Nyökit 5:6 - Bibilia Buk na Ŋun nagon koti luŋu a

⁶ Nan logon a MATAT ŋun ilot, logon a joŋdya do kaŋo i jur lo Ejipeto, i pirit na to ’dupien.

Nyökit 5:6 ပူးပေါင်းရင်းမြစ်များ

Saumajin 81:11

Ama ŋutu kwe a ko yiŋ gworo lio; Yisaraele ti ’bön nan asut.

Yuörö 13:14

A i diŋit na molu nagon ŋuro ilot pija do adi, Kine kulya kweja nyo? a do mo waddi lepeŋ adi, Nan koŋdya sona kogwon MATAT a joŋga yi kaŋo Ejipeto i pirit na to ’dupien yu ko riŋit na könin lonyit iŋgo.

Yuörö 13:3

A Mose takiŋdye Ŋutu adi, Yeyene ta yeye lo lor lo yuuŋdye ta kaŋo i Ejipeto i pirit na to ’dupien nu, kogwon MATAT aje joŋga ta kaŋo i na pirit ko riŋit na könin iŋgo. Ta kodyo ti nyesu ambata nagon ko kape.

Yuörö 20:1

A ŋun jambi kilo kulyaesi liŋ adi,

Yeremia 11:4

nagon nan a sarakin merenyejin kasu i diŋit na joŋdi nan se kaŋo i jur lo Ejipeto logon a tuka nitet lu. Nan köju a kulya ko se adi, Yiŋge ta gworo lio, ko koŋdi ta ŋo liŋ nagon nan a sarakin ta kune, nyena a ta mo gwe a ŋutu kwe, a nan mo gwe a Ŋun losu.

Mika 6:4

Nan a joŋdya ta kaŋo i jur lo Ejipeto, nan a lwokuŋdyö ta kaŋo i pirit na to ’dupien, a nan sonyoddi Mose ko Arona se ko Miriama i nyömöddu na ta.

Nyökit 4:4

ama ta liŋ logon aje ’depakiŋdya ko MATAT ŋun losu kulo ta soŋinana gwon jörun i lo lor.

Nyökit 6:4

Yiŋge ta pon kötumit na Yisaraele: MATAT ŋun likaŋ a MATAT geleŋ;

Nyökit 7:8

ama tuŋ kogwon MATAT nyanyar ta, a nye ’debbi milye logon nye a milyekin inerenyejin kasu, nyena a MATAT aje toyuöddu ta kaŋo ko könin iŋgo, ko a dakaddu ta kaŋo i pirit na to ’dupien, i könin lo Paro mor lo Ejipeto.

Nyökit 8:14

nyena kunyar ta an töilyet kasu jore ko lyöŋön, a ta böŋoni MATAT Ŋun losu lo joŋdya ta kaŋo i jur lo Ejipeto i pirit na to ’dupien lo.