Nyökit 32:5 - Bibilia Buk na Ŋun nagon koti luŋu a

⁵ Kilo ŋutu aje konakin lepeŋ arabat, lepeŋat ’bayin a ŋwajik kanyit kogwon kulya ti bata nase; se a toberon nakwölöŋ ko a lupalien.

Nyökit 32:5 ပူးပေါင်းရင်းမြစ်များ

Suluet 6:12

a Ŋun meddi adi kak na aje körö, kogwon Ŋutu liŋ aje köŋu gwiliŋisi kase i na kak.

Saumajin 78:8

Köti an se ko gwon gwoso merenyejin kase, gwoso toberon na ŋutu kabulak ti kusik ko a karenyak, iŋkoi, teberon na ŋutu logon a ko togwi ’dikindya töilyet kase gwogwo, anyen gwo ’dan go ko Ŋun.

Yuörö 32:7

A MATAT kulyani ko Mose adi, Iŋgo iti, lulurara kak; kogwon Ŋutu kulök logon do a jon kaŋo i jur lo Ejipeto kulo aje köŋu ’börik;

Tolupesi 8:8

Kulyaesi lo lupe köyö i kutuk kilo liŋ a lo rigwo; lele kulyaet ’bayin kase kata logon a wok kode a lukwölöŋ.

Yisaya 1:4

Woidio, jur katoronyanit, ŋutu logon a sopa ko toronjin, nyakwariat ti ŋutu jo koŋdya arabat, ŋwajik kato ’burok! Ta a paju MATAT, a ta lauŋdye Ŋilo Loke lo Yisaraele, a ta lopukokiŋdye lepeŋ ki ’dirino.

Yisaya 63:8

Kogwon nye a kulya adi, ’Diri se a ŋutu kwe, se a ŋwajik kwe logon mo ti mu-muluŋganan; nyena a nye poŋdi a Kalwökönit lose

Osea 9:9

Lepeŋat aje köŋu ’börik parik gwoso i perok ti Gibea köju kulu. MATAT mo yeye lyaŋesi kase, a mo riŋge se i toronjin kase.

Jepania 3:7

A nan kulyani adi, ’Diri ŋinu köji mo kukujono nan, a mo ruŋge yuyukesi nagon yuyu-korikin lepeŋ; a mo tine boŋinaŋ ŋo liŋ nagon nan a sarakin lepeŋ kune. Ama a ŋutu ti nu köji kolumbo gwe ko pusok i koŋdya na konesi kase liŋ a narok.

Kenet 23:21

Delyaesi a ko metaki ŋutu ti Yakobo, iŋkoi daraesi a ko metaki ŋutu ti Yisaraele. MATAT Ŋun lose gwon ko lepeŋat, a pupuresi nagoŋ pupurarikin mor gwe kase kiden.

Matayo 16:4

Toberon na ŋutu lorok logon a paju Ŋun kulo gaga ’yu kweyet, ama kweyet mo ti kweki lepeŋat, ka ’de kweyet na nebi Yona. Nyena a nye kö ’yi lepeŋat a iti tu.

Matayo 17:17

A Yesu waddi adi, Ta ŋutu ti na toberon logon ’bak yupet ko a karenyak, diŋit ŋornan nagon nan si ’da ko ta? Diŋit ŋornan nagon nan dara ko kulya kasu? Jo ta ŋilo ŋuro köyö ni.

Matayo 3:7

Ama a na meddi lepeŋ Parusijin jore se ko Sadokejin jore poŋdya i batisa nu, a nye pije se adi, Ta torela ti munuö, ŋa lo tokujöŋdu ta i woran na popo nu, anyen ta rwörwöddu le?

Luka 9:41

a Yesu waddi adi, Ta ŋutu ti na toberon logon ’bak yupet ko a karenyak kulo, diŋit ŋornan nagon nan si ’da ko ta ko dara ko kulya kasu? Jo ŋuro ilot ni.

Yoane 8:41

Ta koŋdya ŋo nagon munyi kökon. A se waddi lepeŋ adi, Yi a ko yuŋwe ko lepelok; yi gwon ko Monye geleŋ logon a Ŋun.

Konesi 2:40

A lepeŋ iŋgo tokurukindyo lepepat ko kulye kulyaesi jore, a jujuje se adi, lwök ta ’borik i ŋutu ti na toberon nakwolor na.

Konesi 7:51

Nyena ta ŋutu logon ko muruto a nawo ’duŋak, logon toilyet se ko swo kasu gwon gwoso ti ŋutu logon ti yubbö ŋun, ta ŋupi renya Mulökötyo Loke. Ta kelaji ko merenyejin kasu.

2 Korinto 11:3

Nan kukujönö adi yeyeesi kasu mo kökörö, a ta mo kölökiŋdye twöju nasu na Kristo ko töilyet kasu liŋ, gwoso nagon munu köju mumuluŋge Awa ko kogon nanyit nu.

Nyökit 31:29

Kogwon nan a den adi i mukök na twan nio ta ’diri mo ’yö ’yot ’börik asut, a ta mo löpuköddi kaŋo i kiko logon nan a saŋi ta lo; a kulya narok mo poki kasu i kulye perok ti ŋerot, kogwon ta mo koŋdya ŋo nagoŋ a narok ko MATAT i komor, i towoŋa na nye, kogwon konesi kasu.

Nyökit 32:20

A nye kulyani adi, Nan mo ’de ’ya komor nio i se, a nan mo meddi ko ’dutet nase mo gwon ada, kogwon se a toberon nakwölöŋ, ko a ŋwajik logon ti yiniki.

Nyökit 4:16

ama an ta ko koŋu ’börik i tetenakiŋdya na ’börik nene nyömue na gigiru i gwuluet na nene gweyari, kode i gwuluet na ŋuto lulalet kode nanakwan,

Nyökit 4:25

A na yuŋuŋdye ta ŋwajik se ko nyakwariat kasu, a joŋgi diŋit a najo i lu jur nu, ko ta ködyö mo köŋu ’börik, a teteŋdi nene nyomue na gigiru nagoŋ a gwuluet na nene ŋo, a ta koŋdi ŋo nagoŋ a naron ko MATAT ŋun losu i komor i towoŋa na nye.

Nyökit 9:24

Ta aje renya MATAT suluja i lu lor lo deŋdi han ta lu.

Pilipoi 2:15

anyen ta boŋo gwon ’bak yuyukesi, ’bak kulya, ko a ŋwajik ti Ŋun logon ’bak korit kulo, i kiden na ŋutu ti na toberon logon konesi kase a nakwölopök ko a kaŋirak kulo. A ta mo kobbi kobbu kase kiden i na kak gwoso kaser,

Ka’duŋök 2:19

Ama a na twaji lu ka ’duŋonit nu, a se löpuköni bot a koŋdi arabat lwolwöŋ merenyejin kase, i kebbu na kulye ŋunyen anyen kitakiŋdya se, ko i dulaki kak kase i komor i twoju na se. Se a ko kölö-kiŋdyö nene na konesi kase, kode kikolin kase lo ’deggi se kulu.