Nyökit 6:4 - Bibilia Buk na Ŋun nagon koti luŋu a

⁴ Yiŋge ta pon kötumit na Yisaraele: MATAT ŋun likaŋ a MATAT geleŋ;

Nyökit 6:4 ပူးပေါင်းရင်းမြစ်များ

1 Moran 18:21

A Eliya mijörö ko kulu ŋutu liŋ nyona, a pipije adi, Diŋit ŋoman ta gwon i leleuddya na ŋedepa kasu? Ko MATAT logon a Ŋuro kepoddi ta lepeŋ; ama ko Bala logon a Ŋun kepoddi ta lepeŋ. A kilu ŋutu gwe a ko wat lepeŋ ma ’di ko kulyaet geleŋ to.

2 Moran 19:5

A köliŋönök ti mor Kijikia ko ’dure ko Yisaya yu,

1 Dekat 29:10

Nyenagon a Dawidi pupurje MATAT i komor na momoret liŋ; a nye kulyani adi, Pon MATAT Ŋun lo Yisaraele logon a baba likaŋ, ti do purani pura ŋupi ŋupi.

2 Dekat 17:9

A se todiŋdye i jur lo Yuda, a gwe ko buk na saresi ti MATAT; a se worojine i köjino liŋ ti Yuda i todiŋdyo na ŋutu.

Nemaya 9:6

Do a MATAT, do geleŋ; do a gweja ki ko wi nanyit, ko kurumi nanyit na ŋo liŋ, ko kak ko ŋo liŋ lo gwon i lukata nanyit, ko törön ko ŋo liŋ lo gwon i lukata nase; a do tiji se liŋ; a kurumi lio na ki bu ’ye do.

Saumajin 78:5

Nye a tindu ŋutu ti Yisaraele saresi, iŋkoi, nye a tindu nyakwariat ti Yakobo todinesi. Nye a tindu merenyejin kaŋ saresi anyen se ködyö todinikindyö ŋwajik kase,

Saumajin 86:10

Kogwon do a duma, do kondya kulya sörösi, do geleŋ logon a Ŋun.

Yisaya 42:8

Nan a MATAT, kine a karin kwe; a nan mo tine tiŋdu geleŋetyo bulet nio, a tine tiŋdu pupura niö i nyömuejin lo gigiru.

Yisaya 44:6

MATAT Mor lo Yisaraele, ko a kadakanit lonyit, MATAT lo kurumi lo kulya adi, Nari a suluet ko a lo ’dutet; lele gun ’bayin ama nan geleŋ tuŋ.

Yisaya 44:8

Ko kujönö ta, an ta ko böŋdu; nan a ko takin ta suluja ’beron? Nan a tuggö a ta gwe a katökorok ti kulya kwe! Lele ŋun kata kode a nan tuŋ? iŋkoi, Lurutat ’bayin; nan ti den lele kwöŋ.

Jakaria 14:9

A MATAT mo worani a mor lo kak ’bukuluŋ; a i ŋilu lor a MATAT mo gwe geleŋ ko karin kanyit geleŋ.

Matayo 22:37

A nye waddi lepeŋ. adi, Do ködyö nyanyar MATAT Ŋun ilot ko töili ilot liŋ, ko ködudwö inot liŋ, ko yeyeesi kunök liŋ.

Luka 10:27

A ŋuto lo waddi adi, A wurö adi, Do ködyö nyanyar MATAT Ŋun ilot ko töili ilot liŋ, ko ködudwö inot liŋ, ko riŋit inot liŋ se ko yeyeesi kunök liŋ; köti adi, Do ködyö nyanyar marate ilot gwoso mugun inot.

Yoane 10:30

Yi ko Baba a ŋo geleŋ.

Yoane 17:3

Ŋina a ru na yeŋ nyin anyen se deden do logon a Ŋun geleŋ ko a gwak, se ko nan Yesu Kristo logon do aje sunyun lo.

Roma 3:30

Kogwon Ŋun geleŋ, lepeŋ ti kökoroja mugun. Lepeŋ mo titikin ŋutu lo tawero kulo i gwon a lo rigwo kanyit i komor kogwon yupet nase, köti nye mo titikin ŋutu logon a ko tawero kulo i gwon a lo rigwo kogwon yupet nase.

Epeso 4:6

Ŋun geleŋ kata logon a Monye lo ŋutu liŋ, lepeŋ a duma lo ŋo liŋ, kikita i ŋo liŋ, a lepeŋ gwe kata i ŋo liŋ.

Nyökit 4:39

Nyenagon dene ta den i lo lor, ko ’debbi ta kine kulya kasu i töilyet adi MATAT gwon a ŋun lo ki yu ko lo kak ni; a lele gwe ’bayin.

Nyökit 5:6

Nan logon a MATAT ŋun ilot, logon a joŋdya do kaŋo i jur lo Ejipeto, i pirit na to ’dupien.

1 Timoteo 2:5

Kogwon Ŋun geleŋ kata, se ko katomoranit geleŋ kata logon tomor a Ŋun ko ŋutu. Ŋilo katomoranit a ŋuto logon a Kristo Yesu.

Yakobo 2:19

Do ŋona a yuŋ adi Ŋun geleŋ kata? A na ’but. Mulökö lorok köti yubbö sona a kujönöni kujönö.