Nyökit 6:2 - Bibilia Buk na Ŋun nagon koti luŋu a

² anyen ta böŋö kukuk MATAT ŋun losu, ta ko ŋwajik kasu se ko nyakwariat kasu, i ’debba na saresi kanyit liŋ lo wurö se ko jujuwesi kanyit logon nan a saŋi ta kulo, i perok liŋ ti gwiliŋit nasu; anyen ta si ’da ko kiŋajin jore.

Nyökit 6:2 ပူးပေါင်းရင်းမြစ်များ

Suluet 18:19

Kogwon nan a wulun lepeŋ, anyen nye ködyo saŋu ŋwajik kanyit ko Ŋutu ti mede nanyit lo gwon kanyit i mukök kilo, anyen se ködyo kebbu kiko liŋ lo MATAT i koŋdya na kulya na rigwo ko i ’duŋgö na kulya gwogwo; anyen nan MATAT böŋö jakiŋdya Abarayama ŋo nagon nan a milyekin lepeŋ kune.

Suluet 22:12

A nye kulyani adi, Ko tanyakin könin i ŋilo ŋuro, ma ’di ko konakiŋdya lepeŋ nene ŋo, kogwon soŋinana nan a den adi do a kugga ŋun, kogwon do a ko renyakin nan ŋuro ilot logon a pilili ilot lo ŋuro lo.

1 Moran 8:40

anyen se böŋö kukujonö do perok liŋ logon se sisi ’dari i jur logon do a tin merenyejin kaŋ lo.

Eyobo 28:28

A lepeŋ takiŋdye ŋutu adi, Mete ta, koŋon gwon a kugga na MATAT; a kuruŋdyö na kulya gwe a kö ’yu na toron.

Saumajin 111:10

Suluja na koŋon ŋo i kugga na MATAT; ŋutu logon kugga lepeŋ kilo gwon ko denet na ’but. Lepeŋ pupura ŋupi.

Saumajin 128:1

Ŋutu liŋ logon kukuk MATAT logon wörö i kikolin kanyit kulo a kalyöŋök!

Saumajin 91:16

Nan mo tindu lepeŋ i si ’da i na kak ko diŋit a najo nagon jujukin lepeŋ, a nan mo tindi lepeŋ i dendya adi nan a kalwökönit.

Yuörö 20:12

Bule bu munyi se ko ŋuti, anyen do si ’da kiŋajin jore i jur logon MATAT ŋun ilot titin do lo.

Yuörö 20:20

A Mose kulyani ko Ŋutu kulo adi, Ko kujönö ta; kogwon ŋun a po ni i temba na ta, anyen ta ködyö yeŋon kujönö lepeŋ, anyen ta gwon ti toroŋdya.

Tolupesi 16:6

Nyaŋu nagoŋ ti ’duddyo kwoŋ se ko to ’diri seyaddu toron kaŋo, a ko ŋuto gwoŋ a kakukanit lo MATAT a nye lopukundye kaŋo i toron.

Tolupesi 3:16

Koŋon gwoso ŋuto na ’do ’dogga; a tindi ŋutu gwolor diŋit a najo ko könin lonyit lutaten, a tindi ŋutu tukworien ko bulet ko könin lonyit kadoŋe.

Tolupesi 9:11

Perok kulok mo ŋöŋoi kogwon nan Koŋon na ŋarakindya do, a do mo ’yalakine kulye kiŋajin i gwiuŋit ilot.

Katokuönit 12:13

Na a ’dutet na kulya; do aje yiŋ se liŋ. Kuŋge ŋun, ko twöji saresi kanyit; sekine ŋo nagon ŋutu ködyö kökon.

Yeremia 32:39

A nan mo tiŋdi se töili geleŋ ko kiko geleŋ anyen se böŋö kukujönö nan ŋupi, anyen gwon a na ’but kase ko i nyakwariat kase.

Ejikele 20:19

Nan MATAT a ŊUN losu, wöröni ta i saresi kwe lo wurö, ’debbi ta jujuwesi kwe ’bura;

Luka 12:5

Nan de kwekwekin ta ko ta ködyö kujönö ŋa: kujono ni ta Ŋun logon i mukok na tatuja a gwe ko riŋit i gubaddu na lepeŋ i Geena. Iŋkoi, nan takiŋdya ta adi, kujono ni ta lepeŋ.

Nyökit 10:20

Ta ködyö kukuk MATAT Ŋun losu, a ta ködyö kitakiŋdye lepeŋ, a ta ’depakiŋdye ko lepeŋ ŋo, a ta milyeji ko karin kanyit.

Nyökit 11:9

anyen ta böŋö si ’da diŋit a najo i jur logon MATAT a milyekin i tiŋdu na merenyejin kasu ko nyakwariat kase lu, ŋilu jur logon ko le ko siwatat ’do ’dokon kata lu.

Nyökit 13:4

A ta ködyö kebbi MATAT Ŋun losu, i kugga na lepeŋ, ko i ’debba na saresi kanyit, ko i yiŋga na gworo lonyit, a ta kitakiŋdye lepeŋ i ’depakiŋdya ŋo ko lepeŋ.

Nyökit 15:5

ko ta ködyö ’diri yiyiŋ gworo lo MATAT Ŋun losu, i tiju i koŋdya na kilo saresi liŋ logon nan a sarakin ta i lo lor kulo.

Nyökit 22:7

a do ködyö kölöddi ŋote i tu, ama a do bulöni bulö joŋga torela kanyit a kunök; anyen kulya kunök mo gwon ’bura; a perok kulök mo gwe jore.

Nyökit 30:19

Nan a luŋgu ki ko kak a katökorok kasu i lo lor adi, nan aje tiŋdu kasu i komor ru ko twan, ’boriesi ko lömisi, nyenagoŋ wuluŋdye ta ru, anyen ta böŋö gwon jörun se ko nyakwariat kasu,

Nyökit 30:20

i nyaŋu na MATAT Ŋun losu, i yiŋga na gworo lonyit, ko i ’depakiŋdya ko lepeŋ ŋo; kogwon koŋdya sona a ru nasu ko a jolan na kiŋajin kasu, anyen ta böŋö si ’da i lu jur logon MATAT a milyekin merenyejin kasu logon a ko Abarayama, ko Yisaka, ko Yakobo, i tikiŋdya na lepeŋat lu.

Nyökit 4:10

An ta ko böŋö ta lu lor lo gwo ’di ’e ta ko MATAT Ŋun losu i komor Orebe lu, na kulyari MATAT ko nan adi, Momoruŋdye kilo ŋutu köyö ni, a nan mo tiŋdi se i yiŋga na kulyaesi kwe, anyen se jujumbu i kugga na nan i perok gwiliŋisi kase liŋ i na kak, ko anyen se todinikin ŋwajik kase sona köti.

Nyökit 4:40

Nyenagoŋ ta ködyö ’debba saresi kanyit lo wurö ko jujuwesi kanyit logon nan saŋi ta i lo lor kulo, anyen kulya kasu mo gwon ’bura, ko i ŋwajik kasu kasu i mukök, ko anyen perok kasu mo gwon jore i jur logon MATAT ŋun losu a tikin ta asut lu.

Nyökit 4:9

Tuŋ kunyar ta, ko tiji ta ’börik ’bura, an ta ko böŋö ŋo na met konyen kasu kunu, an se ko likin kasu i töilyet i perok liŋ ti gwiliŋit nasu. Tiŋdi ta se i dena ko ŋwajik kasu se ko nyakwariat kasu.

Nyökit 5:16

Bule bu munyi se ko ŋuti, gwoso nagoŋ MATAT ŋun ilot a saŋi do; anyen do si ’da kiŋajin jore, a kulya kunök iti ’bura i ŋilu jur logon MATAT ŋun ilot a tin do lu.

Nyökit 5:33

A ta ködyö wöröjine i kiko liŋ logon MATAT ŋun losu a saŋi ta lo, anyen ta böŋö gwon jörun, ko anyen kulya kasu böŋö tu ’bura, anyen ta si ’da kiŋajin jore i lu jur logon ta mo ’de ’deŋ lu.

Nyökit 6:1

A kilo gwe a todinesi, ko saresi lo wurö, ko kulya na ’duŋö nagoŋ MATAT ŋun losu a saŋi nan i todini-kiŋdyö na ta, anyen ta boŋo koŋdya se i lu jur logon ta mo laŋaddu kata i morga na lepeŋ lu;

Nyökit 6:24

A MATAT aje sarakin yi i koŋdya na kilo saresi liŋ lo wurö, i kugga na MATAT Ŋun likaŋ, anyen gwon a na ’but kayaŋ perok liŋ, anyen nye böŋö tiŋdu yi gwon jörun, gwoso na lo lor na.

Nyökit 6:7

a do ködyö mimiŋa-kiŋdye se i ŋwajik kulök, a do jama-kiŋdye kulya kase na si ’dari do konut kadi na, ko na wöröri do i kiko, ko na piriki ’e do kak, ko na ŋe do ki.

Yosua 4:24

anyen gweyajin liŋ ti ŋutu ti kak böŋö deden adi könin lo MATAT a iŋgo; anyen se böŋö kukujönö MATAT Ŋun losu ŋupi ŋupi.

1 Petero 1:17

Ko ta kwakwaddu nye logon ’duŋokiŋdyo ŋutu liŋ gwoso i konesi kase ’bak nyunyumbö lo, a ta ’diŋdye lepeŋ adi Baba, nyena kuŋge ta lepeŋ na mönuŋdye ta i na kak ni na.