Nyökit 3:22 - Bibilia Buk na Ŋun nagon koti luŋu a

²² a ta mo tine kujönö se; kogwon MATAT ŋun losu nye lo mörökiŋdyö ta.

Nyökit 3:22 ပူးပေါင်းရင်းမြစ်များ

2 Dekat 13:12

Mete ta, ŋun gwon koyi a kanyömönit likaŋ, a koanejin kanyit gwe nyu i kuddya na toriot anyen luŋgu ŋutu i moro ko ta. Ta ŋutu ti Yisaraele, ko moro ta ko MATAT Ŋun lo merenyejin kasu; kogwon ta de ti te ’ya kwoŋ.

2 Dekat 20:17

’Bayin a kulya kasu i moro na ŋilo gor; wuluŋdye ta pirit nasu möriet ko tiji ta tiju a kirut ta de memet lwökt na MATAT. Ta ŋutu ti Yuda ko logon si ’da Yerusalema, lepeŋ gwon kasu i swot. Ko kujono ta, an ta ko böŋdu ta; kö ’bu­re iti ta kaŋo i moro ko se, a MATAT de gwe ko ta.

2 Dekat 20:29

A tumatyanjin liŋ ti juron iŋge moka kujono na Ŋun na yiŋge se adi MATAT aje moro ko merok ti Yisa­raele nu.

Nemaya 4:20

Ama ko ta a yiŋga woŋon na tore i nene pirit, momoraddi ta kayaŋ yu ŋun likaŋ de lo moro i kulya kaŋ.

Saumajin 44:3

Ama se a ko riŋundya ŋilu jur ko bandujin kase, köti könisi kase a ko tindu se i te ’ya; ama könin ilot lo lutaten se ko parara na komor inot a tindu lepeŋat i te ’ya, kogwon do a lyöŋön ko se.

Yuörö 14:14

MATAT de lo mörö kasu i swöt, a ta de yiŋani taliŋ adi lii.

Yuörö 14:25

a nye tiŋdi mokosi ti arabiajin kase i ’debba anyen se wörö go; a Ŋutu ti Ejipeto kulyani adi, Ti yi wöki ta kaŋo ko Ŋutu ti Yisaraele i komor, kogwon MATAT gwon kase i swöt i mörö koyi Ŋutu ti Ejipeto.

Kenet 21:34

Ama a MATAT kulyani ko Mose adi, Ko kujönö lepeŋ; kogwon nan aje tikin lepeŋ konut i könin, ko ŋutu kanyit liŋ, se ko jur lonyit; a do ködyö konakiŋdye lepeŋ gwoso na konakiŋdye do Sikon mor lo Amori nu, logon si ’da Kesebon.

Nyökit 1:30

MATAT ŋun losu logon a tu kasu ŋerot lo, nye lepeŋ mo lo mörökiŋdyö ta gwoso i ŋo liŋ nagoŋ nye a konakin ta Ejipeto a ta memeddya kunu,

Nyökit 20:1

A na tiri ta kadi ŋito i mörö ko merok kasu nu, a na meddi ta kusanjin se ko arabiajin lo jijiko, ko ŋutu logon lwölwöŋ ta kulu a ta tine kujoŋo lepeŋat; kogwon MATAT Ŋun losu lo toyuuŋdyö ta kaŋo i jur lo Ejipeto lo gwon ko ta.

Nyökit 20:4

kogwon MATAT Ŋun losu a nye logon wöröji ko ta, i mörö ko merok kasu, i Lwöggu na ta.

Nyökit 3:21

A nan saŋi Yosua i nu diŋit adi, Konyen kulök aje met ŋo liŋ nagoŋ MATAT ŋun ilot a konakin kulo moran murek kune; nyena a MATAT mo konakiŋdye kine tumatyanjin liŋ jojo nagoŋ ta laŋaddu nyin kine.

Nyökit 3:23

A nan mo ’yi MATAT i nu diŋit adi,

Yosua 10:42

A Yosua momorgi kulu moran liŋ se ko jurön kase i daŋ geleŋ, kogwon MATAT ŋun lo Yisaraele lo mörö i swöt lo ŋutu ti Yisaraele.

Yosua 23:10

A ŋuto geleŋ losu riköddi ŋutu aliŋ, kogwon MATAT Ŋun losu lo mörö kasu i swöt, gwoso najambi nye ko ta nu.