Nyökit 6:7 - Bibilia Buk na Ŋun nagon koti luŋu a

⁷ a do ködyö mimiŋa-kiŋdye se i ŋwajik kulök, a do jama-kiŋdye kulya kase na si ’dari do konut kadi na, ko na wöröri do i kiko, ko na piriki ’e do kak, ko na ŋe do ki.

Nyökit 6:7 ပူးပေါင်းရင်းမြစ်များ

Suluet 18:19

Kogwon nan a wulun lepeŋ, anyen nye ködyo saŋu ŋwajik kanyit ko Ŋutu ti mede nanyit lo gwon kanyit i mukök kilo, anyen se ködyo kebbu kiko liŋ lo MATAT i koŋdya na kulya na rigwo ko i ’duŋgö na kulya gwogwo; anyen nan MATAT böŋö jakiŋdya Abarayama ŋo nagon nan a milyekin lepeŋ kune.

Eyobo 8:10

Lepeŋat ŋona ti bulö todini-kiŋdyö do, a jamakiŋdye do kulyaesi lo po kase i töilyet le?

Saumajin 119:13

Nan a nyöggu jambu kulya nagon do a ’duŋ kune.

Saumajin 119:46

Nan mo jambu todinesi kunök ko moran i komor, a kwe nio mo tine yu;

Saumajin 129:8

A ŋutu lo lwöpöddu i kiko kilo mo tine kulya i kulya ti ŋilo döru adi, Tinate lo MATAT kogwon nye a tindu do kudit! Yi ’dindya karin ti MATAT anyen lepeŋ ’boroja do!

Saumajin 37:30

Ŋuto lo rigwo jambu kulya ko koŋon, ŋedeŋ lonyit ’duŋgö ŋutet rigwo.

Saumajin 71:17

Pon Ŋun, do a todindyö nan suluja i toteton nio, a nan tuköddi kulya ti konesi sörösi kunök tojo ko na diŋit.

Tolupesi 10:21

Kutuk na ŋuto lo rigwo tunyeju ŋutu jore, ama a ŋutu lu ’boŋ twatwane kogwon ’bakan na denesi.

Tolupesi 15:2

Ŋuto lokoŋ kitari koŋon nanyit ’bura i jambu, ama ŋutu lu ’böŋ rurutundya ’böŋön kaŋo.

Tolupesi 15:7

Ŋutu lokoŋ jamaddu koŋon, ama yeyeesi ti ŋutu lu ’böŋ ti gwon sona.

Tolupesi 6:22

A na wöröji ’e do nu, a se mo nyömöddi do, a na piriki ’e do kak i doto nu, a se mo tiji do, a na purwe ’i do i doto nu, a se mo tujambi do.

Yisaya 38:19

Ama ka ’de ŋutu lo gwogwolor, iŋkoi, se logon nyuŋ jörun lyölyöŋi ko do, gwoso na lyöŋgi nan köti i lo lor na. A komonye todinikiŋdye ŋwajik kase kulya ti to ’diri inot.

Malaki 3:16

A se logon kukuk MATAT kulo tujamaki ko ’borik; a MATAT togwi ’di-kiŋdye swo kanyit a yiŋge se, a karin ti ŋutu lo kukuk MATAT ko yeyeju karin kanyit kilo iŋge wuro i buk kanyit i komor anyen yeyeŋ.

Matayo 12:35

Ŋuto lo ’but topukuŋdyö kaŋo ŋo na ’but i kulya na ’but nagon a ’dela kanyit i töili kune, köti ŋuto loron topukuŋdyö kaŋö ŋö narok i kulya narok nagon a ’dela kanyit i töili kune.

Luka 6:45

ŋuto lo ’but topukuŋdyo kaŋo ŋo na ’but i kulya na ’but nagon a ’dela kanyit i toili kune; koti ŋuto loron topukuŋdyo kaŋo ŋo narok i kulya narok nagon a ’dela kanyit i toili kune. Kogwon kulya jore na gwon ko ŋuto i toili kune pupukun kaŋo kanyit i kutuk.

Epeso 4:29

Ti kulyaesi logon a lut gwe ti lupe kaŋo kasu i kutusen, ama tuŋ jambi ta kulyaesi lo ’but logon jojo parakiŋdya ŋutu gwoso nagon ködyö jujukin jama i diŋit nase na, anyen ŋutu lo yiŋga kilo kulyaesi kulo böŋö ryeju ŋo na ’but.

Epeso 6:4

Ta komorye, ko tomijö ta ŋwajik kasu ko kulya an se woran, ama wowoji ta se ko tojumisi se ko jujuwesi na po ko Matat likaŋ.

Nyökit 11:19

A ta ködyö mimiŋa-kiŋdye se i ŋwajik kasu, a ta jamakiŋdye kulya kase na si ’dari ta kasu i kadijik, ko na wöröri ta i kiko, ko na piriki ’e ta kak, ko na ŋe ta ki.

Nyökit 6:2

anyen ta böŋö kukuk MATAT ŋun losu, ta ko ŋwajik kasu se ko nyakwariat kasu, i ’debba na saresi kanyit liŋ lo wurö se ko jujuwesi kanyit logon nan a saŋi ta kulo, i perok liŋ ti gwiliŋit nasu; anyen ta si ’da ko kiŋajin jore.

Kolosai 4:6

Ti jamesi kasu ŋupi gwe a lo ’but paleleŋ gwoso kinyo logon a yuro ko ’balaŋ, anyen ta böŋö deden ko ta ködyö waddu ŋutu liŋ geleŋ geleŋ ada.

1 Petero 3:15

ama twöji ta Kristo a Matat kasu i töilyet. Gwe ta ajo ŋupi i nyönyökökiŋdyö na ŋutu liŋ logon pija ta i ŋo na yen ta kine. Ama tokuruki ta se ko tokoyokan se ko twöju.

Ruta 2:12

Ti MATAT ropakiŋdye do kita inot. Ti MATAT ŋun lo Yisaraele logon do a po i rupu ko lepe ŋ i mugun lo, ti ropaki do ’bura ’bak temet.

Ruta 2:4

Mete, a Boaja lo po Beteleme rome ko kaŋerak kulo adi, Ti MATAT gwe ko ta! A se ruŋge adi, Ti MATAT ’boroji do.

Ruta 4:11

A ŋutu liŋ logon gwon i kotumit ko temejik kulo ruŋge adi, Yi liŋ a katökorok ti kine kulya. Ti MATAT tiŋdi na ŋuto nagon de Joŋa konut mede na i gwon gwoso Raele ko gwoso Lea nagon a pipiluŋdya kotumit na Yisaraele, se liŋ murek. Ko ti do puputuru ŋerot i Eparata, ko ti karin kunok ti Boaja kune kono Beteleme.