Nyökit 5:31 - Bibilia Buk na Ŋun nagon koti luŋu a

³¹ Ama ti do gwo ’de köyö nyona ni, a nan de takiŋdye do jujuwesi, ko saresi lo wurö, se ko kulya na ’duŋö nagoŋ do ködyö todinikin se kune, anyen se böŋö koŋdya se i lu jur logon nan mo tin se i ’debba lu.

Nyökit 5:31 ပူးပေါင်းရင်းမြစ်များ

2 Moran 17:37

A ta gwe ko tirikwet perok liŋ i ’debba na saresi lo wurö ko kulya na ’duŋö kune ko saresi logon nye a wurökin ta kulo. A ta tine kugga kulye punyen,

Yuörö 24:12

A MATAT kulyani ko Mose adi, Kiyuŋdye köyö ni i mere ko mönuŋdye ni; a nan de tiŋdi do ŋurupö na ’dayatak nagon saresi ko jujuwesi nan a wurökin nyin kune, anyen todiniki lepeŋat.

Yuörö 24:18

A Mose lupöni i luru lukata a kiyaddi i mere ki. A Mose iŋge si ’da i mere ko perok merya Iŋwan tuparan ko tukwaje.

Ejikele 20:11

A nan tiŋdi se saresi kwe lo wurö, a kwekiŋdye se jujuwesi kwe logon ko ŋuto a ’dep se kulo a rune ru.

Malaki 4:4

Yiyiuŋdye ta saresi ti koliponit lio Mose, iŋkoi, saresi lo wuro se ko kulya na ’duŋö nagon nan aje sarakin lepeŋ i kulya ti Yisaraele liŋ Orebe yu kunu.

Galatia 3:19

Nyena ko nyo nagon Saresi ’de ’dekarikin? Saresi a ’yalaki anyen kwekiŋdya ko koŋdya arabat kweja nyo, anyen yeŋon tojo ko nyakwari ködyo a po logon Ŋun a milyekin lepeŋ lo. Saresi kulo Ŋun lo sarakiŋdya malaikajin, a katomoranit nyönyökökiŋdye ŋutu.

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 12:1

A kilo gwe a saresi lo wurö, ko a kulya na ’duŋö nagoŋ ta ködyö tiju i koŋdya i lu jur logon MATAT Ŋun lo merenyejin kasu aje tiŋdu ta i morga lu, i perok lo gwoŋdi ta i na kak kulo.

Nyökit 3:18

A nan saŋi ta i nu diŋit adi, MATAT ŋun losu aje tiŋdu ta lu jur i si ’da kata; a ŋutu purwat kasu liŋ logon ködyö a jupu ko tito möriesi kulo ködyö laŋaddi i ŋerot na luŋösu-rök logon a ŋutu ti Yisaraele.

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 4:45

a kine gwe a todinesi, ko saresi lo wurö, se ko kulya na ’duŋö kune nagoŋ Mose aje jamakin ŋutu ti Yisaraele, na yuöddi se kaŋo i Ejipeto,

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Nyökit 5:1

A Mose luŋgi ŋutu ti Yisaraele liŋ a kulyani ko se adi, Ta kötumit na Yisaraele, yiŋge ta saresi lo wurö, se ko kulya na ’duŋö nagoŋ nan jamakin kasu i swö i lo lor kune, anyen ta ködyö jujumbu se, ko i tiju i koŋdya na se.

Nyökit 5:30

Iti ko jambi ko se adi, Yitöni ta kasu i mera.

Nyökit 6:1

A kilo gwe a todinesi, ko saresi lo wurö, ko kulya na ’duŋö nagoŋ MATAT ŋun losu a saŋi nan i todini-kiŋdyö na ta, anyen ta boŋo koŋdya se i lu jur logon ta mo laŋaddu kata i morga na lepeŋ lu;