Nyökit 4:13 - Bibilia Buk na Ŋun nagon koti luŋu a

¹³ A nye aje kwekiŋdya ta tomoret nanyit nagoŋ nye aje sarakin ta i koŋdya na, kweja adi Saresi Puök; a nye aje wurökiŋdyö se i ŋurupö murek na ’dayatak.

Nyökit 4:13 ပူးပေါင်းရင်းမြစ်များ

1 Moran 8:9

A ŋinu saŋduk gwe kana, tuŋ ŋurupö murek na ’dayatak nagon Mose a tikin nyu Orebe, i pirit nagon MATAT teteŋdi tomoret ko ŋutu ti Yisaraele, na pöri se kaŋo i jur lo Ejipeto nu.

Saumajin 119:4

Do a sarakindya yi anyen yi ködyö ’debba jujuwesi kulök go.

Yuörö 19:5

Ama soŋinana ko ta ’diri a yiŋga gworo liŋ anyen ’debba tomoret nio, a ta mo gwe a tukwörien nio lomore i kiden na gweyajin liŋ ti Ŋutu; kogwon kak liŋ a nio,

Yuörö 24:12

A MATAT kulyani ko Mose adi, Kiyuŋdye köyö ni i mere ko mönuŋdye ni; a nan de tiŋdi do ŋurupö na ’dayatak nagon saresi ko jujuwesi nan a wurökin nyin kune, anyen todiniki lepeŋat.

Yuörö 31:18

A na tutuŋge MATAT i jambu ko Mose i mere Sinai ki nu, a nye tiŋdi lepeŋ go ’boro murek nagon a tökoresi nagon a ŋurupö na ’dayatak, kine ŋurupö ŋun a wur ko morinet lonyit.

Yuörö 34:1

A MATAT kulyani ko Mose adi, Tutuŋi ŋurupö na ’dayatak murek gwoso ti kokwe kunu; a nan mo wurökiŋdye i kine ŋurupö kulyaesi lo gwon i ŋurupö ti kokwe nagon do a gwagwalak kunu.

Yuörö 34:28

A Mose gwe nyu ko MATAT perok merya Iŋwan tuparan ko tukwaje; a nye gwe a ko nyesu kinyo kode möju pioŋ. A nye wuŋe kulyaesi ti tomoret logon a saresi puök kulo i ŋurupö na ’dayatak.

Roma 9:4

Lepeŋat a kötumit na Yisaraele; Ŋun a koŋdya lepeŋat a ŋwajik kanyit, a tiŋdi se minyo lonyit, ko tomoresi nagon nye a teten ko se i pirit na geleŋ kune, a tiŋdi se Saresi todinesi, se ko saresi kwakwasesi, ko a milyekin tiŋdu se ŋo na popo.

2 Korinto 3:7

Nyena Saresi koju a gigiruki i ŋurupö, ama kilo Saresi Takiŋdya ŋutu twan, ma ’di nagon tiki nase gwon ko minyo a duma parik, anyen ŋutu ti Yisaraele gwon ti bulö meddya komor na Mose kogwon tomilyaŋ nanyit, kudyakan ŋilo minyo lilikin.

Nyökit 4:12

a MATAT aje jambu i kimaŋ lukata ko ta; a ta yiŋge gworo i jambu, ama a ta gwe a ko met nene ŋo, ake gworo ka ’de tuŋ.

Nyökit 4:14

a MATAT aje sarakiŋdya nan i nu diŋit i todinikiŋdyo na ta saresi lo wurö ko kulya na ’duŋ nye kune, anyen ta böŋö koŋdya se i lu jur logon ta laŋaddu nyin i morga lu.

Nyökit 5:22

A MATAT jambi kilo kulyaesi ko gworo lobot i momoret nasu liŋ i mere yu i lukata na kimaŋ, ko luru lo piddya se ko mudwe logon adi ’dii; a tine ’yalakiŋdya kunie kulya. A nye wurö-kiŋdye se i ŋurupö na ’dayatak murek, a tiŋdi nan se.

Ebere 9:4

Lepeŋ gwon ko pirit ’yuret na bökur nagon tetena ko dakap, se ko saŋduk na tomoret a mulunyö liŋ ko dakap. A i lukata na ŋina saŋduk gwe a mu ’da logon a dakap logon gwon ko mana i lukata nanyit, köti i ŋina saŋduk a gwe a ture lo Arona logon aje wilan, se ko ŋurupö murek na ’dayatak nagon kulyaesi ti tomoret a wuröki nyin.