Nyökit 27:10 - Bibilia Buk na Ŋun nagon koti luŋu a

¹⁰ Nyenagoŋ ta ködyö yiŋga gworo lo MATAT Ŋun losu, i koŋdya na jujuwesi kanyit, se ko saresi kanyit lo wurö, logon nan aje sarakin ta i lo lor kulo.

Nyökit 27:10 ပူးပေါင်းရင်းမြစ်များ

Lewi 19:2

Kulyani ko momoret liŋ na ŋutu ti Yisaraele adi, Ta ködyö gwon a loke; kogwon nan MATAT Ŋun losu a loke.

Mika 4:5

Kogwon gweyajin ti ŋutu liŋ wörö i karin ti ŋunyen kase, ama yi kulo woro i karin ti MATAT Ŋun likaŋ ŋupi ŋupi.

Mika 6:8

Do ŋilo ŋuto, MATAT aje kwe-kiŋdya do ŋo nagon a na ’but; a nye yöŋöni ŋo a nyo konut? ŋun ’de ’dekan adi ti do kitani ko torigwo, ti do gwe a kanyaranit logon ti lopuggo. ko ti do woroni a lokoyok ko lepeŋ i komor.

Matayo 5:48

Nyenagon ta ködyö gwon a lo ’but i ŋo liŋ, gwoso na gwoŋdi Monye losu lo ki a lo ’but i ŋo liŋ na.

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.

Nyökit 26:17

Ta aje tuggö i lo lor adi MATAT a Ŋun losu, adi ta mo wörö i kikolin kanyit, a ’debbi saresi kanyit lo wurö, se ko jujuwesi kanyit, ko kulya na ’duŋ nye kune, köti adi ta mo yiŋga gworo lonyit;

Nyökit 26:18

a MATAT aje tuggö i lo lor adi ta a gweya na ŋutu kanyit lomoriot, gwoso na milyekiŋdye nye ta nu, anyen ta ködyö ’debba saresi kanyit liŋ;

Nyökit 27:11

A Mose saŋi kulu ŋutu i lu lor gwak adi,

Nyökit 27:9

A Mose se ko koanejin Lewijin kulyani ko ŋutu liŋ ti Yisaraele adi, Ta ŋutu ti Yisaraele, gwe ta taliŋ, ko yiŋge ta: i lo lor ta a po a gweya na ŋutu ti MATAT Ŋun losu.