Nyökit 4:4 - Bibilia Buk na Ŋun nagon koti luŋu a

⁴ ama ta liŋ logon aje ’depakiŋdya ko MATAT ŋun losu kulo ta soŋinana gwon jörun i lo lor.

Nyökit 4:4 ပူးပေါင်းရင်းမြစ်များ

Saumajin 63:8

Nan ’depakindya konut; do lo töggu nan ko könin ilot lutaten.

Yisaya 26:20

Ta logon si ’da i ŋutut, purwene ta, yoloni ta ko lyöŋön! Kogwon puŋutut ilot a puŋutut lo parara, a kak mo topunuŋdye ŋutu lo twatwa köti. Ta ŋutu kwe, po ta, lupöni ta kasu i toŋkwetan lukata, kiŋdi ta kötumitön kasu i mukök; ’de ’yi ta ’börik diŋit a na ’dit tojo ko tukaŋan a lwöpöddu.

Ejikele 9:4

A MATAT takiŋdye lepeŋ adi, Wöröjine i lukata na köji na Yerusalema ’bukuluŋ, wurökiŋdye gwuluet i komorsikan ti ŋutu logon ’du ’duwatu ko dedelya ti ’bön ŋo na mamana na kokona nyu kilo.

Konesi 11:23

a na ’durökiŋdye nye a meddi ’busan na Ŋun nu, a nye iŋge lyöŋön; a nye jujukiŋdye se liŋ anyen ’depakiŋdya go i yubbö na Matat ko töilyet kase liŋ.

Roma 12:9

Ti nyaŋu gwe a na to ’diri. Mane ta man ŋo narok, ’depakiŋdye ta go i morga na ŋo na ’but.

Nyökit 10:20

Ta ködyö kukuk MATAT Ŋun losu, a ta ködyö kitakiŋdye lepeŋ, a ta ’depakiŋdye ko lepeŋ ŋo, a ta milyeji ko karin kanyit.

Nyökit 13:4

A ta ködyö kebbi MATAT Ŋun losu, i kugga na lepeŋ, ko i ’debba na saresi kanyit, ko i yiŋga na gworo lonyit, a ta kitakiŋdye lepeŋ i ’depakiŋdya ŋo ko lepeŋ.

Nyökit 30:20

i nyaŋu na MATAT Ŋun losu, i yiŋga na gworo lonyit, ko i ’depakiŋdya ko lepeŋ ŋo; kogwon koŋdya sona a ru nasu ko a jolan na kiŋajin kasu, anyen ta böŋö si ’da i lu jur logon MATAT a milyekin merenyejin kasu logon a ko Abarayama, ko Yisaka, ko Yakobo, i tikiŋdya na lepeŋat lu.

Nyökit 4:3

Nyena ta aje met ko konyen kasu konesi ti MATAT Bala-peor yu; kogwon MATAT ŋun losu a tukaŋu kasu kiden ŋutu liŋ lo kebbu Bala logon a ŋun lo Peor;

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Yosua 22:5

Ama meddi ta ’bura i koŋdya na jujuwet se ko saret, logon Mose köliŋönit lo MATAT aje saŋi ta kilo, i nyaŋu na MATAT ŋun losu, ko i wörö kanyit i kikolin liŋ, ko i ’debba na saresi kanyit, ko i ’depakiŋdya go ko lepeŋ, ko i kitakiŋdya na lepeŋ ko töilyet kasu liŋ se ko ködu dwölön kasu liŋ.

Yosua 23:8

ama ’depakiŋdye ta go ko MATAT Ŋun losu, gwoso na koŋdi ta tojo ko lo lor na.

Kweyatti 14:4

Kilo a ŋutu logon a ko toluddö ’börik ko ŋutu wate, kogwon se a tiju ’börik a loke. Lepeŋat wörö i pirit na geleŋ ko ŋilo Kilolor ko nye tu da. Lepeŋat a dakwe i kiden na ŋutu gwoso ludweki waŋesi ti kokwe a ti Ŋun ko a ti ŋilo Kilolor.

Kweyatti 20:4

A kirut nan meddi si ’daesi ti tumatyan, a ŋutu lo si ’da kata kulo iŋge tiki kido ’duget na putesi. A nan meddi ködudwölön ti ŋutu logon kusik kase a ’duŋgö kaŋo kogwon se a tökoŋu adi Yesu a gwak a se iŋge laŋa Kulyaet lo Ŋun. Lepeŋat a ko twöju ŋilo gworoŋ kode nyömue nanyit, a gwe a ko gigiruki gwuluet nanyit kase i komorsikan kode kase i könisi. A lepeŋat iŋge ru köti a tumatyane ko Kristo i pirit na geleŋ ko kiŋajin aliŋ geleŋ.