Nyökit 30:9 - Bibilia Buk na Ŋun nagon koti luŋu a

⁹ A MATAT Ŋun losu mo tiŋdi ta i baraŋdu ko kulya na ’but i konesi kasu liŋ, ko i ŋwajik kasu lo yuŋ ta kulo, ko i torela ti toro ’bo kasu, ko i kinyojin ti kak nasu; kogwon MATAT köti mo lyölyöŋi i konakiŋdya na ta ’bura, gwoso nagoŋ nye lyölyöŋi ’e ko merenyejin kasu nu,

Nyökit 30:9 ပူးပေါင်းရင်းမြစ်များ

Yisaya 62:4

A do mo köti tine ’dinya adi do a na Papaye, a jur ilot mo köti tine ’dinya adi do a Kölöki kana, ama a do mo luŋuni adi Lyöŋit nio gwon konut, a jur losu mo luŋuni a Ŋun na yeyema; kogwon MATAT a lyöŋön ko do, a jur ilot mo yemani yeitia.

Yisaya 62:5

Kogwon gwoso na yembi titinti ’diet nu, a ŋwajik kulök mo yembi do, ko gwoso nagon kayemanit lyölyöŋi ko ŋuro na yeyeilia nu, a Ŋun ilot mo lyölyöŋine ko do.

Yisaya 65:19

A nan mo lyölyöŋine ko Yerusalema, a nan mo lyöŋi lyöŋön ko ŋutu kwe; a gwiesi ko luluesi mo tine yiŋa i lukata nanyit köti kwöŋ.

Yeremia 31:27

Nan MATAT lo kulya adi, Perok kilo popo logon nan mo weja kötumit na Yisaraele se ko na Yuda ko nyomot logon a ŋutu se ko logon a toro ’bo.

Yeremia 31:28

A mo gwe sona adi gwoso nagon nan aje tiju lepeŋat anyen gwuŋdyö lepeŋat kaŋo, ko i turökiŋdyö na lepeŋat kak, ko i gubakiŋdya na lepeŋat kak, ko i tukaŋu na se, ko i jakiŋdya na se kulya narok, nyena a nan mo tiji lepeŋat i gweuŋdya na se ki, ko i ’yuddu na se. Kilo a kulyaesi kwe ti MATAT.

Yeremia 32:41

A nan mo lyöŋi lyöŋön i konakiŋdya na se ’bura, a nan ’diri mo ’deke ’dekan i ’yuddu na se i lo jur ko töili lio liŋ se ko ködudwö nio liŋ.

Yeremia 33:9

A na köji mo gwe köyö a karin na lyölyöpörikin, ko a pupuresi, ko a minyo i komor na ŋutu liŋ ti jurön ti kak, logon mo yiŋga po liŋ na ’but nagon nan konakin lepeŋat kune; a se mo kujönöni kujonö, a böböŋdi böböŋdu kogwon po liŋ na ’but se ko gwolor na ’but nagon nan titin ŋutu ti na köji kune.

Lewi 26:4

nyena a nan mo tiŋdi ta kuduöt i diŋitan kase, a kak mo tore toran, a kaden ti mu ’diŋ mo rade ludweki kase.

Lewi 26:6

A nan mo tiŋdi jur i gwon taliŋ, a ta mo pere kak i doto, a lele ŋuto gwe ’bayin lo tokujöŋdu ta. A nan mo tiŋdi gwuruŋin i gwon ’bayin i jur, köti a merok tine po i köŋu na jur losu.

Jepania 3:17

Nan MATAT ŋun ilot gwon konut kiden, a nan gwe gwoso ŋuto wa i gaju na do; nan mo nyonyola ko do ko lyöŋön, a nan mo toluduŋge do ko nyaŋu nio; a nan mo yoloni yolo parik i bu ’ya na mugun ko do

Luka 15:32

Yi agu ködyo lyölyöŋön ko nyonyola, kogwon lo luŋösur koju gwoso logon a twan ko aje ru koti, nye köju a likin ko aje rye koti.

Yoane 15:11

Nan aje jamakin ta kine kulya anyen lyöŋön nio böŋö gwon kasu i mugunya, ko anyen lyöŋön nasu böŋö jojore.

Nyökit 28:4

A ŋwajik lo yuŋ ta kulo mo ’boriani ’boria, se ko kinyojin ti kak nasu, ko torela ti toro ’bo kasu, ko ŋdi na kisuk kasu, se ko torela ti yidin kasu.

Nyökit 28:63

Nyena MATAT mo lyölyöŋön ko ta i tolikiŋdyö na ta ko i tukaŋu na ta, gwoso nagoŋ nye köju aje lyöŋön ko ta i konakiŋdya na ta ’bura ko i tuŋöŋö na ta nu; a ta mo ’dutujine kaŋo i lu jur logon ta lubbö i morga lu.

Nyökit 30:8

A ta köti mo yiŋge gworo lo MATAT a koŋdi saresi kanyit liŋ logon nan a saŋi ta i lo lor kulo.

Nyökit 7:14

A ta mo lo ’boriani lwolwoŋ na gweyajin liŋ ti ŋutu; a tu ’baŋan na lyan ko na wate mo gwe ’bayin i kiden na ŋutu kasu ko na toro ’bo kasu.