Nyökit 4:19 - Bibilia Buk na Ŋun nagon koti luŋu a

¹⁹ Köti an ta ko ’biluru konyen kasu ki i ’diko, a ta meddi kolor ko yapa ko kaser, iŋkoi kurumi na ki liŋ, a ta lulukajine kaŋo anyen kwakwaddu se ko anyen kitakiŋdya se, kogwon MATAT ŋun losu aje korakiŋdya kine ŋo i gweyajin ti ŋutu liŋ lo gwon i na kak kulo.

Nyökit 4:19 ပူးပေါင်းရင်းမြစ်များ

Suluet 1:14

A Ŋun kulyani adi, Ti pararajin gwe i ’diko i koŋa na tuparan ko tukwaje; ti se gwe a kweyesi ti diŋitan, ko ti perok, se ko ti kiŋajin;

Suluet 2:1

Nyena a ki ko kak se ko Ŋo liŋ lo gwon i lukata nase kulo iŋge tutupöki sona.

2 Moran 17:16

A se paji saresi liŋ ti MATAT Ŋun lose, a tetenakiŋdye ’börik nyömuejin murek ti kaja nagon a mölwö nagon aje tolusökö; a se teteŋdi ködini lo mian logon a Asera, a kwakwaddi kaser liŋ ti ki, a kitakiŋdye Bala.

2 Moran 21:3

Kogwon nye a nyöggu ’duggö piritön kwakwase-si na gwon i ko ’dulan ti merya nagon Kijikia monye lonyit aje köŋu kune; a nye ’dukökiŋdye Bala piritön ’yuresi ti rubaŋgajin, a nye teteŋdi ködini lo mian logon a Asera, gwoso na koŋdi Aba mor lo Yisaraele köju nu, a nye kwakwaddi kaser liŋ ti ki, a kitakiŋdye se.

2 Moran 23:11

A nye joŋgi kaŋo kusanjin nagon moran ti Yuda a tikin kolor a ’dokesi. Kine kusanjin gwon i lupet na kadi na MATAT, nyona ko kadi na Natana-melek duma lo kadi na mor. Kadi nanyit gwon i lukata na mariŋ na kadi na MATAT. A mor ’yuŋe arabiajin lo jijikö logon a ti kolor kulo.

2 Dekat 33:3

Kogwon nye a nyoggu ’duggo piriton kwakwasesi na gwon i ko ’dulan ti merya nagon Kijikia monye lonyit aje tur kak kune; a nye ’dukokiŋdye Balajin piriton ’yuresi ti rubaŋga­jin, a nye teteŋdi kaden ti mian logon a Aserajin, a kwakwaddi kaser liŋ ti ki, a kitakiŋdye se.

Nemaya 9:6

Do a MATAT, do geleŋ; do a gweja ki ko wi nanyit, ko kurumi nanyit na ŋo liŋ, ko kak ko ŋo liŋ lo gwon i lukata nanyit, ko törön ko ŋo liŋ lo gwon i lukata nase; a do tiji se liŋ; a kurumi lio na ki bu ’ye do.

Saumajin 19:3

Tambu nase ’bayin, a kulyaesi kase gwe ’bayin, gworolo kase ti bulö yiŋa.

Yeremia 19:13

Kadijik ti Yerusalema ko kadijik ti moran ti Yuda mo totoluta gwoso Topet. Iŋkoi, lepeŋat liŋ totoluta, kogwon ŋutu a ’yurakiŋdya kurumi na po liŋ ti ki bökur, a ’bukökiŋdye kulye punyen rubaŋgajin ’bu ’bukesi i lo ’deka ti kadijik kase.

Yeremia 31:35

Kilo a kulyaesi ti MATAT logon tiŋdu kolor i pararaju i tuparan, a tiŋdi yapa ko kaser i pararaju i tukwaje gwoso i saresi kase, a topiji tör anyen yalajin kanyit rurumön, nye logon koŋdya kine po lo karin kanyit a MATAT lo kurumi.

Yeremia 33:25

Nan MATAT lo kulya adi, ’Diri ’diri ko nan ködyö a ko togwi ’dikiŋdya tomoret nio na tuparan ko na tukwaje, a ko nan kodyo a ko tiŋdu ki ko kak anyen kita ko saresi,

Yeremia 8:2

A kilo kuyu mo totorekine i komor na kolor, ko na yapa, se ko na kaser liŋ ti ki. Kogwon kilo ŋutu köju nyanyar se ko kikitakin se, a iŋge kebbu se, a iŋge ga ’yu se a kwakwaddi se. A kilo kuyu mo tine bulö pepena, kode nuka; a se mo ra ’dani kak gwoso woro.

Ejikele 18:6

Lepeŋ ti nyesu i piritön kwakwasesi na gwon i ko ’dulan ti merya kune, nye ti ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, nye ti toluddya narakwan na leŋe, kode doto ko ŋuto nagon lolo-kia.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Jepania 1:5

Kweja adi kilo a ŋutu logon dula-ki kak i lo ’deka ti kadijik loki i kwakwaddu na kaser ko kolor ko yapa; logon dulaki kak i milyeju ko nan MATAT a köti milyeji ko ŋun kana logon a Milikom;

Matayo 5:45

anyen ta böŋo gwon a ŋwajik ti Monye losu lo gwon ki lu, logon tiŋdu kolor nanyit i nyerakin i ŋutu lo ’but ko lorok, ko a sunyuŋdye kudu i ŋutu lo yiyiniki ko logon ti yiniki.

Konesi 7:42

Ama a Ŋun lopukuŋdye kaŋo kase, a tiŋdi se i kitakiŋdya na kaset ti ki, gwoso na wurorikin i buk na nebijin nu adi, Ta kotumit na Yisaraele, ta ŋona a ’duŋökiŋdyö nan toro ’bo a wukiŋdye a rubaŋgajin i yöbu yu kiŋajin merya iŋwan le?

Roma 1:25

Kogwon lepeŋat Iöpuggo kulya ’diri ti Ŋun a ’burönö, a se twöji a kwakwaddi ŋo nagon Ŋun lo gweja kune lwölwöŋ nye Ŋun Kagweyanit logon ködyo pupura ŋupi ŋupi lo! Amin.

Nyökit 13:10

A ta ködyö gugubuji lepeŋ ko ŋurupö tojo i twan; kogwon nye ga ’yu lulukaddu ta kaŋo ko MATAT Ŋun losu lo joŋdya ta kaŋo i jur lo Ejipeto i pirit na to ’dupien lo.

Nyökit 13:5

A ŋilo nebi, kode ŋilo karudwenit lo rudweesi ködyö tatuani tatua; kogwon nye a jambu togiresi i kulya ti MATAT Ŋun losu logon a joŋdya ta kaŋo i jur lo Ejipeto, ko a dakuŋdya ta kaŋo i pirit na to ’dupien lo, i lulukaddu na ta kaŋo i kiko logon MATAT Ŋun losu a saŋi ta i wöröri lo. A ta ködyö joŋe kulya narok kaŋo kasu kiden.

Nyökit 17:3

kogwon a tu i kitakiŋdya na kulye Ŋunyen ko i kwakwaddu na se, kode se a ko kolor ko yapa kode nene ŋo na kurumi na ki nagoŋ nan a sarakin ta adi ti gwe ti kona,

Nyökit 4:18

kode i gwuluet na nene ŋo na gwögwöŋtu kak, kode i gwuluet na nene sumuti na gwon i pioŋ lukata.