Nyökit 27:7 - Bibilia Buk na Ŋun nagon koti luŋu a

⁷ a ta ködyö ’duŋge rubaŋgajin ti taliŋ nyu; a ta ködyö nyesi nyu, a ta lyöŋi lyöŋön ko MATAT Ŋun losu i komor.

Nyökit 27:7 ပူးပေါင်းရင်းမြစ်များ

Nemaya 8:10

Nyena a nye kulyani ko lepeŋat adi, Iti ta, nyesi ta lokore nagon a welet, ko möji ta binyo na paleleŋ, ko tiŋdi ta koresi ti kinyojin i ŋuto logon ’bak nene ŋo; kogwon lo lor a lor loke lo MATAT likaŋ; an ta ko delya ta, kogwon lyöŋön ko MATAT a riŋit nasu.

Yisaya 12:3

Nyenagon a ta mo ’yiluŋdye pioŋ i kidia lwökesi ko lyöŋön.

Yisaya 61:10

Nan lyölyöŋön parik ko MATAT, ködudwö nio lyölyöŋi ko Ŋun liŋ; kogwon nye a tojubbu nan ko lwökit gwoso boŋgo, nye aje muggö nan ko löti lo rigwo gwoso boŋgo duma nagon a muit, gwoso nagon kayemanit a tojubbu mugun ko jibia ti kwe, ko gwoso ŋuro na yeyema na tokweleŋdu mugun nanyit ko ŋurupö lokwekwelen na.

Yisaya 61:3

i tetenakiŋdya na se lo dedelya i Siona, i tiŋdu na lepeŋat jibia ti kusik i pirit na kurök, ko welet lyögit i pirit na delya, ko boŋgwat pupuresi i pirit na ködudwölön na dododdya; a se mo luguni a kaden ti löti lo rigwo, logon MATAT a ’yut anyen nye böŋö bubula.

Abakuk 3:18

ma ’di kine kulya gwon sona, kolumbo a nan mo lyoni lyoŋon ko MATAT, iŋkoi, a nan mo nyolani nyola ko ŋun Kalwökönit lio.

Konesi 10:36

Ta deden adi lepeŋ a sunyukiŋdyö ŋutu ti Yisaraele kulyaet a tuŋge Loŋe Lo ’but lo taliŋ kogwon Yesu Kristo, logon a Matat lo ŋutu liŋ.

Roma 5:1

Nyenagon kogwon yi a tetenaki a lo rigwo ko Ŋun i komor kogwon yupet na, a yi gwe ko taliŋ ko Ŋun kogwon kulya ti Matat likaŋ Yesu Kristo.

Roma 5:10

Kogwon ko twan na Ŋuro lo Ŋun a tomoruŋdya yi ko Ŋun i diŋit nagon yi nyuŋ a merok nu, bia parik yi logon aje tomora ko Ŋun kulo mo lwölwökö kogwon Ŋuro lonyit aje ru i twan.

Nyökit 12:12

A ta ködyö lyöŋi lyöŋön ko MATAT Ŋun losu i komor, ta se ko ŋwajik kasu lulyan ko nawate, ko kölipönök kasu lulyan ko nawate, ko Lewijin logon si ’da kasu i turön kulo, kogwon se ’bak koret kode lomore kasu kiden.

Nyökit 12:7

a ta ködyö nyesi nyu ko MATAT Ŋun losu i komor, a ta se ko midijik kasu ködyö lyöŋi lyöŋön i ŋo liŋ nagoŋ ta kökon nagoŋ MATAT Ŋun losu a ’borokin ta kine.

Nyökit 16:11

A ta lyöŋi lyöŋön ko MATAT Ŋun losu i komor ko ŋwajik kasu lulyan ko nawate, ko kölipönök kasu lulyan ko nawate, ko Lewijin lo gwon kasu i turön, ko ŋutu lo si ’da a lepelok, ko kikijikö, ko karu ’bejin nagoŋ gwon kasu kiden kune. Ta lyölyöŋön i nu pirit nagoŋ MATAT Ŋun losu mo wuwulun i tiŋdu na karin kanyit i si ’da nyu nu.

Nyökit 16:14

a ta ködyö lyoŋi lyöŋön i rorwe losu ko ŋwajik kasu lulyan ko nawate, ko kölipönök kasu lulyan ko nawate, ko Lewijin, ko ŋutu lo si ’da a lepelok, ko kikijikö, ko karu ’bejin nagoŋ gwon kasu i turön kune.

Nyökit 27:6

Ta ködyö dibba ŋina pirit ’yuret na rubaŋgajin ti MATAT Ŋun losu ko ŋurupö logon a ko gwagwalaka; a ta wukiŋdye rubaŋgajin lo ’yu ’yura ’buluŋ nyu a ti MATAT Ŋun losu;

Nyökit 27:8

a ta ködyö wurökiŋdye i loki na kilo ŋurupö kulyaesi liŋ ti kilo saresi a lo kukurwe ko a lo ’but.

Pilipoi 3:3

Kogwon yi kulo a ŋutu lo tawero gwak, logon twöju ko Mu lokötyo lo Ŋun, a yi bu ’ye ’börik ko Kristo Yesu i mugun, a tine yinikindyo ’börik i po ti na kak.

Pilipoi 4:4

Lyöŋi ta lyöŋön ko Matat i mugun perok liŋ; nan köti nyöggu kulya adi. Lyöŋi ta lyöŋön.

Kolosai 1:20

anyen tomoruŋdya ŋo liŋ kanyit ni ko Ŋuro lonyit i mugun, kweja adi ŋo liŋ ti kak ni kode ti ki yu. Lepeŋ a tomorakiŋdya se ko rima ti Ŋuro lonyit na wuun kak i kodini na goro kune.