Nyökit 3:24 - Bibilia Buk na Ŋun nagon koti luŋu a

²⁴ Pon MATAT Ŋun, do nyuŋ suluja kwekiŋdya nan kölipönit ilot adi do a duma, a do gwe ko könin iŋgo lo riŋit; kogwon lele Ŋun a ŋa ki yu kode i kak ni logon bubulö koŋdya gwoso kitajin kunök kode gwoso konesi kunök?

Nyökit 3:24 ပူးပေါင်းရင်းမြစ်များ

2 Samuele 7:22

Nyenagon do a duma pon MATAT Ŋun; kogwon lele ’bayin gwoso do, lele Ŋun ’bayin lwolwoŋ do, gwoso i ŋo liŋ nagon swo kaŋ a yiŋ kune.

1 Moran 8:42

(kogwon ŋutu mo yiyiŋ lore lo karin kunök na kukwön, ko lo könin ilot iŋgo lo riör,) a ko ŋilo lwakatyo a po i kwakwaddu komorga na kadi,

2 Dekat 6:14

a kulyani adi, Pon MATAT Ŋun lo Yisaraele, lele Ŋun ’bayin gwoso do, i ki yu kode i kak ni. Do ’debba tomoret inot ko koliponok kulok logon wöworo konut i komor ko ’deket nase geleŋ na töili, a do kwekiŋdye se nyaŋu inot nagon ti ’duddyo kwoŋ na.

Nemaya 9:32

Nyenagon pon Ŋun likaŋ, do a Ŋun duma ko riŋit ko a lo kukujönörikin, do ’de ’debba tomoret inot se ko nyaŋu nagon ti ’duddyö kwöŋ na. Böŋö ti na ŋoŋga nikaŋ liŋ gwe ti meta a ŋo na ’dit konut i komor. ŋiŋa ŋoŋga a pokin kayaŋ loki, ko i moran kaŋ, ko i temejik kaŋ. ko i koanejin kaŋ, ko i nebijin kaŋ, ko i merenyejin kaŋ, se ko i ŋuto kulök liŋ suluja i diŋit na moran ti Asura tojo ko lo lor.

Saumajin 106:2

Lon ŋuto logon jujukin tuggö konesi temejik ti MATAT? Ŋa logon jujukin ŋuŋuŋa lepeŋ ’bura?

Saumajin 145:3

MATAT gwon a duma jujukin i ŋuŋura parik, todumalan nanyit ’bak ’dutet.

Saumajin 145:6

Ŋutu mo jambu kulya ti riŋit na konesi kunök nagon se kukujönöri, a nan mo tukökindye kulya ti todumalan inot.

Saumajin 150:2

pupurje ta lepeŋ kogwon konesi kanyit temejik! pupurje ta lepeŋ kogwon todumalan nanyit nagon ti bulö tema na!

Saumajin 35:10

Nan kulya ko töili lio lo adi, MATAT, ŋa logon gwoso do? Do riŋundya lomeri kaŋo i könin lo ŋuto lo te ’ya lepeŋ lo, do riŋundya lomeri ko ŋuto lo yöŋö ŋo kaŋo i könin lo ŋuto karyakanit.

Saumajin 71:19

Pon Ŋun, kulya kunök na rigwo ko riŋit inot a yeŋga ki ŋajo. Do aje kondya konesi dumalak; ŋon Ŋun, ŋa logon gwoso do?

Saumajin 86:8

Pon MATAT, lele ŋun ’bayin i kiden na ŋunyen gwoso do, köti lele ’bayin lo kondya gwoso konesi kunök.

Saumajin 89:6

Kogwon ŋa lo gwon i ’diko logon bubulö töjowe ko do MATAT? Ŋa lo gwon i kiden na ŋutu ti ki lo gwon gwoso do MATAT?

Saumajin 89:8

Pon MATAT Ŋun lo kurumi, ŋa logon ko riŋit gwoso do ŋon MATAT? Kulya kunök ti to ’diri gwon konut i swötön liŋ.

Yuörö 15:11

Pon MATAT, ŋa logon gwoso do i kiden na ŋunyen? Ŋa logon a loke bubula gwoso do? Ŋa logon kukujönörikin a iŋge ŋuŋura gwoso do i koŋdya na sörösi?

Yuörö 8:10

A Paro waddi adi, Kine kulya de kökona ko ’bure. A Mose kulyani adi, Ti gwe gwoso na jambi do na, anyen do böŋö deden adi lele ’bayin gwoso MATAT Ŋun likaŋ.

Yuörö 9:14

Kogwon i na diŋit na, nan de soson ŋo kwe liŋ na totomijö konut i töili, ko i kölipönök kulök, ko i Ŋutu kulök; anyen do böŋö deden adi lele ’bayin gwoso nan i kak ’bukuluŋ.

Yisaya 40:18

Ta mo tojoju Ŋun ko ga? A ta tobeŋi lepeŋ ko nan gwuluet?

Yisaya 40:25

Nan Loke lo pija ta adi, Ta mor jojoju nan ko ŋa anyen nan gwon gwoso lepeŋ?

Yeremia 10:6

Pon MATAT, ŋuto ’bayin logon gwoso do; do a duma, a karin kunök temejik kune kuön parik.

Daniele 3:29

Nyena nan a tiŋdu saret adi, Ta gweyajin ti ŋutu, ko ta jurön, ko ta ŋutu lo jambu kutusen ka ’de ka ’de, ko ŋuto logon a lauŋdya Ŋun lo Sadaraka, ko a lo Mesaka, ko a lo Abede-nego lo, ŋilo ŋuto mo tutupö i tupesi, a kadi nanyit mo kölökine a murwö, kogwon lele ŋun ’bayin logon bubulö lwöggu ŋutu gwoso ŋina.

Kenet 23:23

Kogwon jwöjwöŋö ’bayin nagoŋ jwöjwöŋöri Yakobo, iŋkoi waŋdu ’bayin nagoŋ wanari Yisaraele; soŋinana ŋutu de jambu i kulya ti ŋutu ti Yakobo logon a Yisaraele adi, Ŋun aje koŋdya nyo?

Nyökit 11:2

Nyenagoŋ dene ta den kine kulya ’bura i lo lor kogwon nan ’bayin jambu ko ŋwajik kasu logon a ko den ko a ko met tojumit na MATAT Ŋun losu, ko todumalan nanyit, ko könin lonyit iŋgo lo riöji.

Nyökit 3:23

A nan mo ’yi MATAT i nu diŋit adi,

Nyökit 32:3

Nan mo tuggö karin ti MATAT. Ruŋge ta adi, Ŋun likaŋ a duma!