Nyökit 30:4 - Bibilia Buk na Ŋun nagon koti luŋu a

⁴ A ko ŋutu kasu logon a toreki kulo gwe i ’dutesi ti kak a MATAT Ŋun losu mo pepenuŋdye ta nyu, a nye dokuŋdye ta nyu;

Nyökit 30:4 ပူးပေါင်းရင်းမြစ်များ

1 Moran 8:34

a ti do boŋo yiŋge yiŋga ki yu, a pitökiŋdye toron na ŋutu kulök Yisaraele, a do böŋö toyituŋdye se i jur logon do a tin merenyejin kase lo.

2 Dekat 30:9

Kogwon ko ta a yitwe ko MATAT ni, a kamomokak ti luŋasirik kasu se ko ti ŋwajik kasu mo won konyen ko lepeŋat a mo koluŋdye lepeŋat i lo jur. Kogwon MATAT Ŋun losu a kanyaranit, ko wowon konyen, a nye mo tine lopukoddu komor nanyit kaŋo kasu ko ta a yitwe kanyit ni.

Nemaya 1:9

ama ko ta a yitwe bot köyo ni, a ’debbi saresi kwe a kone kon se, ma ’di ködyo ŋutu kasu a toreki i swötön liŋ ti kak, nyena a nan mo pepenuŋdye se nyu a mo joŋgi se i pirit nagon nan a wulun anyen karin kwe gwolor yu.

Yisaya 27:12

A i ŋilu lor a MATAT mo gwuddye ’bolot suluja i kare Perat tojo ko Loro lo Ejipeto, a ta ŋutu ti Yisaraele mo kwökwötöni geleŋ geleŋ.

Yisaya 43:6

a nan mo kujyani ko swöt lo lobot adi, Kötörö se, ko i swöt lo loki adi, Ko tiŋikin se; jo ŋwajik kwe logon pajo ko ŋwajik kwe nawate nagon i ’dutet na kak,

Yisaya 48:20

Po ta kaŋo i Babela, wöku ta kaŋo i Kaledea, tukökiŋdye ta kine kulya ko mara-ŋesi ti lyöŋön, layisua ta kine kulya tojo ko ’dutesi ti kak; kulyani ta adi, MATAT a dakuŋdya kötumit na kölipönit lonyit Yakobo!

Yisaya 62:11

Meddi ta, MATAT aje tokuöddu tojo i ’dutet na kak adi, Taki ta köji na Siona adi, Meddi ta, Kalwökönit losu ŋilo popo kasu ni; meddi ta, nye popo baruŋdya ropet nagon nye rorobbi, a ropet na kita gwe kanyit i komor.

Yeremia 31:8

Mete, nan mo jojon ŋutu kwe lo gwon i jur lo lobot kulu, a nan mo pepenuŋdye se lo gwon i ’dutesi ti kak kulu, mora ko ŋutu mo ’dokeno, ko ŋodeki, ko wate na gwon ko ŋwajik se ko wate nagon gwe nyona ko ta ’du kune, a lepeŋat mo yitwene yitwe a lodir duma parik.

Yeremia 8:3

Ŋutu liŋ lo pituŋdyö ti ŋina kötumit naron kulo mo yoŋö twan lwölwöŋ gwon jörun i piritön liŋ nagon nan aje riköddu lepeŋat kata kunu. Kilo a kulyaesi kwe ti MATAT lo kurumi.

Ejikele 36:24

a nan mo joŋdi ta kaŋo i jurön, a pepenuŋdye ta kaŋo i jurön liŋ, a nyökuŋdye ta kasu i jur.

Matayo 24:31

A nan mo soŋdi malaikajin kwe i kuddya na tore parik, a se mo momoruŋdye ŋutu kwe lo wulwe i swötön iŋwan ti kak, suluja i ’dutet na kak tojo i nene ’dutet.

Marako 13:27

A kirut nan mo soŋdi malaikajin i momoruŋdya na ŋutu kwe lo wulwe i swötön iŋwan ti kak, suluja i ’dutet na kak tojo ko nene ’dutet.

Nyökit 28:64

A MATAT mo torekiŋdye ta i kiden na gweyajin liŋ ti ŋutu, suluja i na ’dutet na kak tojo ko nu; a ta mo kitakiŋdye kulye Ŋunyen nyu, logon a kaden ko a ŋurupö, logon ta kode merenyejin kasu a ko den kulu.