Nyökit 4:31 - Bibilia Buk na Ŋun nagon koti luŋu a

³¹ kogwon MATAT ŋun losu a ŋun kapitönit; nye mo ti paju ta, kode köŋu ta, nye mo ti böŋö tomoret na tetena ko merenyejin kasu nagoŋ nye a milyekin se nu.

Nyökit 4:31 ပူးပေါင်းရင်းမြစ်များ

1 Dekat 28:20

A kirut Dawidi kulyani ko Solomona ŋuro lonyit adi, Gwe do a iŋgo ko a purutat, ko kitani kita. An do ko kujönö, an do ko delya; kogwon MATAT ŋun logon a ŋun lio gwon ko do. Nye mo ti koruŋdya mugun kaŋo konut kode kö ’yu do, tojo ko kitajin liŋ nagon ködyö kökona i kadi na MATAT kine a tutuŋgö.

2 Dekat 30:9

Kogwon ko ta a yitwe ko MATAT ni, a kamomokak ti luŋasirik kasu se ko ti ŋwajik kasu mo won konyen ko lepeŋat a mo koluŋdye lepeŋat i lo jur. Kogwon MATAT Ŋun losu a kanyaranit, ko wowon konyen, a nye mo tine lopukoddu komor nanyit kaŋo kasu ko ta a yitwe kanyit ni.

Nemaya 1:5

A nan momo ’yi adi, Pon MATAT ŋun lo ki, do ŋun duma lo kukujonorikin, logon ’debba tomoret inot ko nyaŋu inot nagon ti ’duddyo kwöŋ i ŋutu logon nyanyar do ko tiju saresi kulok kilo;

Nemaya 9:31

Ama nagon ko nyaŋu inot duma nagon ti ’duddyö na, do a ko tutuŋ lepeŋat asut kode kolökin se; kogwon do a Ŋun logon a kanyaranit ko a kapitönit.

Saumajin 103:8

MATAT wowon konyen parik ko ŋutu a gwe a kanyaranit, nye a ’dikö i woran ko a jore ko nyaŋu nagon ti ’duddyö kwöŋ na.

Saumajin 105:8

Leŋeŋ a kayeyeonit lo tomoret nanyit ŋupi, nye a kayeyeonit lo ŋilu kulyaet logon nye a sarakin lo tojo i nyakwariat aliŋ geleŋ.

Saumajin 111:4

Nye a tindu kitajin kanyit sörösi i yeyeo; MATAT a kanyaranit parik ko wowon konyen ko ŋutu.

Saumajin 111:5

Nye a tindu ŋutu lo kukuk nye kilo kinyo lo nyenyei; nye yeyejutu tomoret nanyit.

Saumajin 111:9

Nye a sondu a iŋge lwökundyö ŋutu kanyit, nye a togwi ’dikindya tomoret nanyit go ŋupi ŋupi. Karin kanyit a nake kukujönörikin.

Saumajin 116:5

MATAT wowon konyen, ko a lo rigwo, iŋkoi, Ŋun likaŋ a kapitönit.

Saumajin 86:15

Ama do ŋon MATAT, do a Ŋun logon wowon konyen parik ko ŋutu, do a kanyaranit, do a ’dikö i woran ko a jore ko nyaŋu nagon ti ’duddyö kwöŋ na ko to ’diri.

Saumajin 86:5

Kogwon do MATAT, gwon a lo ’but, do gwon ajo i pitökindyö, do nyanyar ŋutu liŋ lo luluŋgu do kilo ko nyaŋu a duma.

Yuörö 6:8

A nan mo tolupödöi ta i ŋilu jur logon nan a ’doggu könin lio ki i milyekiŋdyo tiŋdu Abarayama, ko Yisaka, se ko Yakobo lu; a nan mo tiŋdi ta ŋilu jur a lomore losu. Nan logon a MATAT.

Yeremia 14:21

Böŋö an do ko renya yi kogwon karin kunök; an do ko lauŋdya si ’daet inot na tumatyan nakwekwelen; böŋö yeyene yeye, an do ko ’beleŋ tomoret inot koyi na.

Yeremia 30:11

Kogwon nan MATAT lo kulya adi, Nan gwon ko ta a mo lwöggi ta. Nan mo togirökiŋdyö jurön liŋ logon nan aje toreaddu ta kata kulu, ama a nan mo tine togirökiŋdyö ta. Nan mo ti kölörö ta i tu kana ’bak riŋa, ama nan mo ririŋ ta ko temet na gwon jojo.

Lewi 26:42

nyena a nan mo yiyiuŋdye tomoret nio ko Yakobo, a nan mo yiyiuŋdye tomoret nio ko Yisaka ko tomoret nio ko Abarayama, a nan mo yeyeji lu jur.

Lewi 26:44

Ama ma ’di i kine kulya liŋ, na gwoŋdi lepeŋat i jur lo merok kase nu, a nan mo tine renya lepeŋat, köti a nan mo tine maŋdu se i tukaŋu na lepeŋat asut, ko i ’beleŋgu na tomoret nio ko se; kogwon nan logon a MATAT Ŋun lose;

Lewi 26:45

ama kogwon kulya kase a nan mo yiyiuŋdye tomoret nio ko merenyejin kase logon nan köju a jon kaŋo i jur lo Ejipeto a jurön liŋ memeddya, anyen nan böŋö gwon a Ŋun lose: nan logon a MATAT.

Yona 4:2

A nye momo ’yi MATAT a kulyani adi, Böŋo pon MATAT, a ko temakiŋdya köyö i kutuk na gwoŋdi nan köyo i jur nu le? ŋina a kwe nagon nan a nyoŋga wokön Tarasisa; kogwon nan a den adi do a Ŋun kanyaranit ko wowon konyen ko ’di ’diko i woran, ko a jore ko nyaŋu nagon ti ’duddyö kwoŋ, ko lölopuggö i ŋo nagon do konakin i ŋutu.

Mika 7:18

ŋa logon a ŋun gwoso do logon pipitokiŋdyö toronjin, a girara a swot a tine met lyaŋesi ti pitönö ti ŋutu kulok lomoriot? Do ti ’de ’ya woran inot ŋupi, kogwon do nyonyola i kwekiŋdya na nyaŋu inot nagon ti ’duddyo kwoŋ na.

Kenet 14:18

MATAT a ’dikö i woran ko a jore ko nyaŋu nagoŋ ti ’duddyö kwöŋ, lepeŋ pipitökiŋdyö lyaŋesi ko toronjin na kona aka, lepeŋ kwöŋ ti kulya adi katoronyak ’bak kulya, lepeŋ roropakiŋdya lyaŋesi ti komonye i kusik ti ŋwajik kase, ko i kusik ti nyakwariat tomusala ko toiŋwan.

Luka 1:72

Lepeŋ koti koju a kulya adi nye mo wowon konyen ko merenye-jin kaŋ, a nye mo yeyeji tomoret nanyit nake ko ŋutu kanyit.

Nyökit 31:6

Gwe ta a iŋgo ko a purwat, ko kujönö ta, ko rigwökö ta ko se: kogwon MATAT Ŋun losu lo tu ko ta; a nye mo tine koruŋdya mugun kaŋo kasu, kode kö ’yu ta.

Nyökit 31:8

A MATAT lepeŋ mo iti konut ŋerot; a nye mo gwe ko do, a nye tine koruŋdya mugun kaŋo konut, kode kö ’yu do; an do ko kujönö, ko an do ko delya.

Ebere 13:5

Ti gwiliŋisi kasu gwe pajo i nyaŋu na gurut, yimönöni ta ko ŋo nagon a kasu, kogwon Ŋun ko mugun nanyit a kulya adi, Nan mo ti koruŋdya mugun kaŋo kasu kwöŋ, a nan mo tine kö ta asut.

Yosua 1:5

Aŋuto lele mo gwe ’bayin logon bubulö te ’ya do perok liŋti gwiliŋit inot; a nan mo gwe ko do koti gwoso na gwoŋdi nan ko Mose nu; a nan mo tine koruŋdya mugun kalor konut kode ko ’yu do.