Nyökit 3:11 - Bibilia Buk na Ŋun nagon koti luŋu a

¹¹ (Kogwon ŋga mor lo Basan tuŋ lo pituŋdyö i pitönö ti ŋutu ti Repa; mete, saŋduk nuket nanyit a kuruwe kaŋo i lurutat logon a wiyu; nye nyuŋ kata Raba na ŋutu ti Amon, ’bayin sona le? A tojolan nanyit gwe a lokiliŋan buŋwan, ko tugalaŋ nanyit a lokiliŋan Iŋwan, gwoso lokiliŋ lo ŋuto.)

Nyökit 3:11 ပူးပေါင်းရင်းမြစ်များ

Suluet 14:5

A i kiŋa topuök wot Iŋwan, a Kedor-laomer se ko moran lo gwon ko lepeŋ kulu poŋdi po, a se te ’yi Ŋutu ti Repa Aseterot-karnaim yu, a te ’yi Ŋutu ti Juja Ama yu, a te ’yi Ŋutu ti Eme Sawe-kiritayim yu,

Suluet 6:15

Nyena ti do teteŋdi lepeŋ sona; ti tojolan na ki ’bo gwe a lokiliŋan miajin musala, ti tugalaŋ nanyit gwe a lokiliŋan merya mukanat, ti tojolan nanyit ki gwe a lokiliŋan merya musala.

2 Samuele 11:1

A ko gwe sona i suluet na kiŋa, i diŋit nagon moran wöröri i gor nu, a Dawidi sonyoddi Yöaba se ko köliŋönök kanyit kulo, ko Yisaraele liŋ, a se tukaŋi ŋutu ti Amon, a tuma-kiŋdye köji na Raba kiden. Ama a Dawidi karaki Yerusalema.

2 Samuele 12:26

A Yöaba gwe i mörö ko Raba na ŋutu ti Amon nagon a köji na mor, a morgi lepeŋ.

Yeremia 49:2

Nyenagon nan MATAT lo kulyaadi, Mete, perok kilo popo logon nan mo tiŋdu ŋutu ti Raba i jur lo Amoni yiŋ na merok i sira na poŋdi se i mörö nu, a köji na Raba mo konani a murwö ko a sudi, a turön kanyit mo ’yurani ’yura ko kimaŋ, a kirut ŋutu ti Yisaraele mo riköddi ŋutu logon a morga köjinö kase kilo; a mo ruddye se. Ŋilo a nan MATAT lo jambu.

Ejikele 21:20

Gerakiŋdye kiko lo ŋutu ti baŋdujin logon tu Raba nagon a köji na ŋutu ti Amon, köti gerakiŋdye kiko lo tu Yuda tojo Yerusalema nagon a köji nago na titiyu.

Ejikele 25:5

A nan mo koŋdi Raba a pirit yukit na kamilojin, kweja adi nan mo kökon jur lo ŋutu ti Amon a goro lo yidin, a ta mo dene den adi nan logon a MATAT.

Amosa 1:14

Nyena a nan mo mokakiŋdye kimaŋ i gorom nagon a mariŋ na Raba, a mo ’yuŋe kadijik kanyit ti tumatyan. A i ŋilu lor a ŋutu mo sirani sira i pirit moriet, a kobuŋot wome ko libibiu wukun-dye wukuŋdyo.

Amosa 2:9

Kolumbo a nan tukaŋi ŋutu ti Amori ko lepeŋat i komor, kilo ŋutu a lojo gwoso kaden tika ko a iŋgo gwoso kaden logon a rinö. A nan tukaŋi se liŋ ju ludweki ko kokori.

Nyökit 2:11

kilo ŋutu köti luŋu a Repa gwoso ŋutu ti Anak, ama ŋutu ti Moaba luŋgu se a Eme.

Nyökit 2:20

(Lu jur koti a kenaki a lo Repa; ŋutu ti Repa köju sisi ’datu nyu, ama ŋutu ti Amon luŋgu se a Tamejuma,

Yosua 12:4

Köti ko Oga mor lo Basan, logon a pitönö lo ŋutu ti Repa, lo si ’da Asatarot ko Ederei,

Yosua 13:12

kweja adi tumatyan liŋ na Oga Basan yu, logon tumatyan Asatarot ko Ederei (ŋilo lo pituŋdyö i pitönö ti ŋutu ti Repa). Mose a te ’ya kulo ŋutu a iŋge riköddu se kaŋo.

Kweyatti 21:17

A kirut lepeŋ tembi gorom nagon a mariŋ; a gwe a lokiliŋan mia geleŋ ko merya iŋwan wot iŋwan ko temet nagon gwoso ŋuto tetembi na, nagon ŋilo malaikatat tetembi na.

1 Samuele 17:4

A lele ŋuto logon a wa lo poŋdi kaŋo i kiden na mera na ŋutu ti Pelesete, karin kanyit a Goloyota ŋuto lo Gata. Jolan nanyit a lokiliŋan buker ko kwake geleŋ na ’dapanit na könin.