Nyökit 30:2 - Bibilia Buk na Ŋun nagon koti luŋu a

² a ta se ko ŋwajik kasu yitöni ko MATAT Ŋun losu yu, a ta yiŋge gworo lonyit i ŋo liŋ nagoŋ nan a saŋi ta i lo lor kune, ko töilyet kasu liŋ se ko ködu dwölön kasu liŋ;

Nyökit 30:2 ပူးပေါင်းရင်းမြစ်များ

1 Dekat 29:17

Nan a den adi do mömöŋu töilyet ti ŋutu a do gwe ko lyöŋön ko se gwon rigwo pon Ŋun lio, köti ko tupalikan na töili lio lo rigwo nan aje wukiŋdya do kune ŋo liŋ, a nan soŋinana aje met ŋutu kulök lo gwon ni kulo i ’dogga na do ko tupalikan na töilyet kase ko lyöŋön.

1 Dekat 29:9

A kirut ŋutu lyöŋi lyöŋön kogwon lepeŋat ’de ’dekan ’dogga, a se iŋge ’dogga MATAT ko tupalikan na töilyet kase liŋ; a mor Dawidi köti iŋge lyöŋön parik.

2 Dekat 30:9

Kogwon ko ta a yitwe ko MATAT ni, a kamomokak ti luŋasirik kasu se ko ti ŋwajik kasu mo won konyen ko lepeŋat a mo koluŋdye lepeŋat i lo jur. Kogwon MATAT Ŋun losu a kanyaranit, ko wowon konyen, a nye mo tine lopukoddu komor nanyit kaŋo kasu ko ta a yitwe kanyit ni.

Nemaya 1:9

ama ko ta a yitwe bot köyo ni, a ’debbi saresi kwe a kone kon se, ma ’di ködyo ŋutu kasu a toreki i swötön liŋ ti kak, nyena a nan mo pepenuŋdye se nyu a mo joŋgi se i pirit nagon nan a wulun anyen karin kwe gwolor yu.

Saumajin 119:2

Ŋutu logon ’debba todinesi kanyit logon ga ’yu lepeŋ ko töilyet kase liŋ kilo a kalyöŋök.

Saumajin 119:80

Ti töili lio gwe a loke i saresi kulök lo wurö kulo, an nan ko wuju yu na kwe!

Saumajin 41:12

Do tötök nan kogwon nan ’bak kulya, a do tindi nan ŋupi i gwo ’dan konut i komor.

Yeremia 29:13

A ta mo ga ’yi nan, a ta mo ryeji nan i diŋit nagon ta a ga ’yu nan ko töileyt kasu liŋ nu.

Yeremia 3:10

Ma ’di ko kine ŋo liŋ, kiaser nanyit Yuda nagon a kadumanit na a ko yitwe köyö ni ko töili lonyit liŋ, ama nagon ko mumuluket. Kilo a kulyaesi kwe ti MATAT.

Yeremia 36:3

Kode ŋona kötumit na Yuda mo yiyiŋ po narok liŋ nagon nan ’dek konakiŋdya lepeŋat kune, anyen ŋutu liŋ geleŋ geleŋ böŋö lölöpuggö i kikolin kase lorok, anyen nan böŋö pipitökin lyapesi kase se ko toronjin kase.

Yeremia 4:14

Ta ŋutu ti Yerusalema, lalane ta lala konesi narok kasu i toilyet anyen ta boŋo lwolwoko. Diŋit ŋornan nagon ta ’debba yeyeesi narok kasu i toilyet?

Delyasi 3:32

nyena ma ’di nagon nye totomöŋ ŋutu, ama nye wowon konyen ko se gwoso nagon nyaŋu nanyit a duma nagon ti ’duddyö kwöŋ na;

Delyasi 3:40

Ti yi gale ta ga kikolin kaŋ ko ti yi teme ta tem se, ko ti yi löpukuŋdye ta ko MATAT ni!

Ejikele 6:9

A kirut ŋutu kasu logon a pesaddu i tatua kulo mo yeyene yeye nan i kiden na ŋutu ti jurön logon se a joŋa kata i to ’dupien kulu, adi, nan a tomie kogwon se gwon ko töilyet ti towutön a löpuköddi kaŋo köyö, a konyen kase ti towutön iŋge kepoddu nyömuejin logon a ŋunyen kana. A kirut se mo maŋdi ’börik ko ŋo liŋ narok nagon se a kon i konesi kase liŋ na mamana kine.

Osea 3:5

A i mukok a ŋutu ti Yisaraele mo yitwene i ga ’yu na MATAT Ŋun lose se ko Dawidi mor lose; a se mo ŋoŋdi ko Matai ni bobonuŋdyo yinuŋdyo kulya kanyit na ’but ti molu nu.

Lewi 26:40

Ama ko se a tuggö ŋonyan nase se ko ŋonyesi ti merenyejin kase i renya nase nagon se a renyari nan na, ko köti i wöröji nase a wok köyö,

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

2 Korinto 3:16

ama ko lele ŋuto a lopukuŋdyo ko Matat ni, a ŋina boŋgo ’dumajine kapo.

Epeso 6:24

Ti ’busan gwe ko ŋutu liŋ logon nyanyar Matat likaŋ Yesu Kristo ko nyaŋu nagon ti bulö ’duddyö na.

Nyökit 13:3

a ta ködyö tine yiŋga kulyaesi ti ŋilo nebi kode ti ŋilo karudwenit lo rudweesi; kogwon MATAT Ŋun losu gwon i möŋu na ta, i deŋdya kode ta ’diri nyanyar MATAT Ŋun losu ko töilyet kasu liŋ ko ködu dwölön kasu liŋ.

Nyökit 6:5

do ködyö nyanyar MATAT ŋun ilot ko töili ilot liŋ, ko ködudwo iŋot liŋ, ko riŋit iŋot liŋ.

1 Yoane 1:9

Koyi tutuk toronjin kaŋ kaŋo, lepeŋ a lo rigwo ko a lo yiyiniki i pitökiŋdyö na yi i toronjin kaŋ ko i toke ’ya na yi i ŋo narok liŋ.