Nyökit 6:6 - Bibilia Buk na Ŋun nagon koti luŋu a

⁶ A kilo kulyaesi logon nan a sarakin do i lo lor kulo ködyö gwe konut i töili;

Nyökit 6:6 ပူးပေါင်းရင်းမြစ်များ

Suluet 18:19

Kogwon nan a wulun lepeŋ, anyen nye ködyo saŋu ŋwajik kanyit ko Ŋutu ti mede nanyit lo gwon kanyit i mukök kilo, anyen se ködyo kebbu kiko liŋ lo MATAT i koŋdya na kulya na rigwo ko i ’duŋgö na kulya gwogwo; anyen nan MATAT böŋö jakiŋdya Abarayama ŋo nagon nan a milyekin lepeŋ kune.

2 Samuele 22:23

Kogwon ’duŋesi kanyit liŋ gwon köyö i komor, nan a ko girara kaŋo i saresi kanyit lo wurö.

Saumajin 119:11

Nan a ’delakin kulyaet ilot köyö i töili, an nan gwon ti torondya do.

Saumajin 119:13

Nan a nyöggu jambu kulya nagon do a ’duŋ kune.

Saumajin 119:30

Nan aje wulundyö kiko lo to ’diri, a nan iŋge petakin kulya na ’duŋ do kune köyö i komor.

Saumajin 119:98

Saresi kulök a tokoŋgu nan lwölwöŋ merok kwe, kogwon se ŋupi gwon köyö i töili.

Saumajin 37:31

Saret lo Ŋun lonyit gwon kanyit i töili; mokosi kanyit ti jeleta.

Saumajin 40:8

nan a lyöŋön i kondya na ’dekesi kunök ŋon ŋun lio; iŋkoi, saret ilot gwon köyö i töili!

Tolupesi 3:5

Yinikindye mugun ko MATAT ko töili ilot liŋ, an do ko töggu mugun ko kurundyö inot na kulya.

Tolupesi 7:3

Dukuki se konut i morin, wuröki se konut i töili.

Yisaya 51:7

Ta ŋutu logon deden löti lo rigwo, ta ŋutu logon saret liŋ gwon kasu i töilyet kulo, yiŋge ta nan; ko kujönö ta ’dö ’döju na ŋutu, köti ko delya ta laesi kase.

Yeremia 31:33

Nan MATAT lo kulya adi, Na a tomoret nagon nan mo teten ko kötumit na Yisaraele i mukök na kilo perok, kweja adi, Nan mo titin saresi kwe ko lepeŋat lukata, iŋkoi, nan mo wuwurökin se kase i töilyet; a nan mo gwe a ŋun lose, a se mo gwe a ŋutu kwe.

Luka 2:51

A nye moraddi ko lepeŋat tojo Najareta, a nye gwe a lokoyok ko lepeŋat i komor. A ŋote nanyit ’delakiŋdye kilo kulyaesi liŋ kanyit i toili.

Luka 8:15

Nyomot lo weki i kujöŋ na ’but kulo a ŋutu logon aje yiŋga ŋilo kulyaet, a ’depe ’dep nye go ko töilyet lo ’but ko torigwo, a gwo ’de go tojo ko toran na ludweki.

2 Korinto 3:3

Kogwon meta köke adi ta a leta nagon po ko Kristo, a iŋge tiki yi anyen yeyek. Ŋina leta a ko wuro ko inka, ama wuro ko Mulökötyo lo Ŋun lo gwon jorun lo, a ko wuroki i ŋurupo na ’dayatak ama wuroki ko ŋutu i toilyet.

Nyökit 11:18

Nyenagoŋ ta ködyö ’delakiŋdya kilo kulyaesi kwe kasu i töilyet ko kasu i ködu dwölön; a ta torakiŋdye se kasu i könisi a kweyesi, a se mo gwe a ŋo na dukuki konut i komor i kiden na konyen kulök.

Nyökit 11:20

A ta ködyö wurökiŋdye se i kaden ti kötumitön ti kadijik kasu ko i lupesi kasu,

Nyökit 32:46

a nye kulyani ko se adi, Tiŋdi ta töilyet kasu i ’debba na kilo kulyaesi liŋ logon nan aje tukökin ta i lo lor kilo; anyen ta sarakin ŋwajik kasu, anyen se böŋö tiju i koŋdya na kulyaesi liŋ ti kilo saresi.

Kolosai 3:16

Ti kulyaet lo Kristo jorene jore kasu i töilyet gwoso tukwörien. Todiŋdye ta ko jujuje ta ’borik ko koŋon liŋ. Yulukiŋdye ta Ŋun saumajin, ko kölisi se ko pupuresi ti Ŋun, titiŋdu lepeŋ tinate kasu i töilyet.

2 Yoane 1:2

Yi nyanyar ta kogwon kulya ti to ’diri nagon gwolor kayaŋ i mugunya na, a mo gwe koyi ŋupi.