Nyökit 4:7 - Bibilia Buk na Ŋun nagon koti luŋu a

⁷ Kogwon kötumit duma a ŋa nagoŋ ŋun lose gwon nyona ko lepeŋat, gwoso nagoŋ MATAT ŋun likaŋ gwon nyona koyi i diŋitan liŋ na momo ’yi yi lepeŋ kune?

Nyökit 4:7 ပူးပေါင်းရင်းမြစ်များ

2 Samuele 7:23

Nene kotumit ŋona kata kak ni nagon gwoso ŋutu kulok Yisaraele le? Kogwon do Ŋun a tu i lwökuŋdyö na se Ejipeto yu anyen gwon a ŋutu kulok. A do iŋge tiŋdu karin kunok i kono parik kogwon do a konakiŋdya ŋutu kulok ŋo temejik ko sörösi, i rikoddu na ŋutu liŋ ti ŋilu jur kaŋo kase i ko-mon mora ko nunyen kase.

Saumajin 145:18

MATAT gwon nyona ko ŋutu liŋ logon luluŋgu lepeŋ kilo, iŋkoi, lepeŋ gwon nyona ko ŋutu liŋ logon a luluŋgu lepeŋ ko to ’diri kilo.

Saumajin 147:20

Nye a ko konakindya lele jur sona; kulye ŋutu a ko den saresi kanyit. Pupurje ta MATAT!

Saumajin 148:14

Nye a tindu ŋutu kanyit a jur lo gwon ko riŋit, nye a tindu ŋutu kanyit katwöyök i ŋuŋura, iŋkoi, nye a tindu ŋutu ti Yisaraele lo gwon kanyit nyona kulo i ŋuŋura. Pupurje ta MATAT!

Saumajin 34:17

Ŋutu lo rigwo gwigwien, a MATAT yiŋge yiŋga, a riŋundye lepeŋat kaŋo i delyaesi kase liŋ.

Saumajin 34:18

MATAT gwon nyona ko ŋutu logon töilyet kase a ’be ’beleŋo kilo, a nye lwöggi se logon ’bak yenet kilo.

Saumajin 46:1

Ŋun gwon a ŋirit ’danaet nikaŋ ko a riŋit nikaŋ, nye gwon ajo ’diri i ŋarakindya na yi i kiden na yöyöŋesi.

Saumajin 73:28

Ama gwon a na ’but köyö i mi-jun nyona ko Ŋun ni; nan a wulundyö MATAT ŋun a ’danaet lio, anyen nan böŋö tuköddu konesi kunök liŋ.

Saumajin 85:9

’Diri lepeŋ gwon ajo i lwöggu na ŋutu lo kukuk lepeŋ kilo, anyen bulet bubulö si ’da kayaŋ i jur.

Yisaya 43:4

A nan iŋge nyar do kogwon do apisök köyö i konyen, ko a lo bubula, nyenagon a nan tiŋdi ŋutu kogwon do, ko kötumitön ti ŋutu kogwon gwiliŋit ilot.

Yisaya 55:6

Gale ta MATAT nagon nye nyuŋ ryerye na, luŋgi ta lepeŋ nagon nye nyuŋ gwon nyona;

Kenet 23:21

Delyaesi a ko metaki ŋutu ti Yakobo, iŋkoi daraesi a ko metaki ŋutu ti Yisaraele. MATAT Ŋun lose gwon ko lepeŋat, a pupuresi nagoŋ pupurarikin mor gwe kase kiden.

Kenet 23:9

Kogwon nan a metun lepeŋat i kusik ti merya, iŋkoi nan a metun lepeŋat i lurwat loki; mete, ŋina a kötumit nagoŋ si ’da geleŋ, a gwe ’bayin i keŋdya na ’börik i kiden na jurön.

Konesi 17:27

ŋun koŋdya sona anyen ŋutu liŋ ködyö ga ’yu lepeŋ, anyen se ’ba ’bakaddu lepeŋ kode ŋona se ryöryö lepeŋ. Ama lepeŋ ti gwon pajo koyi liŋ geleŋ geleŋ.

Nyökit 26:19

a nye mo tiŋdi ta i ŋerot na jurön liŋ logon nye aje gwe kulo i gwon a ŋutu lo pupura, ko a lokukwön, ko a lo bubula, anyen ta gwon a gweya na ŋutu loke lo rurwan ti MATAT Ŋun losu gwoso na jambi nye nu.

Nyökit 33:29

Ta ŋutu ti Yisaraele ’diri a kalyöŋök! Ko ŋa logon gwoso ta logon a gweya na ŋutu logon MATAT a lwök kulo! MATAT a ’buku paret nasu, ko a baŋdu telet losu. A merok kasu mo mamanyuŋdye kasu ni; a ta mo ryoryöggi ko ’dulan kase.

Nyökit 4:32

Nyena pije ta böŋö i kulya ti perok lo lwöŋgu, logon ta nyuŋ ’bayin kulu, suluja i lu lor lo gweji ŋun ŋutu i na kak nu, ko pije ta i na ’dutet na kak tojo ko nu, kode nene ŋo sörit gwanan ’beron a kona kode a yiŋa.

Nyökit 5:26

Kogwon ŋuto a ŋa i ŋo liŋ lo gwon jörun kulo logon aje yiŋga gworo lo ŋun lo gwon jorun lo i jambu i lukata na kimaŋ gwoso nikaŋ na, a nye gwe a ko twan le?

Yakobo 4:8

Miju ta nyona ko Ŋun ni, a lepeŋ mo miju kasu nyona. Ta katoronyak, lalane ta lala konisi kasu. Ta ŋutu logon ko yeyeesi murek murek, tokele ta toke toilyet kasu.