Nyökit 6:5 - Bibilia Buk na Ŋun nagon koti luŋu a

⁵ do ködyö nyanyar MATAT ŋun ilot ko töili ilot liŋ, ko ködudwo iŋot liŋ, ko riŋit iŋot liŋ.

Nyökit 6:5 ပူးပေါင်းရင်းမြစ်များ

1 Moran 3:3

A Solomona nyaŋi MATAT, awöröni i saresi lo wuröki monye lonyit Dawidi; ama tuŋ a nye ’duŋge rubaŋgajin ko a ’yuŋe bökur i piritön kwakwasesi na gwon i ko ’dulan ti merya kune.

2 Moran 23:25

A lele mor köju gwe ’bayin kanyit ŋerot logon gwoso lepeŋ, logon a löpuköddu ko MATAT ko töili lonyit liŋ ko ködudwö nanyit liŋ ko riŋit nanyit liŋ, gwoso saresi liŋ ti Mose; a lele mor gwoso lepeŋ gwe a ko pukun koti kanyit i mukök.

2 Dekat 15:12

a se teteŋdi tomoret ko MATAT Ŋun lo merenyejin kase i ga ’yu na lepeŋ ko toilyet kase liŋ ko kodudwolon kase liŋ;

2 Dekat 34:31

A mor gwo ’de kanyit i pirit, a milyeji ko MATAT, i kepöddu na MATAT, ko i ’debba na saresi kanyit, ko todinesi kanyit, ko saresi kanyit lo wurö, ko töili lonyit liŋ ko kodudwo nanyit liŋ, adi nye mo kökon kulyaesi ti tomoret logon a wuröki i na buk kulo.

Saumajin 119:2

Ŋutu logon ’debba todinesi kanyit logon ga ’yu lepeŋ ko töilyet kase liŋ kilo a kalyöŋök.

Saumajin 31:24

Ta liŋ logon nyinyiggö MATAT kilo, gwe ta a iŋgo, ko ti töilyet kasu gwe ko topurwan!

Matayo 10:37

Ŋuto lo nyaŋu monye kode ŋote lwölwöŋ nan lo ti jukin i nan, köti nye lo nyaŋu ŋuro lonyit kode ŋuro nanyit lwölwöŋ nan lo ti jukin i nan.

Matayo 22:37

A nye waddi lepeŋ. adi, Do ködyö nyanyar MATAT Ŋun ilot ko töili ilot liŋ, ko ködudwö inot liŋ, ko yeyeesi kunök liŋ.

Marako 12:30

do ködyö nyanyar MATAT Ŋun ilot ko toili ilot liŋ, ko ködudwö inot liŋ, ko yeyeesi kunök liŋ, se ko riŋit inot liŋ.

Marako 12:33

Nyena ko ŋuto nyanyar Ŋun ko töili lonyit liŋ, ko kuruŋdyö nanyit liŋ, ko riŋit nanyit liŋ, a ko lepeŋ nyanyar marate gwoso mugun nanyit, kweja adi kine kulya lwölwöŋ rubaŋgajin liŋ lo ’yu ’yura se ko ’dokesi liŋ.

Luka 10:27

A ŋuto lo waddi adi, A wurö adi, Do ködyö nyanyar MATAT Ŋun ilot ko töili ilot liŋ, ko ködudwö inot liŋ, ko riŋit inot liŋ se ko yeyeesi kunök liŋ; köti adi, Do ködyö nyanyar marate ilot gwoso mugun inot.

Nyökit 10:12

Nyenagoŋ do kötumit na Yisaraele, ŋo a nyo nagoŋ MATAT Ŋun losu ’de ’deggi kasu? Do ködyö kugga MATAT Ŋun ilot, i wörö kanyit i kikolin liŋ i nyaŋu na lepeŋ, i kitakiŋdya na MATAT Ŋun ilot, ko töili ilot liŋ, se ko ködudwo iŋot liŋ,

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 11:13

A mo gwe sona, ko ta a yiŋga ’bura i ’debba na saresi kwe logon nan a sarakin ta i lo lor kulo, i nyaŋu na MATAT Ŋun losu, ko i kitakiŋdya na lepeŋ ko töilyet kasu liŋ ko ködudwö-lön kasu liŋ,

Nyökit 13:3

a ta ködyö tine yiŋga kulyaesi ti ŋilo nebi kode ti ŋilo karudwenit lo rudweesi; kogwon MATAT Ŋun losu gwon i möŋu na ta, i deŋdya kode ta ’diri nyanyar MATAT Ŋun losu ko töilyet kasu liŋ ko ködu dwölön kasu liŋ.

Nyökit 13:4

A ta ködyö kebbi MATAT Ŋun losu, i kugga na lepeŋ, ko i ’debba na saresi kanyit, ko i yiŋga na gworo lonyit, a ta kitakiŋdye lepeŋ i ’depakiŋdya ŋo ko lepeŋ.

Nyökit 19:9

tuŋ ko ta a tiju i koŋdya na ŋilo saret ’buku-luŋ, logon nan a saŋi ta i lo lor lo, kweja adi i nyaŋu na MATAT Ŋun losu ko i wörö kanyit i kikolin ŋupi — nyena a ta ködyö ’yalakiŋdye kunie köjinö musala i kine musala.

Nyökit 30:10

ko ta yiyiŋ gworo lo MATAT Ŋun losu i ’debba na jujuwesi kanyit, ko saresi kanyit lo wurö logon a wuröki i ŋina buk na saresi, ko ta a löpukuŋdyö ko MATAT Ŋun losu ko töilyet kasu liŋ se ko ködu dwölön kasu liŋ.

Nyökit 30:16

Ko ta ködyö a yiŋ saresi ti MATAT Ŋun losu logon nan a saŋi ta i lo lor i nyaŋu na MATAT Ŋun losu, i wörö kanyit i kikolin, ko i ’debba na jujuwesi kanyit, ko saresi kanyit lo wurö, se ko kulya na ’duŋö kune, nyena a ta mo gwe jörun a mo ŋdine ŋdi, a MATAT Ŋun losu mo ’boroji ta i ŋilu jur logon ta mo lubbö i morga na lepeŋ lu.

Nyökit 30:20

i nyaŋu na MATAT Ŋun losu, i yiŋga na gworo lonyit, ko i ’depakiŋdya ko lepeŋ ŋo; kogwon koŋdya sona a ru nasu ko a jolan na kiŋajin kasu, anyen ta böŋö si ’da i lu jur logon MATAT a milyekin merenyejin kasu logon a ko Abarayama, ko Yisaka, ko Yakobo, i tikiŋdya na lepeŋat lu.

Nyökit 30:6

a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.

Nyökit 4:29

Ama ko ta ködyö ga ’yu MATAT Ŋun losu nyu, ta mo ryöryö lepeŋ ko ta ködyö mo ga ’yu lepeŋ ko töilyet kasu liŋ ko ködu dwölön kasu liŋ.

Yosua 22:5

Ama meddi ta ’bura i koŋdya na jujuwet se ko saret, logon Mose köliŋönit lo MATAT aje saŋi ta kilo, i nyaŋu na MATAT ŋun losu, ko i wörö kanyit i kikolin liŋ, ko i ’debba na saresi kanyit, ko i ’depakiŋdya go ko lepeŋ, ko i kitakiŋdya na lepeŋ ko töilyet kasu liŋ se ko ködu dwölön kasu liŋ.

1 Yoane 5:3

Kogwon nyaŋu nikaŋ na Ŋun gwon sona adi, yi ’de ’dep saresi kanyit, a saresi kanyit tine ri ’dikiŋdya yi go.