Nyökit 5:1 - Bibilia Buk na Ŋun nagon koti luŋu a

¹ A Mose luŋgi ŋutu ti Yisaraele liŋ a kulyani ko se adi, Ta kötumit na Yisaraele, yiŋge ta saresi lo wurö, se ko kulya na ’duŋö nagoŋ nan jamakin kasu i swö i lo lor kune, anyen ta ködyö jujumbu se, ko i tiju i koŋdya na se.

Nyökit 5:1 ပူးပေါင်းရင်းမြစ်များ

Saumajin 78:7

Anyen se ködyö yinikindyö ’börik ko Ŋun, an se ko böŋö kitajin ti Ŋun, ama anyen ’debba saresi kanyit.

Yuörö 15:26

kulya adi, Ko ta mo yiyiŋ gworo lio lo MATAT ŋun losu go, a ta mo koŋdi ŋo nagon nan met a na rigwo kune, a mo tiŋdi swö kasu i yiŋga na jujuwesi kwe, a mo ’debbi saresi kwe liŋ lo wurö, a nan mo tine tin lele lo kilo twana logon nan tomije Ŋutu ti Ejipeto kilo i tomijö na ta; kogwon nan MATAT lo toke ’ya ta.

Yuörö 18:20

a do de todinikiŋdye se saresi lo wurö se ko ŋo na ’duŋ lepeŋ kune, a do de kwekiŋdye se kiko logon se ködyö wöwöröri lo, se ko kita nagon se ködyö kökon na.

Matayo 23:3

Nyenagon ŋo nagon lepeŋat a sarakin ta kine kone ta koŋ ko ’depe ta ’dep; ama ko koŋdya ta gwoso na koŋdi lepeŋat na, kogwon lepeŋat jajambu a tine kon ŋo na jam se kune.

Nyökit 1:1

A kulo gwe a kulyaesi logon Mose a jamakin ŋuto ti Yisaraele liŋ i nu pele na Yardene i yöbu, i Araba, i pirit na diŋö ko Sup, i kiden na Paran ko Topele, ko Laban, ko Kaserot, ko Di-dakap.

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 12:1

A kilo gwe a saresi lo wurö, ko a kulya na ’duŋö nagoŋ ta ködyö tiju i koŋdya i lu jur logon MATAT Ŋun lo merenyejin kasu aje tiŋdu ta i morga lu, i perok lo gwoŋdi ta i na kak kulo.

Nyökit 17:19

a nye gwe ko ŋilo saret, a nye ködyö keŋdi lepeŋ perok liŋ ti gwiliŋit nanyit, anyen böŋö jujumbu i kugga na MATAT Ŋun lonyit, i ’debba na kulyaesi liŋ ti ŋilo saret ko kilo saresi lo wurö, To i koŋdya na se;

Nyökit 28:15

Ama ko ta ködyö ti yiŋga gworo lo MATAT Ŋun losu i tiju i koŋdya na jujuwesi kanyit liŋ kode saresi kanyit lo wurö logon nan a saŋi ta i lo lor kulo, nyena a kine lömisi liŋ mo poki kasu a baranyakiŋdye kasu ki.

Nyökit 29:10

Ta liŋ i lo lor gwogwo ’dan ko MATAT Ŋun losu i komor; kweja adi kusik ti kötumitön kasu, ko temejik kasu, ko katiyuk kasu, iŋkoi ŋutu ti Yisaraele luŋ a liŋ,

Nyökit 29:2

A Mose luŋgi ŋutu liŋ ti Yisaraele a kulyani ko se adi, Ta aje met ŋo liŋ nagoŋ MATAT a konakin Paro ko kölipönök kanyit liŋ ko jur lonyit liŋ kasu i komor i jur lo Ejipeto nu,

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 4:49

se ko swöt lo Araba liŋ i swöt lo ’yure lo Yardene tojo ko tör na Araba, i mukök na dudulesi ti mere Pisiŋa.

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Nyökit 5:2

MATAT ŋun likaŋ a teteŋdya tomoret koyi Orebe yu.

Nyökit 6:17

Ta ködyö ’debba saresi ti MATAT Ŋun losu ŋo, se ko todinesi kanyit, ko saresi kanyit lo wurö logon nye a saŋi ta kulo.

Yosua 1:8

Na buk na saresi ti wusaddu kalor konut i kutuk, ama do yeyeju lepeŋ ko tuparan ko tukwaje, anyen do boŋo tiju i koŋdya gwoso liŋ na wuröki lukata kune; a kirut do mo puputuru ŋerot, a kulya kunök mo gwe ’bura.