Nyökit 5:10 - Bibilia Buk na Ŋun nagon koti luŋu a

¹⁰ ama nan nyaŋu ŋutu ko nyaŋu nagoŋ ti ’duddyö kwöŋ kweja adi nan nyaŋu ŋutu alipan logon nyanyar nan ko ’de ’deŋ saresi kwe kilo.

Nyökit 5:10 ပူးပေါင်းရင်းမြစ်များ

Saumajin 103:17

Ama nyaŋu na MATAT yeyeŋon ŋupi ŋupi ’bak ’dutet i ŋutu lo kukuk lepeŋ kilo, kulya kanyit na rigwo yeyeŋon tojo i ŋwajik ti ŋwajik,

Yuörö 20:5

do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;

Yuörö 34:7

Lepeŋ gwon ko nyaŋu nagon ti ’duddyö kwöŋ i Ŋutu aliŋan, lepeŋ pipitökin lyaŋesi ko toronjin na kona aka, se ko toron, lepeŋ kwöŋ ti kulya adi katoronyak ’bak kulya; lepeŋ roropa-kiŋdya lyaŋesi ti komonye i kusik ti ŋwajik kase, ko i kusik ti ŋwajik ti ŋwajik kase, i nyakwariat tomusala ko toiŋwan.

Yeremia 32:18

Do a kwekiŋdya nyaŋu inot nagon ti löpuggö kwöŋ na i ŋutu aliŋan, ama do roropakiŋdya tukwölögesi ti komonye i kusik ti ŋwajik kase. Pon ŋun, do a duma ko a lo riŋit, karin kunök a MATAT lo kurumi,

Daniele 9:4

A nan kwakwaddi MATAT Ŋun lio, a nan tuŋge toronjin adi, Pon MATAT, Ŋun duma lo kukujönorikin, logon ’debba tomoret inot ko nyaŋu inot nagon ti ’duddyö kwöŋ i kilo logon nyanyar do ko ’de ’dep saresi kulök,

Kenet 14:18

MATAT a ’dikö i woran ko a jore ko nyaŋu nagoŋ ti ’duddyö kwöŋ, lepeŋ pipitökiŋdyö lyaŋesi ko toronjin na kona aka, lepeŋ kwöŋ ti kulya adi katoronyak ’bak kulya, lepeŋ roropakiŋdya lyaŋesi ti komonye i kusik ti ŋwajik kase, ko i kusik ti nyakwariat tomusala ko toiŋwan.

Yoane 14:15

Ko ta nyanyar nan ta ’de ’dep saresi kwe;

Yoane 15:14

Ta a julin kwe ko ta kökon ŋo nagon nan a sarakin ta kune.

Roma 8:28

kogwon yi deden adi ŋutu logon nyanyar Ŋun, logon nye a luŋun gwoso i yeyeet nanyit kulo, Ŋun kikita ko se i ŋo liŋ i tetenakiŋdya na se ŋo na ’but.

Galatia 5:6

Kogwon koyi gwon ko Kristo Yesu i mugun, kulya ’bayin kode yi a tawero kode yi a ko tawero, ama ŋo duma tuŋ gwon a yupet nagon riŋit nanyit pukun i nyaŋu na.

Nyökit 4:40

Nyenagoŋ ta ködyö ’debba saresi kanyit lo wurö ko jujuwesi kanyit logon nan saŋi ta i lo lor kulo, anyen kulya kasu mo gwon ’bura, ko i ŋwajik kasu kasu i mukök, ko anyen perok kasu mo gwon jore i jur logon MATAT ŋun losu a tikin ta asut lu.

Nyökit 7:12

A mo gwe sona adi ko ta a yiŋga kine kulya na ’duŋö kine, a ’debbi se i koŋdya na se, a MATAT Ŋun losu mo ’debbi tomoret nanyit ko ta se ko nyaŋu nanyit nagoŋ ti ’duddyo kwoŋ nagoŋ nye a milyekin merenyejin kasu na;

Nyökit 7:9

Nyena-ŋon deŋdi ta adi MATAT Ŋun losu, nye logon a Ŋun; nye a Ŋun lo yiyiniki logon ti bulo löpuggö, lo ’debba tomoret ko nyaŋu nanyit nagoŋ ti ’duddyö kwöŋ ko se logon nyanyar lepeŋ ko ’de ’de

Yakobo 1:25

Ama ŋutu logon memet saret logon a lo ’but liŋ logon jujukin tiŋdu ŋutu i gwon a lui lo, a ko ŋilo ŋutu yegon nyin a tine boŋo go nagon nye a yiŋ kune, ama a kone kon, ŋilo ŋutu gwon a kalyoŋi i konesi kanyit.

Yosua 22:5

Ama meddi ta ’bura i koŋdya na jujuwet se ko saret, logon Mose köliŋönit lo MATAT aje saŋi ta kilo, i nyaŋu na MATAT ŋun losu, ko i wörö kanyit i kikolin liŋ, ko i ’debba na saresi kanyit, ko i ’depakiŋdya go ko lepeŋ, ko i kitakiŋdya na lepeŋ ko töilyet kasu liŋ se ko ködu dwölön kasu liŋ.

1 Yoane 1:7

Ama koyi wöro i parara gwoso na gwoŋdi nye i parara na, a yi tojuline ko ’börik, a rima ti Yesu Ŋuro lonyit lalaji yi i toronjin liŋ.