Nyökit 4:40 - Bibilia Buk na Ŋun nagon koti luŋu a

⁴⁰ Nyenagoŋ ta ködyö ’debba saresi kanyit lo wurö ko jujuwesi kanyit logon nan saŋi ta i lo lor kulo, anyen kulya kasu mo gwon ’bura, ko i ŋwajik kasu kasu i mukök, ko anyen perok kasu mo gwon jore i jur logon MATAT ŋun losu a tikin ta asut lu.

Nyökit 4:40 ပူးပေါင်းရင်းမြစ်များ

Saumajin 105:45

anyen se ködyö ’debba saresi kanyit lo wurö, ko i twöju na saresi kanyit. Pupurje ta MATAT!

Yuörö 20:12

Bule bu munyi se ko ŋuti, anyen do si ’da kiŋajin jore i jur logon MATAT ŋun ilot titin do lo.

Yuörö 23:26

Nene ŋuto ködyö ’bayin kasu i jur nagon köruŋdyö ŋuro kaŋo kode gwon a ’baŋ; a nan mo tiŋdi ta i si ’da tojo ko kiŋajin kasu a temakiŋdya.

Katokuönit 8:12

Ma ’di ködyö katoronya­nit totorondya daŋin mia geleŋ a si ’dani ko diŋit a najo, ama nan deden adi ŋutu lo kugga ŋun kilo mo sisi ’da ’bura kogwon se kukujönö ko lepeŋ i komor;

Yisaya 65:20

A ta mo tine yiŋ kulya ti twan na ŋuto nyu ko nye nyuŋ a lupudi lo ’dit, a tine yiŋ twan na ŋuto modoŋ logon a ko nyuŋ tutuŋgö kiŋajin kanyit, nye logon twa ko kiŋajin mia geleŋ nyuŋ twa a titinti, a ŋuto logon a ko yeŋga i kiŋajin mia geleŋ lo mo jamani adi nye a lömö.

Yeremia 11:4

nagon nan a sarakin merenyejin kasu i diŋit na joŋdi nan se kaŋo i jur lo Ejipeto logon a tuka nitet lu. Nan köju a kulya ko se adi, Yiŋge ta gworo lio, ko koŋdi ta ŋo liŋ nagon nan a sarakin ta kune, nyena a ta mo gwe a ŋutu kwe, a nan mo gwe a Ŋun losu.

Yeremia 35:18

A nan Yeremia kulyani ko kötumit na Rekaba adi, MATAT lo kurumi Ŋun lo Yisaraele lo kulya adi, Kogwon ta aje twöju saret lo Yonadaba merenye losu, a ta iŋge ’debba todinesi kanyit liŋ, a koŋdi po liŋ nagon lepeŋ a sarakin ta kune,

Yeremia 7:23

Ama lo a saret logon nan a sarakin lepeŋat adi, Yiŋge ta gworo lio, a nan mo gwe a Ŋun losu, a ta mo gwe a ŋutu kwe, ko wöröni ta i kiko logon nan a sarakin ta lo, anyen böŋö gwon a na ’but kasu.

Yeremia 7:7

nyenagon a nan mo rukökiŋdye ta i si ’da i na pirit, kweja adi i lo jur logon nan köju ’beron a tikin merenyejin kasu anyen gwon a lose ŋupi ŋupi lo.

Lewi 22:31

Nyena a ta ködyö ’debbi saresi kwe sona a koŋdi lepeŋat: nan logon a MATAT.

Kenet 10:29

A Mose kulyani ko Obaba ŋuro lo Ruele, ŋuto lo Midiyan, ŋogwo lonyit adi, Yi kulo yuörö tojo ko nu pirit nagoŋ MATAT a jambu kulya kanyit adi nye mo titin yi na; moraddi koyi, a yi mo konakiŋdye do ’bura; kogwon MATAT a jambu ŋo na ’but i kulya ti Yisaraele.

Yoane 14:15

Ko ta nyanyar nan ta ’de ’dep saresi kwe;

Epeso 6:3

anyen kulya kunök mo gwon ’bura, a do mo gwolore gwolor diŋit a najo i na kak.

Nyökit 11:9

anyen ta böŋö si ’da diŋit a najo i jur logon MATAT a milyekin i tiŋdu na merenyejin kasu ko nyakwariat kase lu, ŋilu jur logon ko le ko siwatat ’do ’dokon kata lu.

Nyökit 12:25

Ta ködyö ti nyesu se; anyen kulya kasu ko ti ŋwajik kasu logon kasu i mukök kulo böŋö tu ’bura na koŋdi ta kulya na rigwo ko MATAT i metet nu.

Nyökit 12:28

Agu ŋi ta tiju i yiŋga na kilo kulyaesi liŋ logon nan a saŋi ta kilo, anyen na koŋdi ta kulya na ’but ko na rigwo ko MATAT Ŋun losu i metet nu, a kulya kasu ko ti nyakwariat kasu mo iti ’bura ŋupi.

Nyökit 22:7

a do ködyö kölöddi ŋote i tu, ama a do bulöni bulö joŋga torela kanyit a kunök; anyen kulya kunök mo gwon ’bura; a perok kulök mo gwe jore.

Nyökit 25:15

A ta ködyö gwe ko witiot temesi ko koresi na ’but nagoŋ gwogwo; anyen ta ködyö si ’da ko kiŋajin jore i jur logon MATAT Ŋun losu mo titin ta lu.

Nyökit 32:47

Kogwon kine kulya ti gwon a ŋo kana kasu, ama se gwon a ru nasu, kogwon ko ta kökon kine kulya a ta mo si ’dani kiŋajin jore i jur logon ta mo laŋaddu i nu pele na Yardene i morga lu.

Nyökit 33:25

Tokowesi kunök ti kötumit mo gwon a witiöt ko a mölwö; a do mo yeŋe ko riŋit temba na gwoŋdi do jörun na.

Nyökit 4:1

Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

Nyökit 4:2

A ta ködyö tine ’yalakiŋdya i kulyaet logon nan a saŋi ta, kode ’dumaddu kata; anyen ta böŋö ’debba saresi ti MATAT ŋun losu logon nan aje sarakin ta kulo.

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Nyökit 4:6

Tiji ta i koŋdya na se; kogwon ŋina mo gwe a koŋon nasu ko a kuruŋdyö nasu i komor na gweyajin liŋ ti ŋutu. A na yiŋge se kilo saresi lo wurö liŋ kulo nu, a se mo kulyani adi, ’Diri na kötumit duma gwon ko ŋutu lokoŋ lo kukuruŋdyö kulya.

Nyökit 5:10

ama nan nyaŋu ŋutu ko nyaŋu nagoŋ ti ’duddyö kwöŋ kweja adi nan nyaŋu ŋutu alipan logon nyanyar nan ko ’de ’deŋ saresi kwe kilo.

Nyökit 5:16

Bule bu munyi se ko ŋuti, gwoso nagoŋ MATAT ŋun ilot a saŋi do; anyen do si ’da kiŋajin jore, a kulya kunök iti ’bura i ŋilu jur logon MATAT ŋun ilot a tin do lu.

Nyökit 5:29

Ködyö a na ’but ko se gwon ko yeyeet gwoso ŋina temba i perok liŋ i kugga na nan ko i ’debba na saresi kwe liŋ, anyen kulya kase ködyö tu ’bura se ko ŋwajik kase ŋupi!

Nyökit 5:33

A ta ködyö wöröjine i kiko liŋ logon MATAT ŋun losu a saŋi ta lo, anyen ta böŋö gwon jörun, ko anyen kulya kasu böŋö tu ’bura, anyen ta si ’da kiŋajin jore i lu jur logon ta mo ’de ’deŋ lu.

Nyökit 6:18

A ta ködyö koŋdi kulya na ’but na rigwo ko MATAT i komor, anyen kulya kasu tu ’bura, anyen ta lupö lukata i morga na lu jur lo ’but logon MATAT a milyekin merenyejin kasu,

Nyökit 6:3

Nyenagoŋ yiŋge ta pon kötumit na Yisaraele, ko ŋi ta i koŋdya na se; anyen kulya kasu böŋö tu ’bura, anyen ta ŋöŋdi jore i jur logon ko le ko siwatat ’do ’dokon lu, gwoso nagoŋ MATAT ŋun lo merenyejin kasu aje milyekiŋdye ta nu.

1 Timoteo 4:8

Tojumbu na mugun gwon ko ’bulit a na ’dit, ama twöju na Ŋun gwon a ’bulit i ŋo liŋ, kogwon ŋina twöju rurukökin kulya ti gwiliŋit lo soŋinana se ko gwiliŋit lo popo.