Nyökit 4:16 - Bibilia Buk na Ŋun nagon koti luŋu a

¹⁶ ama an ta ko koŋu ’börik i tetenakiŋdya na ’börik nene nyömue na gigiru i gwuluet na nene gweyari, kode i gwuluet na ŋuto lulalet kode nanakwan,

Nyökit 4:16 ပူးပေါင်းရင်းမြစ်များ

Yuörö 32:7

A MATAT kulyani ko Mose adi, Iŋgo iti, lulurara kak; kogwon Ŋutu kulök logon do a jon kaŋo i jur lo Ejipeto kulo aje köŋu ’börik;

Yisaya 40:18

Ta mo tojoju Ŋun ko ga? A ta tobeŋi lepeŋ ko nan gwuluet?

Yisaya 44:13

A kakepanit lo kaden rikiŋdye temet, a kökoroji lepeŋ ko wuret; a nye wöŋi lepeŋ ko woresi, a wuwuŋe lepeŋ ko wuret logon Wuŋo a lite; a nye teteŋdi lepeŋ gwoso ŋuto; ko kwelert na ŋutö, alyen si ’da kadi lukaia.

Ejikele 8:10

Nyena a nan lupöni lukata, a nan iŋge meddya ŋojino ti gweyajin liŋ ti ŋo lo gwogwo-ŋtu, ko ti kijakwa lo mamana, se ko nyömuejin liŋ ti ŋunyen ti kötumit na Yisaraele a wuröki lorga gorom.

Lewi 19:4

Ko wöriööddu ta i nyömuejin kode i tetenakiŋdya na ’börik ŋunyen lo ninitö: nan a MATAT Ŋun losu.

Lewi 26:1

Ta ködyö ti tetenakiŋdya ’börik nyömuejin, köti a ta ködyö tine togwi ’dikiŋdya ki nyömue lo gigiru kode ŋurupit, köti ti ta gwe ti togwi ’dikiŋdya ki ŋurupit lo gigiru kasu i jur, anyen dulaki kak i twöju na se, kogwon nan a MATAT ŋun losu.

Yoane 4:24

Ŋun a Mulökötyo, ti se logon kwakwaddu lepeŋ kilo ti se agu ködyö kwakwaddi lepeŋ kase i töilyet ko to ’diri.

Konesi 17:29

Nyena kogwon yi a nyakwariat ti Ŋun, yi ti bulö yeyeju adi Ŋun gwon gwoso nyömue nagon ŋuto a teten ko dakaŋ, kode ko pödö, kode ko ŋurupit, gwoso i yeyeet na tobodwan nanyit.

Nyökit 16:22

köti an ta ko togwi ’dikiŋdya ’borik ŋurupö lo kwakwasa, kogwon MATAT Ŋun losu maman se.

Nyökit 27:15

ŋuto a lömö logon a teteŋdya nyömue na gigiru, kode na ninitö nagoŋ MATAT maman, nagoŋ a kita na bodo na, ko a togwi ’dikin ŋina nyömue ki a lwön. A ti ŋutu liŋ ruŋge adi, Amin.

Nyökit 31:29

Kogwon nan a den adi i mukök na twan nio ta ’diri mo ’yö ’yot ’börik asut, a ta mo löpuköddi kaŋo i kiko logon nan a saŋi ta lo; a kulya narok mo poki kasu i kulye perok ti ŋerot, kogwon ta mo koŋdya ŋo nagoŋ a narok ko MATAT i komor, i towoŋa na nye, kogwon konesi kasu.

Nyökit 4:23

Kunyar ta ’börik, an ta böŋö tomoret na MATAT ŋun losu nagoŋ nye aje teten ko ta na, i gweja na nyömue na gigiru i gwuluet na nene ŋo nagoŋ MATAT ŋun losu a saŋi ta adi ti gwe ti kona na.

Nyökit 4:25

A na yuŋuŋdye ta ŋwajik se ko nyakwariat kasu, a joŋgi diŋit a najo i lu jur nu, ko ta ködyö mo köŋu ’börik, a teteŋdi nene nyomue na gigiru nagoŋ a gwuluet na nene ŋo, a ta koŋdi ŋo nagoŋ a naron ko MATAT ŋun losu i komor i towoŋa na nye.

Nyökit 5:8

Do ködyö ti tetenakiŋdya mugun nene nyömue na gigiru a gwuluet na ŋo ti ki yu, kode ŋo ti kak ni, kode ŋo ti pioŋ lukata.

Nyökit 5:9

Do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase komonye ko torela i kusik tojo ko nyakwari tomusala ko toiŋwan ti ŋutu logon maman nan kilo,

Nyökit 9:12

A MATAT kulyani ko nan adi, ŋine ki, ko iti kak ’de ’de i na pirit; kogwon ŋutu kulök lo jon do kaŋo Ejipeto kulo aje köŋu ’börik; se aje girara kaŋo ’de ’de i kiko logon nan a saŋi se lo; a se aje tetenakiŋdya ’börik nyömue na ninitö.

1 Timoteo 1:17

Nyena ti Mor lo yeŋ nyin logon ti twan, logon ti bulö meta, Ŋun lo geleŋ, ti nye gotani ko bulani ŋupi ŋupi! Amin.