i könin, ko ŋutu kanyit liŋ, se ko jur lonyit; a do ködyö konakiŋdye lepeŋ gwoso na konakiŋdye do Sikon mor lo Amori nu, logon si ’da Kesebon.

Kenet 23:21

Delyaesi a ko metaki ŋutu ti Yakobo, iŋkoi daraesi a ko metaki ŋutu ti Yisaraele. MATAT Ŋun lose gwon ko lepeŋat, a pupuresi nagoŋ pupurarikin mor gwe kase kiden.

Kenet 9:20

A i kunie diŋitan a luru gwe ko perok ku ’dik i loki na kemia, a se yeŋe si ’da i mera lukata gwoso i saret lo MATAT; a se ŋiörö ŋiörö köti gwoso i saret lo MATAT.

1 Korinto 14:25

a lwönö na gwon kanyit i töili kune kweyani kweya, a nye ’dorone kak rupu i kwakwaddu na Ŋun, a kulyani adi, Ŋun ’diri gwon kasu kiden.

Nyökit 1:21

Mete ta, MATAT Ŋun losu aje pakiŋdya lu jur kasu i komor; iti ta ko morgi ta lepeŋ, gwoso nagoŋ MATAT ŋun lo merenyejin kasu a takiŋdye ta nu; ko kujonö ta, köti an ta ko delya.

Nyökit 10:17

Kogwon MATAT Ŋun losu a Ŋun totoŋun kulye Ŋunyen ko a MATAT totoŋun kimak. Nye a Ŋun duma, nye ko riŋit ko kukujönörikin. Nye ti gwon a kanyu-nyumönit lo ŋutu, nye ti wuju ŋo nagoŋ ropaki a lwön.

Nyökit 20:1

A na tiri ta kadi ŋito i mörö ko merok kasu nu, a na meddi ta kusanjin se ko arabiajin lo jijiko, ko ŋutu logon lwölwöŋ ta kulu a ta tine kujoŋo lepeŋat; kogwon MATAT Ŋun losu lo toyuuŋdyö ta kaŋo i jur lo Ejipeto lo gwon ko ta.

Nyökit 25:8

a kirut temejik ti köji nanyit ködyö luŋgi lu ŋuto a jambi ko lepeŋ: a ko nye a gwo ’dan ŋo i renya adi, Nan ti ’bon joŋga lepeŋ,

Nyökit 31:17

A kirut woran nio mo tuleki i se i lu lor, a nan mo kö ’yi se, a mo ’de ’yi komor nio ko se, a se mo tukarani tukara; a ŋo narok jore se ko yöyöŋesi mo ryeji se, a se mo pije i ŋilu lor adi, Kine ŋo narok a ryeju yi kogwon Ŋun likaŋ ’bayin kayaŋ kiden le?

Yosua 3:10

A Yosua waddi adi, I kine kulya ta de deden adi Ŋun lo gwon jörun lo gwon kasu kiden, a nye tine jaran i riköddu na ŋutu ti Kanana kalor kasu i komor, ko ŋutu ti Kiti, ko ti Kiwi, ko ti Periji, ko ti Giriŋasi, ko ti Amori, se ko ti Yebusi.

Yosua 8:1

A MATAT kulyani ko Yosua adi, Ko kujono ko an do ko delya; joŋgi ŋutu kamörök liŋ ko do i pirit na geleŋ, ko ŋine ki, iti Ai yu; mete, nan aje pakiŋdya mor lo Ai konut i könisi. ko natu kanyit, ko köji nase, se ko Jur lose;

1 Samuele 4:8

Woidiŋ! ŋuto a ŋa logon de lwökuŋdyo yi i könisi ti ŋunyen iŋgo kilo? Kilo a ŋunyen logon köju a gwuddyo ŋutu ti Ejipeto ko tömiesi ka ’de ka ’de i yöbu.