Nyökit 31:3 - Bibilia Buk na Ŋun nagon koti luŋu a

³ A MATAT Ŋun losu mo lo laŋaddi kasu ŋerot, a nye mo tukaŋi kulu jurön kasu i komor, a ta mo ruddye lepeŋat; a Yosua mo gwe a kanyömönit losu a laŋaddi kare kasu ŋerot, gwoso na jambi MATAT nu.

Nyökit 31:3 ပူးပေါင်းရင်းမြစ်များ

Suluet 48:21

A Yisaraele kulyani ko Yosepa adi, Mete, nan gwe nyona ko twan, ama Ŋun mo gwon ko ta, a mo nyököddi ta i jur lo merenyejin kasu.

Konesi 7:45

a merenyejin kaŋ logon a nyakwariat kase logon koju gwon ko Yosua i pirit na geleŋ kulo yeyekaddi ŋina kemia, i diŋit na morgi se jur logon Ŋun a riköro gweyajin ti ŋutu kaŋo kase i komor lu. A ŋina kemia iŋge si ’da nyu tojo ko perok ti Dawidi.

Nyökit 1:30

MATAT ŋun losu logon a tu kasu ŋerot lo, nye lepeŋ mo lo mörökiŋdyö ta gwoso i ŋo liŋ nagoŋ nye a konakin ta Ejipeto a ta memeddya kunu,

Nyökit 3:28

Ama saŋi Yosua, ko topo ’yi lepeŋ i gwon a iŋgo; kogwon nye mo lo tu a ŋerot lo kulo ŋutu, a nye mo tiŋdi se i morga na lu jur logon do mo memet lu a lose.

Nyökit 31:14

A MATAT kulyani ko Mose adi, Meddi, perok twaesi kulök gwe nyona; luŋgi Yosua, ko kwekiŋdye ta ’börik i kemia torumet anyen nan böŋö saŋu lepeŋ. A Mose ko Yosua iti tu a kwekiŋdye ’börik i kemia torumet.

Nyökit 31:23

A MATAT saŋi Yosua ŋuro lo Nun adi, Gwe do a iŋgo ko a purutat; kogwon do mo joŋga ŋutu ti Yisaraele i lu jur logon nan a milyekin se lu; a nan mo gwe ko do.

Nyökit 31:4

A MATAT mo konakiŋdye kulu jurön gwoso na konakiŋdye nye Sikon ko ŋga, moran ti Amori, ko jur lose, na tukaŋi nye se nu.

Nyökit 34:9

A Yosua ŋuro lo Nun iŋge jore ko Mulökötyo lo koŋon, kogwon Mose a sopakiŋdya könisi kanyit ko lepeŋ loki, nyena a ŋutu ti Yisaraele yiŋge lepeŋ, a koŋdi gwoso na saŋi MATAT Mose nu.

Nyökit 7:1

A na joŋdi MATAT Ŋun losu ta i lu jur logon ta lubbi i morga lu, a ’dotoddi gweyajin ti ŋutu jore kaŋo kasu i komor, logon a ŋutu ti Kiti, ko ti Girigisi, ko ti Amori, ko ti Kanana, ko ti Peŋi, ko ti Kiwi, ko ti Yebusi, kilo a jurön buryo temejik logon toto-Ŋun ta i tojore ko i riŋit nase;

Nyökit 9:3

I lo lor dene ta den adi, ŋilo a MATAT Ŋun losu lo laŋaddu kasu ŋerot, nye a kimaŋ na tototumbö, nye lepeŋ mo tukaŋu se, a nye lepeŋ mo gubakiŋdye se kak kasu i komor. Nyena a ta ködyö riköddi se kaŋo, a tolikiŋdye se ’de ’de gwoso nagoŋ MATAT aje jamakiŋdye ta na.

Ebere 4:8

Kogwon ko ködyö Yosua a tiŋdu se pirit yukaet, a Ŋun ködyö tine yeŋon jambu kulya ti lele lor.

Yosua 1:2

Mose kölipönit lio aje twan; nyenagon Ŋine ki, laŋaddi ta i nu pele na ŋilo Yardene, ta se ko kilo ŋutu liŋ ti Yisaraele, tojo i jur logon nan titikin lepeŋat lu.

Yosua 11:15

A Mose saŋi Yosua sona, gwoso na saŋi MATAT Mose köliŋönit lonyit nu, a Yosua koŋdi sona; a nye gwe a ko kölökin nene ŋo nagon a ko kona i liŋ nagon MATAT a saŋi Mose kune.

Yosua 3:7

A MATAT kulyani ko Yosua adi, I lo lor nan de suluja töduma ’yu do ko ŋutu liŋti Yisaraele i metet, anyen se böŋö deden adi gwoso na gwoŋdi nan ko Mose köju nu, a nan de gwe ko do koti.

Yosua 4:14

a MATAT töduma ’yi Yosua ko Yisaraele liŋ i komor i ŋilu lor; a se twöji lepeŋ i perok liŋ ti gwiliŋit nanyit, gwoso nagon se a twöji Mose nu.