Nyökit 5:9 - Bibilia Buk na Ŋun nagon koti luŋu a

⁹ Do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase komonye ko torela i kusik tojo ko nyakwari tomusala ko toiŋwan ti ŋutu logon maman nan kilo,

Nyökit 5:9 ပူးပေါင်းရင်းမြစ်များ

2 Moran 17:35

a MATAT teteŋdi tomoret ko se, a saŋi se adi, Ta ködyö ti kugga kulye punyen kode dulakiŋdya ’börik kak ko lepeŋat, kode kitakiŋdya lepeŋat, kode ’duŋökiŋdyö lepeŋat rubaŋgajin;

Yuörö 34:14

Ta ködyö ti kwakwaddu lele ŋun Köti kwöŋ, kogwon nan MATAT karin kwe a Kayi-nönit, nan a ŋun logon a kayinönit.

Yuörö 34:7

Lepeŋ gwon ko nyaŋu nagon ti ’duddyö kwöŋ i Ŋutu aliŋan, lepeŋ pipitökin lyaŋesi ko toronjin na kona aka, se ko toron, lepeŋ kwöŋ ti kulya adi katoronyak ’bak kulya; lepeŋ roropa-kiŋdya lyaŋesi ti komonye i kusik ti ŋwajik kase, ko i kusik ti ŋwajik ti ŋwajik kase, i nyakwariat tomusala ko toiŋwan.

Yeremia 32:18

Do a kwekiŋdya nyaŋu inot nagon ti löpuggö kwöŋ na i ŋutu aliŋan, ama do roropakiŋdya tukwölögesi ti komonye i kusik ti ŋwajik kase. Pon ŋun, do a duma ko a lo riŋit, karin kunök a MATAT lo kurumi,

Kenet 14:18

MATAT a ’dikö i woran ko a jore ko nyaŋu nagoŋ ti ’duddyö kwöŋ, lepeŋ pipitökiŋdyö lyaŋesi ko toronjin na kona aka, lepeŋ kwöŋ ti kulya adi katoronyak ’bak kulya, lepeŋ roropakiŋdya lyaŋesi ti komonye i kusik ti ŋwajik kase, ko i kusik ti nyakwariat tomusala ko toiŋwan.

Nyökit 4:16

ama an ta ko koŋu ’börik i tetenakiŋdya na ’börik nene nyömue na gigiru i gwuluet na nene gweyari, kode i gwuluet na ŋuto lulalet kode nanakwan,

Nyökit 4:24

Kogwon MATAT ŋun losu a kimaŋ na tototumbo, ko a ŋun kayinönit.

Nyökit 6:15

kogwon MATAT Ŋun losu lo gwon kasu kiden lo gwon a Ŋun kayinönit; an komor na MATAT Ŋun losu ko tulekin kasu ki, a nye tukaŋi ta i na kak.

Nyökit 7:10

a nye ropakiŋdye kamanak kanyit a lokomor, i tukaŋu na se; a nye mo tine karakin i lepeŋ lo maŋdu nye, ama a mo ropakiŋdye lepeŋ a lokomor.