Nyökit 32:12 - Bibilia Buk na Ŋun nagon koti luŋu a

¹² a MATAT geleŋ köti lo nyömöddi lepeŋat sona, lele Ŋun lwakatyo gwe ’bayin ko lepeŋat.

Nyökit 32:12 ပူးပေါင်းရင်းမြစ်များ

Nemaya 9:12

Do aje nyömöddu se i tuparan i bilili lo luru lukata, ko i tukwaje i bilili lo kimaŋ i tiŋdu na lepeŋat parara anyen kwekindya lepeŋat kiko logon se titiri.

Eyobo 15:19

(Jur a tiki kilo merenyejin ka ’de, a Lwaka gwe a ko morakiŋdya ko lepeŋat kiden.)

Saumajin 136:16

Nye a nyömöddu ŋutu kanyit i kiden na yöbu na sese, kogwon nyaŋu nanyit ti ’duddyö kwöŋ.

Saumajin 27:11

Pon MATAT, todiniki nan kiko ilot; nyömoddi nan i kiko loliliŋ kogwon kulya ti merok kwe.

Saumajin 78:14

Temba i tuparan a nye nyömöddi lepeŋat ko luru, temba i tukwaje a nye nyömöddi lepeŋat ko tule na kimaŋ.

Saumajin 80:1

Pon Kayukunit lo Yisaraele, tindi swö i yiŋga, do logon meyaddu kötumit na Yosepa gwoso teŋ na toro ’bo, yiŋge yi; do logon si ’da i kerubajin loki lo,

Saumajin 81:9

Ti lele ŋun logon ka ’de gwe ’bayin kasu; ko kwakwaddu ta lele ŋun logon a lepetyo.

Yisaya 46:4

nye lo tojo ko tomodoŋan nasu, a nan mo ’depaddi ta tojo ko kwekweja na kupir kasu. Nan logon a gweja ta, a nan mo ’dokoddi ta; a nan mo ’debbi ta a mo lwöŋgi ta.

Yisaya 63:14

A Mulökötyo lo MATAT nyömöddi lepeŋat i yukan gwoso toro ’bo na luluraŋg kak i pirit na ’dir. Nyena a do iŋge nyomöddu ŋutu kulök sona, i tetenakiŋdya na mugun karin na kukwön. MATAT a molo i pitokiŋdyo na ŋutu ko i garakiŋdya na se.

Osea 11:4

Nan köju lo jiggö se ko nekenejin ti ŋuto, kine nekenejin a ti nyaŋu, a nan gwe gwoso ŋuto lo yoyogga toresi ti gwolor kase i lombiot, a nan dulakine kak i tunyeju na lepeŋat.

Nyökit 1:31

ko köti i yöbu. Nyu ta a met MATAT ŋun losu i ’doggu na ta gwoso na ’doggi ŋuto ŋuro lonyit na, i ’kiko liŋ lo tiri ta tojo ko ’dur nasu i na pirit.

Nyökit 32:39

Meddi ta adi, Nan ma ’di nan lo a nye, lele Ŋun gwe ’bayin ake nan tuŋ; nan logon tatatuja, ko nan logon totorujö; nan logon böböŋöddu, ko nan logon totobia ’yu; ŋuto ’bayin logon bubulö riŋaddu kaŋo köyö i könin.

Nyökit 4:35

Ta logon a kweki kine kulya anyen ta böŋö deden adi MATAT logon a ŋun; lele gwe ’bayin ake lepeŋ tuŋ.

Nyökit 4:39

Nyenagon dene ta den i lo lor, ko ’debbi ta kine kulya kasu i töilyet adi MATAT gwon a ŋun lo ki yu ko lo kak ni; a lele gwe ’bayin.

Yosua 24:17

kogwon ŋilo a MATAT Ŋun likaŋ lo joŋdya yi se ko merenyejin kaŋ kaŋo i jur lo Ejipeto, ko i pirit na to ’dupien. Ŋilo a nye logon a koŋdya kinu kweyesi temejik kayaŋ i metet, a gayuŋdye yi i kiko liŋ lo ŋoŋdi yi lo, ko i kiden na gweyajin liŋ ti ŋutu lo lwöpuŋdye yi kulu;