Nyökit 32:2 - Bibilia Buk na Ŋun nagon koti luŋu a

² Ti todinesi kwe lilimbe gwoso kudu, ti kulyaesi lo lupe köyö i kutuk kulo ’do ’done gwoso puŋutut, ko gwoso ryem na kudu i döru logon nyuŋ a lo ’dit, ko gwoso kuduöt lo ’do i döru loki.

Nyökit 32:2 ပူးပေါင်းရင်းမြစ်များ

2 Samuele 23:4

nye mo gwe gwoso seser na kolor i nyerun nanyit, gwoso diŋit na ko ’bure nagon ’dikolo ’bayin, gwoso kudu logon topunuŋdyö döru i kak.

Saumajin 65:10

Do popogga piritön nagon a gwu ’dölön ko pioŋ jore, do yayarakindya liŋo lo na ’duluŋak jojo; doto ’doju lilima anyen kujöŋ gwon a namunyak, do ’boroja lepeŋ anyen ŋuŋun.

Saumajin 72:6

Ti mor gwe gwoso kudu lo ’don i döru lo ŋera, gwoso lilima na ruruju kak!

Tolupesi 4:2

kogwon nan jamakindya ta saresi lo ’but, ko boŋori ta todinesi kwe.

Osea 14:5

A nan mo gwe gwoso puŋutut i kötumit na Yisaraele, a nye mo turene turö gwoso köturön nator, a mo ’bekoddi kokori gwoso ti kaden ti Libanon.

Osea 6:4

A MATAT waddi adi, Do kotumit na Epuraima, nan konakin do nyo? Do kotumit na Yuda, nan ŋona konakin do ada? Nyaŋu nasu na nan gwon gwoso luru lo ko ’bure, gwoso puŋutut lo lilikara ko ’bure ’beron.

Amosa 7:16

Nyenagon soŋinana yiŋge kulyaesi ti MATAT. Do kulya adi, ti nan gwe ti kikiŋdyo ŋutu ti Yisaraele ŋo narok, ti nan gwe ti tokukiŋdyo kotumit na Yisaka kulya narok.

Mika 5:6

A se mo saŋi jur lo Asura ko baŋdujin, a saŋi jur lo Nimeroda ko baŋdujin lo ’dutwe kaŋo; a se mo lwokuŋdye yi i ŋutu ti Asura na pöri se kayaŋ i jur i ryoryogga na lokökorit lo jur likaŋ nu.

Mika 5:7

A pitono ti ŋutu ti Yakobo i kiden na gweyajin ti ŋutu jore kulo mo gwe gwoso puŋutut lo po ko MATAT yu, ko gwoso lilima na ’don i doru loki, nagon ti karakin i mordu na ŋutu kwoŋ.

Jakaria 10:1

Muluŋdye ta kudu ko MATAT i diŋit na kiser. MATAT lo tetenakiŋdya meme ’dek-ta na ki, a nye lo tiŋdi ŋutu kudu duma, se ko döru lo mu ’diŋ i ŋutu liŋ.

Ebere 6:7

Ŋun a ’boroja kak i to ’doju na kudu logon ’biyaddu i kujöŋ, a topunuŋdye kinyojin logon a lo ’but a ti ŋutu lo kuŋu se kulo.