Nyökit 32:9 - Bibilia Buk na Ŋun nagon koti luŋu a

⁹ Kogwon ŋutu ti MATAT gwon a koret nanyit lomore, iŋkoi kötumit na Yakobo gwon a jur lonyit lomore.

Nyökit 32:9 ပူးပေါင်းရင်းမြစ်များ

2 Samuele 14:16

Kode ŋona mor de yiyiŋ, anyen lwökuŋdyö nan i könisi ti ŋuto logon de tutukar nan se ko ŋuro liŋ ’bukuluŋ i lomore nagon ŋun a tin yi na.

2 Samuele 20:19

Nan a nene nase nagon sisi ’da ko taliŋ ko a katwöyönit i Yisaraele; do ga ’yu köŋu köji nagon a nene ŋote na Yisaraele; nyo nagon do yöŋö tutuŋgö lomore na MATAT?

1 Moran 8:51

(Kogwon se a ŋutu kulök, ko a lomoriot kulök logon do a joŋdya kaŋo i Ejipeto, i kiden na tuka niter.)

1 Moran 8:53

Kogwon do aje koraddu se i kiden na ŋutu liŋ ti kak, anyen gwon a lomoriot kulök, gwoso na jambi do ko Mose köliŋönit ilot i kutuk, na joŋdi do merenyejin kaŋ kaŋo i Ejipeto nu, pon MATAT ŊUN.

Saumajin 106:40

Nyenagon a woran na MATAT iŋge tulekin ko ŋutu kanyit, a nye mane man ŋutu kanyit lomoriot.

Saumajin 106:5

anyen nan böŋö meddya ŋutu kulök logon do a wulun kilo i puputuru ’bura, anyen nan böŋö lyölyöŋön i nyola na ŋutu ti jur ilot, iŋkoi, anyen nan bubulö yuöggu ko ŋutu kulök lomoriot i ŋirit na geleŋ.

Saumajin 135:4

Kogwon MATAT a wulundyö kötumit na Yakobo a nanyit tuŋ, iye, nye a wulundyö kotumit na Yisaraele a lomore nanyit.

Saumajin 28:9

Lwöggi ŋutu kulök, ’boroji lomore kulök; yuggi se, ko ’depaddi se ŋupi ŋupi!

Saumajin 33:12

Jur logon Ŋun lose gwon a MATAT lo, ŋutu kanyit a kalyö-ŋök, iŋkoi, ŋutu logon nye a wulun a lomore kanyit kulo a kalyöŋök!

Saumajin 74:2

Yeyeji momoret inot nagon do aje gwörun köju ’beron nu, nagon do a dakun anyen gwon a kötumit inot lomore na! Yeyeji mere Siona logon do aje si ’da kata lo.

Saumajin 78:71

a nye joŋgi lepeŋ i meyaddu na köbilu nagon nönökö, anyen yuggu ŋutu kanyit ti Yakobo, kweja adi i yuggu na ŋutu ti Yisaraele logon a lomoriot kanyit.

Yuörö 15:16

Kujönö ko roŋo a mok se; a se gwe taliŋ adi mit gwoso ŋurupö kogwon könin ilot lo riŋit, tojo Ŋutu kulök a lwöpöddu pon MATAT, iŋkoi, tojo Ŋutu logon do aje gwörun kulo a lwöpöddu.

Yuörö 34:9

A nye kulyani adi, ŋon MATAT, ko ködyö soŋinana nan a ryö ’busan konut i komor, böŋö ti do MATAT moraddi koyi, ma ’di nagon se a Ŋutu logon ko murutö a nawo ’duŋak. Ti do böŋö pitökiŋdye yi i lyaŋesi kaŋ ko i toron nikaŋ, ko wuji yi a Ŋutu kulök lomore.

Yisaya 19:25

A MATAT lo kurumi mo ’boroji seadi, Ti ’boriet gwe ko Ejipeto ŋutu kwe, ko Asura logon nan a gweja kulo, se ko Yisaraele logon a jur liŋ lomore.

Yisaya 34:17

A nye aje gubakiŋdya se guralan a koresi, a könin lonyit aje korakin se ko pata temet; a se mo ruddye lepeŋ ŋupi, a se mo gwolore kata suluja i nyakwari töjö ko lele nyakwari.

Yisaya 43:21

Kilo a ŋutu logon han a gwekin mugun anyen se böŋö pupurja lian.

Yeremia 10:16

Ŋun logon a lomore logon a koraki Yakobo lo ’bayin gwoso kilo nyömuejin, kogwon lepeŋ lo gweja ŋo liŋ, a Yisaraele gwe a kötumit nanyit lomore, karin kanyit a MATAT lo kurumi.

Yeremia 2:7

Nan a joŋdya ta i jur logon a rit anyen ko nyesu ludweki kanyit seko ŋo kanyit na ’but. A nagon ta aje lupö kata nu, a ta iŋge kör kak nio, a koŋdi lomore nio a ŋo na mamana.

Yeremia 51:19

Ŋun logon a wuluŋdyö Yakobo lo ’bayin gwoso kilo nyömuejin, kogwon lepeŋ lo gweja ŋo liŋ, a Yisaraele gwe a kötumit nanyit lomore, karin kanyit a MATAT lo kurumi.

Mika 2:5

Nyena a ta mo gwe ’bak lele ŋuto I momoret nio na MATAT logon g ’umba guralan i temba na koret na kak ko pata.

Jakaria 2:12

a MATAT mo koti joŋgi Yuda a koret na-nyit lomore i lu jur loke, a nye koti mo wuluŋdye Yerusalema.

Epeso 1:18

Nan momo ’yu adi anyen toilyet kasu böŋö gwon ko parara, anyen ta böŋö deden ko lepeŋ lungu ta i yeŋdu na nyo, koti anyen ta böŋö deden ko tukworien na no na bubula nagon nye titin ta i naŋu se ko nutu kanyit kune a nyo.

Nyökit 9:29

Kogwon kilo a ŋutu kulök ko a lomoriot kulök logon do aje toyuuŋdyo kaŋo ko riŋit iŋot duma se ko könin ilot lo riöji kulo.

Yosua 24:17

kogwon ŋilo a MATAT Ŋun likaŋ lo joŋdya yi se ko merenyejin kaŋ kaŋo i jur lo Ejipeto, ko i pirit na to ’dupien. Ŋilo a nye logon a koŋdya kinu kweyesi temejik kayaŋ i metet, a gayuŋdye yi i kiko liŋ lo ŋoŋdi yi lo, ko i kiden na gweyajin liŋ ti ŋutu lo lwöpuŋdye yi kulu;

1 Samuele 10:1

A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.