Nyökit 4:2 - Bibilia Buk na Ŋun nagon koti luŋu a

² A ta ködyö tine ’yalakiŋdya i kulyaet logon nan a saŋi ta, kode ’dumaddu kata; anyen ta böŋö ’debba saresi ti MATAT ŋun losu logon nan aje sarakin ta kulo.

Nyökit 4:2 ပူးပေါင်းရင်းမြစ်များ

Saumajin 78:7

Anyen se ködyö yinikindyö ’börik ko Ŋun, an se ko böŋö kitajin ti Ŋun, ama anyen ’debba saresi kanyit.

Tolupesi 30:6

An do ko ’ya ’ya kulyaesi kanyit, an lepeŋ riŋ do, a do ryeni a ’burönit.

Katokuönit 12:13

Na a ’dutet na kulya; do aje yiŋ se liŋ. Kuŋge ŋun, ko twöji saresi kanyit; sekine ŋo nagon ŋutu ködyö kökon.

Yeremia 26:2

Nan MATAT lo kulya adi, Gwo ’de i ’baŋ lo kadi nio na MATAT, ko jamaki ŋutu ti köjinö liŋ ti Yuda logon po i kwakwaddu i kadi nio na MATAT kulo, taki lepeŋat kulyaesi liŋ logon nan a sarakin do i jamakiŋdya na lepeŋat kulo; an do ko ’de ’ya lele kulyaet.

Matayo 5:18

’Diri nan takiŋdya ta adi, tojo ko ki se ko kak a likin, ma ’di leta geleŋ na ’dit kode kotet na leta mo ti likin i Saresi tojo ko kine ŋo liŋ aje kona.

Matayo 5:43

Ta aje yiŋ adi köju a saraki adi, Do ködyö nyanyar marate ilot a do maŋdi miriku ilot.

Galatia 3:15

Luŋasirik, ti nan tiki ta miret na ŋuto. Ko kulye nutu murek a torukökin kulya, a iŋge tanya kiŋ öya konisi kase kata, lele ŋuto ’bayin lo ’beleŋgu ŋina torukökin nase kode ’yalakiŋdya kunieŋo nyin.

Nyökit 1:3

A ko gwe sona i kiŋa tomerya Iŋwan, i lor geleŋ lo yapa topuök wot geleŋ, a Mose kulyani ko ŋutu ti Yisaraele gwoso i ŋo liŋ nagoŋ MATAT a sarakin lepeŋ i jambu ko se.

Nyökit 12:32

A ta ködyö tiji ŋo i koŋdya na ŋo liŋ nagoŋ nan a saŋi ta kunu; ta ti ’yalakiŋdya kode ’dumaddu kata.

Nyökit 13:1

Nyena ko ködyö nebi a pukun kasu kiden, kode karudwenit lo rudweesi, a tiŋdi ta kweyet kode sörit,

Nyökit 33:4

Mose a sarakiŋdya yi kilo saresi, anyen gwon a lomoriot ti kötumit na Yakobo.

Nyökit 4:14

a MATAT aje sarakiŋdya nan i nu diŋit i todinikiŋdyo na ta saresi lo wurö ko kulya na ’duŋ nye kune, anyen ta böŋö koŋdya se i lu jur logon ta laŋaddu nyin i morga lu.

Nyökit 4:40

Nyenagoŋ ta ködyö ’debba saresi kanyit lo wurö ko jujuwesi kanyit logon nan saŋi ta i lo lor kulo, anyen kulya kasu mo gwon ’bura, ko i ŋwajik kasu kasu i mukök, ko anyen perok kasu mo gwon jore i jur logon MATAT ŋun losu a tikin ta asut lu.

Nyökit 4:5

Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

Nyökit 5:29

Ködyö a na ’but ko se gwon ko yeyeet gwoso ŋina temba i perok liŋ i kugga na nan ko i ’debba na saresi kwe liŋ, anyen kulya kase ködyö tu ’bura se ko ŋwajik kase ŋupi!

Nyökit 5:32

A ta ködyö ŋi i koŋdya gwoso nagoŋ MATAT ŋun losu a sarakiŋdye ta na; a ta ködyö tine girara i swot lo lutaten kode lo kadoŋe.

Yosua 1:7

Tuŋ gwe do a iŋgo ko a purutat gwak, i tiju i koŋdya gwoso i saresi liŋ logon Mose kölipönit liŋ aje saŋi do kulu; an do ko lopukoddu kalor i se i könin lutaten kode i kadoŋe; anyen kulya kunok böŋo gwon ’bura i piritön liŋ na tiri do kunu.

Yosua 8:35

A lele kulyaet gwe ’bayin i liŋ nagon Mose a saŋi kunu nagon Yosua a ko kenakin i komor na mo-moret liŋ na ŋutu ti Yisaraele, mora ko ŋutu wate, ko lupudiet, se ko ŋutu lepelok logon si ’da kase kiden kulu.