Nyökit 4:26 - Bibilia Buk na Ŋun nagon koti luŋu a

²⁶ A ko ködyö mo gwon sona, a nan luŋgi ki ko kak i kwekiŋdya na kulya kasu adi ta mo totoliki asut i diŋit a na ’dit i lu jur logon ta mo laŋaddu i nu pele na Yardene i morga na lepeŋ lu. Ta mo ti gwon ko perok jore nyu, ama ta mo tutukara asut.

Nyökit 4:26 ပူးပေါင်းရင်းမြစ်များ

Suluet 19:13

kogwon yi de kökör ŋina pirit. Gwien na Ŋutu i kulya ti Ŋutu ti na köji gwe a duma parik ko MATAT i komor, nyena MATAT aje sunyuŋdyö yi i köŋu na lepeŋ.

1 Moran 9:7

a nan mö ’duŋöddi ŋutu ti Yisaraele kaŋo i jur logon nan aje tin se lo; a nan mo tolikiŋdye ŋina kadi köyö i metet nagon nan aje gelakin karin kwe na; a ŋutu ti Yisaraele mo gwe a temet ko a tojowet i kiden na jurön liŋ.

Yisaya 1:2

Ta ’dikolo, yiŋge ta, ko do kak, ŋaji swo; kogwon nan MATAT aje jambu adi, Nan a wowoja ko a to ’duŋo ŋwajik, ama a se aje renya nan.

Yisaya 6:11

A nan pipije adi, Diŋit ŋornan pon MATAT? a nye waddi adi, Tojo ko köjino a tukara ’bak ŋutu lo gwolor kata, a kadijik gwe ’bak ŋutu, a nu kak tukarani asut,

Yeremia 16:13

Nyenaŋon a nan mo gubaddi ta kaŋo i lo jur tojo i jur loron ma ’di ta kode merenyejin kasu a ko den lu, a ta mo kitakiŋdye kulye gunyen nyu ko tuparan ko tukwaje, a nan mo tine won konyen ko ta.

Yeremia 2:12

Ta ’dikolo, rigwököni ta rigwökö i kine kulya. iŋkoi, böŋdi ta böŋdu ko delyani ta delya ko töilyet iupötwör, ŋilo a nan MATAT lo jambu,

Yeremia 22:29

Do jur, do ŋilo jur, do jur, yiŋge ta kulyaet lo MATAT!

Yeremia 32:24

Mete, merok aje ’du ’du ’yu ’domio ti liŋo nyona ko köji anyen tumarikin lepeŋ. Köji aje tiki i könisi ti ŋutu ti Kaledea logon po i mörö ko lepeŋ kulo, a ŋutu kanyit mo tatuani ko baŋdujin, ko dyag se ko twanti iŋgo. ŋo nagon do aje jam kune aje kona, do aje met se.

Yeremia 44:22

Nyena MATAT aje dara poŋga konesi kasu narok, ko po na mamana na kon ta kine; nyenagon jur losu aje wora a murwö, ko a torigwökit, ko a lömit, ’bak ŋutu lo si ’da kata gwoso i lo lor na.

Yeremia 6:19

Do kak, yiŋge, nan ŋilo jakiŋdya kilo ŋutu ŋo narok a ropesi ti ŋo na yeye se kune, kogwon se a ko tiriku ’debba kulyaesi kwe, a renyani saresi kwe.

Ejikele 33:28

A nan mo koŋdi jur a murwö ko a ruba; a riŋit nagon ŋilo jur bu ’ye mugun na mo ’bakani ’baka, a merya ti Yisaraele mo gwe a rubajin, anyen po gwon ’bayin lo lwöpöddu kata.

Ejikele 36:4

Nyenagon ta merya ti Yisaraele, yiŋge ta kulyaesi kwe ti MATAT ŊUN, na kulyari nan ko merya, ko lurwat, ko karya, ko piritön na ’dir, ko piritön nagon a murwoki, ko köjinö nagon aje kölöki kana ’bak ŋutu ko a ryaka, nagon ŋutu ti kulye jurön lo didipö kulo ’dö ’dö se.

Lewi 18:28

An ta ko mirakiŋdya se i toluddya na jur an lu jur jaun ta kaŋo, gwoso na jauŋdye lepeŋ kaŋo lu gweyari lo ŋutu lo si ’da nyu a kokwe nasu.

Mika 1:2

Ta ŋutu lio, yinge ta; do kak se ko ŋo liŋ na gwon konut lukata kine, yiŋge ta; ti MATAT Ŋun lo gwon i kadi nanyit nake na rurwan lo, gwe a katokoronit lo toronjin kasu.

Mika 6:2

Ta merya, se ko ta pipilesi ti kak lo yeyeŋon ŋupi, yiŋge ta rerenyesi kwe ti MATAT, kogwon nan MATAT kata ko rerenyet ko ŋutu kwe, a nan mo rerenyani ko Yisaraele adi,

Luka 21:24

a se mo tatuani tatua ko baŋdujin, a se mo momokajine i jurön liŋ a ’dupi, a Lwaka mo ryoggi Yerusalema, tojo ko diŋitan kase na wulwe a temakiŋdya.

Nyökit 11:17

a woran na MATAT mo tuleki kasu, a nye kiŋdi ’dikolo, a kudu gwe ’bayin, a kak tine radan ludweki, a ta mo tolikine ’de ’de i lu jur lo ’but logon MATAT a tin ta lu.

Nyökit 28:20

A MATAT mo sunyukiŋdye kasu loki lömit ko köburet ko riŋet i ŋo liŋ na kon ta kune, tojo ko ta a körö ko a toliki ’de ’de, kogwon kulya ti toron na konesi kasu, kogwon ta aje paju nan.

Nyökit 28:22

A MATAT mo riŋge ta ko twanti lo tosogga ŋutu, ko sa ’yu na mugun, ko tupapipi, ko mugun na ’yuŋa pape gwoso kimaŋ, ko kolor, ko teteyon nagoŋ adi kworok, ko buggi; a kine ŋo mo kepoddi ta tojo ko ta a toliki.

Nyökit 28:45

a kine lömisi liŋ mo poki kasu, a mo kepoddi mukök nasu, a mo baranya-kiŋdye kasu ki tojo ko ta a toliki, kogwon ta a ko yiŋga gworo lo MATAT Ŋun losu, i ’debba na jujuwesi kanyit se ko saresi kanyit lo wurö logon nye a saŋi ta kulo.

Nyökit 28:61

Köti a MATAT mo joŋdi kasu gilesi liŋ ko riŋesi liŋ logon a wuröki i buk na kilo saresi kulo, tojo ko ta a tukara adi sit.

Nyökit 29:28

a MATAT iŋge gwunyun se kaŋo i jur ko woran, ko yulön, se ko tukaŋan a duma, a gubaddi se i lele jur, gwoso na lo lor na.

Nyökit 31:28

Momoraki ta nan temejik ti kötumitön kasu liŋ, ko katiyuk kasu, anyen nan böŋö jamakiŋdya se kilo kulyaesi kase i swö i luŋgu na ki ko kak a katökorok kase.

Nyökit 32:1

Ta ’dikolo, yiŋge ta, nan lo jajambu; do kak, yiŋge kulyaesi lo po köyö i kutuk kulo.

Nyökit 7:4

Kogwon se mo togiraddu ŋwajik kasu kaŋo i kepöddu na MATAT, a kitakiŋdye kulye Ŋunyen; nyena a woran na MATAT mo tuleki kasu loki a nye mo tukaŋi ta ’de ’de.

Nyökit 8:19

A mo gwe sona ko ta a böŋö MATAT Ŋun losu, i kepöddu na kulye Ŋunyen, ko i kitakiŋdya na se, ko i kwakwaddu na se, nan a kunyaŋu ta i lo lor adi ta mo totoliki asut.

Nyökit 8:20

Iŋkoi ta mo totoliki gwoso jurön logon MATAT a tolikin kasu i komor kulu, kogwon ta ti ’bon yiŋga gworo lo MATAT Ŋun losu.

Yosua 23:16

ko ta ködyö a la ŋgu tomoret na MATAT Ŋun losu nagon nye a sarakin na, anyen tu i kitakiŋdya na kulye ŋunyen, i dulakiŋdya na ’börik kak kase i komor i twöju na se; nyena a woran na MATAT mo tuleki kasu loki, a ta mo tukarajine kaŋo ’de ’de i lo jur lo ’but logon nye a tin ta lo.

Yosua 24:20

Ko ta a kö ’yu ŋilo MATAT a kitakiŋdye punyen logon a lwaka, a nye mo löpuköni löpukö a konakiŋdye ta arabat, a tutuŋge ta i mukök nagon nye aje konakiŋdya ta ’bura nu.