Nyökit 4:6 - Bibilia Buk na Ŋun nagon koti luŋu a

⁶ Tiji ta i koŋdya na se; kogwon ŋina mo gwe a koŋon nasu ko a kuruŋdyö nasu i komor na gweyajin liŋ ti ŋutu. A na yiŋge se kilo saresi lo wurö liŋ kulo nu, a se mo kulyani adi, ’Diri na kötumit duma gwon ko ŋutu lokoŋ lo kukuruŋdyö kulya.

Nyökit 4:6 ပူးပေါင်းရင်းမြစ်များ

1 Moran 4:34

a ŋutu poŋdi i jurön liŋ ka ’de ka ’de ko i moran liŋ ti kak logon a yiŋ lore lo koŋon nanyit kulo i yiŋga na koŋon na Solomona.

Eyobo 28:28

A lepeŋ takiŋdye ŋutu adi, Mete ta, koŋon gwon a kugga na MATAT; a kuruŋdyö na kulya gwe a kö ’yu na toron.

Saumajin 111:10

Suluja na koŋon ŋo i kugga na MATAT; ŋutu logon kugga lepeŋ kilo gwon ko denet na ’but. Lepeŋ pupura ŋupi.

Saumajin 19:7

Saret lo MATAT a lo ’but liŋ, a toruje ködudwö. Todinet na MATAT a ’diri, a tokoŋ-gi ŋuto logon a ko den kulya.

Saumajin 19:8

Jujuwesi ti MATAT a na ’but, a tulyöŋgi töili, saresi ti MATAT a loke adi lor, a pararaji konyen.

Tolupesi 1:4

Nye a jambu se anyen ŋutu logon yeyeesi kase a namunyak boŋo wuju dendya na kulya, a teton tikine dendya se ko totolok.

Tolupesi 1:5

Ko ŋuto lokoŋ gwon i yiŋga a lepeŋ koti ’ya ’yi dendya nanyit, a ŋuto lo kurundyö kulya ryeji koŋon,

Tolupesi 1:7

Suluja na koŋon po i kugga na MATAT; ama ŋutu lu ’boŋ lalaun koŋon se ko tojumisi.

Tolupesi 14:34

Jur logon kondya ko torigwo bubula, ama ŋutu logon kondya toron jur lose lalawe.

Tolupesi 14:8

Koŋon na ŋuto lotolok tindu lepeŋ i kurundyö na kiko lonyit, ama ’boŋon na ŋutu lu ’boŋ nyo-moddu lepeŋat i kiko loron.

Yisaya 42:21

A MATAT iŋge lyöŋön, kogwon tugwakan nanyit, i yuöŋgu na todinesi kanyit ko i tiŋdu na se i bubula.

Yeremia 8:9

Ŋutu lokoŋ mo totoyuö kusik, a mo todelyani todelya, a momokani momoka. Lepeŋat a renya kulyaet lo MATAT, a koŋon na gwon kase na gwe a nyo?

Ejikele 5:5

MATAT ŊUN lo kulya sona adi, Na a Yerusalema nagon nan a tikin i kiden na gweyajin ti ŋutu se ko jurön lo lorga lepeŋ kulo.

Daniele 1:20

A mor iŋge ryo lepeŋat a lo ’but parik daŋin puök Iwolwoŋ ’bunuk liŋ se ko kajwojwoŋok lo gwon kanyit i tumatyan ’bukuluŋ, i kulya lio ti koŋon ko ti kuruŋdyo nagon nye a pipije lepeŋat.

Daniele 4:9

Pon Beletesasar duma lo ’bunuk, nan a den adi mulö-kotyo lo Ŋun loke kata konut i mugun, kogwon nene Iwon ’bayin nagon a nago konut. Maŋina rudweet nagon nan a met na; taki nan tokoret nanyit.

Osea 8:12

Ma ’di nan ködyö a wurökin lepeŋat saresi kwe aliŋan puök, kölumbö a kilo saresi metani a ŋo kana.

Malaki 3:12

a juron liŋ mo luŋgi ta a kalyöŋök, kogwon ta mo gwon a Jur kalyöŋonit, nan MATAT lo kurumi lo kulya.

Nyökit 29:9

Nyena tiji ta tiju i koŋdya na kulyaesi ti ŋina tomoret, anyen ta puputuru ŋerot i ŋo liŋ nagoŋ ta kökon kine.

Nyökit 32:46

a nye kulyani ko se adi, Tiŋdi ta töilyet kasu i ’debba na kilo kulyaesi liŋ logon nan aje tukökin ta i lo lor kilo; anyen ta sarakin ŋwajik kasu, anyen se böŋö tiju i koŋdya na kulyaesi liŋ ti kilo saresi.

Nyökit 32:47

Kogwon kine kulya ti gwon a ŋo kana kasu, ama se gwon a ru nasu, kogwon ko ta kökon kine kulya a ta mo si ’dani kiŋajin jore i jur logon ta mo laŋaddu i nu pele na Yardene i morga lu.

2 Timoteo 3:15

Do deden adi suluja i tolupudien inot do aje diniki kulya nake na wuro nagon a ti ŋun, nagon bubulo tokuŋukiŋdyo do i lwoko na yubbi do Kristo Yesu na.

Yakobo 3:13

Ŋuto ŋona kata kasu kiden logon a lokoŋ ko kukurun kulya le? Ti gwiliŋit lonyit ko ti konesi kanyit kwekiŋdye tokoyok nagon pukun i koŋon nagon a gwak.